Transkaukasia

Ti Transkaukasia (Ruso: Закавказье) wenno ti Abagatan a Kaukaso ket ti maipapan iti politika a rehion iti pagbeddengan ti Akindaya nga Europa ken ti Abagatan a laud nga Asia.^{[1][2][3][4][5][6]} Iti pay naisangsangayan, ti Transkaukasia ket gay-atenna ti akin-abagatan a paset ti Banbantay Kaukaso ken dagiti tanapna, sakkawenna ti pagbeddengan a nagbaetan dagiti kontinente ti Europa ken Asia, ken gumay-at nga agpaabagatan manipud ti akin-abagatan a paset ti kabambantayan ti Kalatakan a Kaukaso iti akin-abagatan a laud a Rusia aginggana iti Akindaya nga Anatolia iti moderno a Turkia ken ti kabambantayan a banak ti Armenia, ken manipud ti Baybay Nangisit iti laud aginggana ti aplaya ti Baybay Kaspio ti Iran iti daya. Ti lugar ket mangiraman ti akin-abagatan a paset ti kabambanatayn ti Kalatakan a Kaukaso, ti intero a kabambantayan ti Basbassit a Kaukaso, dagiti ababa a daga ti Colchis, dagiti ababa a daga ti Kura-Aras, ti Banbantay Talysh, dagiti ababa a daga ti Lenkoran, ti Javakheti ken ti akindaya paset ti Nangato a daga ti Armenia. Kenkakuyogna daytoy ti Amianan a Kaukaso, ti Transkaukasia ket paset ti dakdakkel a heograpiko a rehion ti Kaukaso a mangbingay ti Eurasia iti gudua, ken ti akinlaud a paset ti rehion ti Abagatan a Kaukaso ken ti kabambantayan ti Basbassit a Kaukaso ket agtuon ken agtumpong iti nagato a banak ti Akindaya nga Anatolia idiay adayo nga amiaan ti daya ti Turkia.

Mapa ti Transkaukasia

Amin ti Armenia ket adda iti Transkaukasia; mairaman pay ti kaaduan ti Georgia ken ti Azerbaijan, mairaman pay ti exclave ti Nakhchivan.

Kitaen pay

• Kaukaso
• Amianan a Kaukaso

Dagiti nagibasaran

1. "Caucasus". The World Factbook. Library of Congress. Mayo 2006. Naala idi 7 Hulio 2009.
2. Mulvey, Stephen (16 Hunio 2000). "The Caucasus: Troubled borderland". News. BBC. Naala idi 1 Hulio 2009. "The Caucasus Mountains form the boundary between West and East, between Europe and Asia..."
3. Georgia Naiyarkibo 2008-04-08 iti Wayback Machine, from Foreign and Commonwealth Office
4. Georgia Naiyarkibo 2009-10-28 iti Wayback Machine, from Encarta
5. Georgia Naiyarkibo 2009-03-19 iti Wayback Machine, from Intute
6. Georgia, from National Geographic

Dagiti akinruar a silpo

Dagiti midia a mainaig iti Transkaukasia iti Wikimedia Commons

• Kaukaso a Panagrepaso kadagiti Internasionala Pannakibiang
• Warnakan ti Abagatan a Kaukaso
• Transkaukasia