isla iti Filipinas From Wikipedia, the free encyclopedia
Ti Ivuhos (ammo pay a kas Isla Ibugos,[2] Ibujos,[3] Vuhus[3] ken Ibahos[1]) ket ti maysa kadagiti isla ti Batanes, ti akin-amianan unay a probinsia ti Filipinas. Ti di matagtagitao nga isla ket mabirukan iti laud ti Isla Sabtang ken isina babaen ti adalem a kanal iti gangani a 2 kilometro (1.2 mi) iti kaakaba.
Patubo a nagan: Ivujos | |
---|---|
Heograpia | |
Lokasion | Lingsat Luzon |
Nagsasabtan | 20°19′8″N 121°48′31″E |
Purpuro | Grupo ti Is-isla ti Batanes |
Kadenna a bagbagi ti danum | Kanal Balintang |
Kaatiddog | 4.0 km (2.49 mi) |
Kaakaba | 1.8 km (1.12 mi) |
Kangatuan nga elebasion | 90 m (300 ft)[1] |
Administrasion | |
Rehion | Tanap ti Cagayan |
Probinsia | Batanes |
Ili | Sabtang |
Demograpia | |
Populasion | Di matagtagitao |
Maipatinayon a pakaammo | |
Opisial a website | Opisial a website ti Probinsia ti Batanes |
Ti Isla Ivuhos ket bassit ken ababa, malaksid ti maysa a turod iti abagatan a patingga. Ti maysa nga aplaya iti korales sakbay ti turod iti akindaya a bangir ket ti laeng natalged a pangsangladan iti isla. Dagiti igid ti baybay kadagiti dua a bangir ti kanal ket beddengan babaen ti raw-ang.[4] Ti atab ket agpaabagatan iti kapardas manipud iti 3 aginggana iti 4 knots, ken ti ugot ket agpaamianan.
Agdama a di matagtagitao ti isla[3] ngem ti nasapa a panagsukisok babaen ti U.S. Geodetic Survey kadagiti nasapa a tawen ti 1900 ket nakabiruk iti pagtaengan iti asideg ti abagatan a patingga ti isla.[4]
Ti isla ti Ivuhos ket intero a buklen apug a bato ti korales a rummuar kadagiti napadsok a rangkis iti katayag iti sumurok a 60 metro (200 ft). Palikmutan dagitoy iti isla, malaksid iti akidaya a bangir a ti daga ket siiinayad a ngumato manipud kadagiti paraigid ti karuburuban ken dagiti bassit a labneng iti likmut ti aplaya, a maigiddiat kadagiti 300 metro (980 ft) nga aglomerado a rangkis iti isla ti Sabtang iti basbassit ngem 2 kilometro (1.2 mi) iti kaadayo. Ti rabaw ti Ibujos ket siiinayad nga agtultulatid, ngem awanan kadagiti ania man a waig wnno dagiti depinitibo a tanap ti waig. Daytoy a kasasaad ket sangkapaset a gapu ti pannakatunaw ti bato a mangipalubos nga agayus ti danum kadagiti kanal iti sirok ti daga, ngem ti gapu pay daytoy ket ti maysa nga epekto iti kaudian a panagsalto a nagbukel iti isla, a ssan a nangipalubos iti makaanay a panawen a mangbukel dagit waig kadagiti tanap. Mabalin a bulkaniko a dapo ti daga imbes nga apug a bato.[5]
Idasig ti Instituto ti Filipinas iti Bulkanolohia ken Sismolohia (PHIVOLCS) ti Isla Ivujos (nailista kas Isla Ibahos) kas maysa a di aktibo a bulkan iti Filipinas.[6]
Ti maysa a di nanaganan a submarino a bulkan ket mabirukan iti 5 kilometro (3.1 mi) iti laud ti Ivujos, a naudi a bimtak idi 1854. Ti bantay-baybay ket rummuar iti agarup a 24 metro (79 ft) iti baba ti rabaw ti danum.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.