Gradgrado desimal
From Wikipedia, the free encyclopedia
From Wikipedia, the free encyclopedia
Ti gradgrado desimal (DD) a maiyebkas iti latitud ken longitud kadagiti heograpiko a koordinato a kas dagiti kapirgis ti desimal ken inus-usar kadagiti adu a panangipakat ti sistema ti heograpiko a pakaammo (GIS), panangimapa ti web a kas ti Google Maps,ken dagiti ramit ti GPS. Dagiti grado desimal ket ti maysa nga alternatibo iti panagusar kadagiti grado, minminuto, ken segsegundo (DMS). Kas met iti latitud ken longitud, dagiti pateg ket respektibo a rineppet babaen ti ±90° ken ±180°.
Dagiti positibo a latitud ket dagiti amianan iti ekuador, dagiti negatibo a latitud ket dagiti abagatan ti ekuador. Dagiti positibo a longitud ket dagiti daya ti Kangrunaan a Meridiano, dagiti negatibo a longitud ket dagiti laud ti Kangrunaan a Meridiano. Ti latitud ken ti longitud ket kadawyan dagitoy a maiyebkas iti dayta a panagsasaruno, ti latitud sakbay iti longitud.
Ti rayos ti semi-mayor a pagtayyekan iti Daga iti ekuador ket 6,378,160.0 metmetro[1] a pagresultaan iti sirkumperensia iti 40,075,161.2 a metmetro. Ti ekuador ket nabingbingay kadagiti 360 a gradgrado iti longitud, isu a tunggal maysa a grado iti ekuador ket mangirepresenta ti111,319.9 metmetro wenno agarup a 111.32 km. No ti maysa ket umalis iti adayo manipud ti ekuador a mapan iti ungto, nupay kasta, ti maysa a grado iti longitud ket maipa-adu babaen ti cosine iti latitud, a mangipaasideg iti distansia, nga umabot iti sero iti ungto. Ti bilang dagiti desimal a puesto a nasken para iti naisangayan a presision idiay ekuador ket:
puesto ti desimal | gradgrado | N/S wenno E/W idiay ekuador | E/W iti 23N/S | E/W iti 45N/S | E/W iti 67N/S |
---|---|---|---|---|---|
0 | 1.0 | 111.32 km | 102.47 km | 78.71 km | 43.496 km |
1 | 0.1 | 11.132 km | 10.247 km | 7.871 km | 4.3496 km |
2 | 0.01 | 1.1132 km | 1.0247 km | .7871 km | .43496 km |
3 | 0.001 | 111.32 m | 102.47 m | 78.71 m | 43.496 m |
4 | 0.0001 | 11.132 m | 10.247 m | 7.871 m | 4.3496 m |
5 | 0.00001 | 1.1132 m | 1.0247 m | .7871 m | .43496 m |
6 | 0.000001 | 111.32 mm | 102.47 mm | 78.71 mm | 43.496 mm |
7 | 0.0000001 | 11.132 mm | 10.247 mm | 7.871 mm | 4.3496 mm |
8 | 0.00000001 | 1.1132 mm | 1.0247 mm | .7871 mm | .43496 mm |
Ti pateg kadagiti grado desimal iti maysa a presision kadagiti 4 a puesto ti desimal ket husto iti 11.132 a metmetro idiay ekuador. Ti pateg dagiti grado desimal iti 5 a puesto ti grado desimal ket husto iti 1.1132 a metro idiay ekuador. Ti kangato ket makaited ti bassit a biddut. Iti kangato iti 6,378 m , ti rayos ken distansia iti rabaw ket umado babaen ti 0.001 or 0.1%. Gapu ta ti Daga ket saan a nadalumpinas, ti presision ti longitud a paset dagiti koordinato ket umado no umad-adayoka iti ekuador. Ti presision ti paset ti latitud ket saan met unay nga umado, ngem iti kasta daytoy ket naing-inget, ti kaatiddog ti arko ti meridiano tunggal 1 a segundo ket agdepdepende iti latitud iti naikeddeng a puntos. Ti paggiddiatan iti 1 a segundo ti kaatiddog ti arko ti meridiano a nagbaetan ti ekuador ken ti ungto ket agarup a 0.3 metmetro gapu ta ti Daga ket maysa nga oblato nga esperoide.
Ti pateg ti DMS ket mapagbaliwan kadagiti grado desimal nga agus-usar iti pormula:
Kas pagarigan, ti grado desimal a representasion para iti
(ti lokasion ti Kapitolio ti Estados Unidos) ket
Kaaduan kadagiti sistema, a kas ti Google Maps, naikkat dagiti simbolo ti grado, a mangpabassit ti representasion iti
Ti mangkarkulo kadagiti komponente ti D, M ken S, ti sumaganad a pormula ket mabalin a mausar:
a ti |DD| ket ti absoluto a pateg iti DD, ti trunc ket ti annong ti trunkasion , ken ti mod ket ti operador ti modulo. Laglagipen nga iti daytoy a pormula, ti laeng S ket ti mabalin nga addaan iti sangkapirgis a pateg.
Ti pseudo kodigo, nga agus-usar iti bilang manipud iti ngato:
$min=int(mod(38.889722*60,60)); $sec=round(mod(38.889722*3600,60)) => min:53, sec:23