henero ti mulmula From Wikipedia, the free encyclopedia
Ti Actinodium ket ti henero ti botaniko a pamilia ti Myrtaceae, a naipalawag a kas maysa a henero idi 1836.[2][3] Iti agdama, daytoy ket aglaon laeng iti maysa a mabigbigan a sebbangan, ti Actinodium cunninghamii, nga endemiko iti Akinlaud nga Australia.[1][4] Ilista ti Florabase daytoy a sebbangan, iti nalawlawa a pannakaiwarwaras iti Akinlaud nga Australia, iti pay sabali, dagiti di nanaganan a sebbangan kadagiti rehion iti daya ti Albany.[5]
| Actinodium | |
|---|---|
 | |
Taksonomia  | |
| Pagarian: | Plantae |
| Klado: | Tracheophytes |
| Klado: | Angiospermae |
| Klado: | Eudicotidae |
| Klado: | Rosids |
| Urnos: | Myrtales |
| Pamilia: | Myrtaceae |
| Henero: | Actinodium Schauer ex Schltdl. |
| Sebbangan: | A. cunninghamii |
| Dua a nagan | |
| Actinodium cunninghamii Schauer ex Lindl. | |
| Kapada a nagan[1] | |
| |
Ti kadawyan a nagan iti Ingles iti Albany daisy, ket mangibaga iti pannakaiwarwarasna iti Abagatan a laud nga Australia, a mabirukan iti akin-uneg a daga manipud iti akin-abagatan nga aplaya iti asideg ti Albany ken iti Tantanap ti Esperance aginggana iti Karayan Fitzgerald. Ti ulo ti sabong, iti agarup a 40 mm iti kaakaba, ket buklen ti kompakto a maraderosas a sabsabong a palikmutan babaen ti puraw a paraigid ti di maitlogan nga immatiddog sabsabong; agparang dagitoy iti baetan ti Agosto ken Nobiembre. Dagiti nota iti panangimuyong ket iyasping daytoy iti asideg a pannakaikabagianna iti Darwinia, ken saan unay nga adu a maparang-ay a kas maysa a mula iti hardin, ti naballigi a propagasion ket magun-ud manipud kadagiti ungel.[6] Ti ababa a bassit a mula, a saan a nataytayag ngem 0.5 a metro, ket addaan iti ungkay a mangpetpet kadagiti bulong ken mapasamak kadagiti nadarat a nabasa a lugar; ken isu nga ammo iti Ingles a kas swamp daisy.[7]
Ti espesipiko nga epiteta ket mangipalagip ken ni Allan Cunningham. Naipalawag ti sebbangan idi 1836 babaen ni Johannes Conrad Schauer.[5] Naikitikit iti maysa a ladawan para iti Selio ti Australia idi 1985.[8]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
