Seattle

Ti Seattle ket maysa a nangruna a pantar a puerto a siudad ken ti tugaw ti Kondado ti King, idiay estado ti Estados Unidos iti Washington. Daytoy ket addaan ti nakarkulo a 634,535 nga agtataeng manipud idi 2012, ti Seattle ket isu ti kadakkelan a siudad idiay Amianan a laud ti Pasipiko a rehion ti Amianan nga Amerika ken maysa kadagiti kapardasan a dumakdakkel a siudad iti Estados Unidos.^[5] Ti metropolitano a lugar ti Seattle ket addaan ti agarup a 4 riwriw nga agtataeng ken isu daytoy ti maika-15 a kadakkelan a metropolitano a lugar idiay Estados Unidos.^[6] Ti siudad ket naisanglad iti akikid a rawis ti daga a nagbaetan ti Kipet ti Puget (maysa sumrekan iti Taaw Pasipiko) ken Danaw Washington, iti agarup a 100 milia (160 km) nga abagatan ti pagbeddengan ti Kanada ken Estados Unidos. Daytoy ket maysa a nangruna a pagserrekan para kadagiti panagtagiako iti Asia, ti Seattle ket isu ti maika-8 a kadakkelan a puerto idiay Estados Unidos ken ti maika-9 a kadakkelan idiay Amianan nga Amerika iti terminmo ti panagtengngel kadagiti paglaonan.^[7]

Seattle
Siudad
City of Seattle
Puseg ti ili ti Seattle
Parbo a nagan:  Ti Esmeralda a Siudad / Siudad ti Jet
Pasasao:  Ti Siudad ti Sabsabong / Ti Siudad ti Naimbag a Nakem
Lokasion ti Seattle idiay Kondado ti King ken Washington
Seattle Lokasion idiay Estados Unidos
Nagsasabtan: 47°36′35″N 122°19′59″W
Pagilian	Estados Unidos
Estado	Washington
Kondado	King
Inkorporado	Disiembre 2, 1869
Gobierno
• Mayor	Michael McGinn
• Deputado mayor	Darryl Smith
Kalawa
• Siudad	142.5 sq mi (369.2 km2)
• Daga	83.87 sq mi (217.2 km2)
• Danum	58.67 sq mi (152.0 km2)
• Metro	8,186 sq mi (21,202 km2)
Kangato	0–520 ft (0–158 m)
Populasion  (Hulio 1, 2012 (karkulo))[1]
• Siudad	634,535 (US: Maika−22)
• Densidad	7,402/sq mi (2,858/km2)
• Urbano	3,439,809
• Metro	3,905,026 (US: Maika−15)
• Nagtitipon	4,269,349 (US: Maika−12)
Nagan dagiti umili	Taga-Seattle, Seattleite
Sona ti oras	UTC-8 (PST)
• Kalgaw (DST)	UTC-7 (PDT)
Dagiti kodigo ti koreo	Kodigo ti koreo[2] 98101–98119, 98121–98122, 98124–98127, 98129, 98131–98134, 98136, 98138–98139, 98141, 98144–98146, 98148, 98151, 98154–98155, 98158, 98160–98161, 98164–98166, 98168, 98170–98171, 98174–98175, 98177–98178, 98181, 98184–98185, 98188, 98190–98191, 98194–98195, 98198–98199
Kodigo ti lugar	206
FIPS a kodigo	53-63000[3]
ID a langa ti GNIS	1512650[4]
Website	www.seattle.gov

Ti lugar ti Seattle ket natagtagitao idin babaen dagiti Patneng nga Amerikano manipud kadagidi 4,000 a tawtawen sakbay ti immuna a permanente a nagtataeng a purpuraw.^[8] Ni Arthur A. Denny ken dagiti grupona nga agbanbaniaga, a nanungpalan a naamammuan a kas ti Partido Denny, ken simmangpetda idiay Puntos ti Alki idi Nobiembre 13, 1851. Ti pagtaengan ket naiyaakar iti agdama a lokasionna ken ninaganan iti "Seattle" idi 1853, kalpasan kenni Hepe Si'ahl kadagiti lokal a tribu ti Duwamish ken Suquamish.

Ti panagtarikayo ket isu idi ti immuna nga industria ti Seattle, ngem babaen idi naladaw a maika-19 a siglo ti siudad ket nagbalin a sentro ti komersio ken panangramid kadagiti barko ken kas maysa a ruangan ti ipapan idiay Alaska idi las-ud ti Klondike Gold Rush. Babaen idi 1910, ti Seattle ket maysa idian kadagiti 25 a kadakkelan a siudad iti Estados Unidos.^[9] Nupay kasta, ti Nalatak a Depresion ket nakaro a nangdadael ti ekonomia ti siudad. Ti idadakkelna ket nagsubli idi las-ud ken kalpasan ti Sangalubongan a Gubat II, gapu ti lokal a kompania ti Boeing, a nangibangon ti Seattle a kas maysa a sentro ti panagpataud ti mapatayab a luglugan. Ti siudad ket naparang-ay a kas maysa a sentro ti teknolohia idi tawtawen ti 1980. Ti pannakapaadu dagiti baro a sopwer, bioteknolohia, ken dagiti kompania ti internet ket nangiturong ti pannakaungar ti ekonomiana, a daytoy ket nagpaadu ti populasion ti siudad babaen ti gangani a 50,000 idi baetan ti 1990 ken 2000. Iti pay kinaudi, ti Seattle ket nagbalinen a sentro para iti "berde" nga industria ken maysa a modelo para iti matalinaay a panagrang-ay.

Dagiti nagibasaran

1. "Tinawen a karkulo ti Agtataenga Populasion para iti Inkorporado a Luglugar iti Sumurok a 50,000, Nairanggo babaen iti Populasion ti Hulio 1, 2012" (CSV). Opisina ti Senso ti Estados Unidos.
2. "Zip Code Lookup". USPS. Naala idi Disiembre 11, 2008.
3. "American FactFinder". United States Census Bureau. Naala idi 2008-01-31.
4. "US Board on Geographic Names". United States Geological Survey. 2007-10-25. Naala idi 2008-01-31.
5. Gene Balk (23 Mayo 2013). "Senso: Ti Seattle ket maysa kadagiti siudad a dumakdakkel ti populasionna". Seattle Times. Naiyarkibo manipud iti kasisigud idi 2013-09-21. Naala idi 23 Mayo 2013.
6. "Dagiti karkulo ti Panagbalbaliw ti Populasion para iti Estadistika a Metropolitano a Luglugar ken Dagiti Panangiranggo: Hulio 1, 2010 aginggana iti Hulio 1, 2011 (CBSA-EST2011-05)" (CSV). Opisina ti Senso ti Estados Unidos. Naala idi Nobiembre 21, 2012.
7. "Dagiti Estadistika ti Puerto". Puerto ti Seattle. Naiyarkibo manipud iti kasisigud idi 2021-05-07. Naala idi 17 Pebrero 2013.
8. Doree Armstrong (Oktubre 4, 2007). "Feel the beat of history in the park and concert hall at two family-friendly events". Seattle Post-Intelligencer. Naala idi Nobiembre 1, 2007.
9. "Populasion ti 100 a Kadakkelan nga Urbano a Luglugar: 1910". Opisina ti Senso ti Estados Unidos. Naala idi Nobiembre 16, 2011.

Dagiti akinruar a silpo

• Dagiti midia a mainaig iti Seattle iti Wikimedia Commons
  
• Pakaammo ti panagbiahe idiay Seattle manipud iti Wikivoyage (iti Ingles)
  
• Opisial a website ti Siudad ti Seattle