henero ti mulmula From Wikipedia, the free encyclopedia
Ti Pouteria ket ti henero dagiti agsabsabong a kayo iti pamilia ti gutta-percha iti Sapotaceae. Ti henero ket adu a maiwarwaras kadagiti amin a paset ti tropikal a rehion iti lubong. Daytoy ket mairaman ti canistel (P. campechiana), ti Mamey sapote (P. sapota), ken ti lucuma (P. lucuma). Iti kadawyan, daytoy a henero ket ammo iti Ingles a kas ti pouteria trees, wenno iti dadduma a kaso, eggfruits.
Pouteria | |
---|---|
Canistel (P. campechiana) | |
Taksonomia | |
Pagarian: | Plantae |
Klado: | Tracheophytes |
Klado: | Angiospermae |
Klado: | Eudicotidae |
Klado: | Asterids |
Urnos: | Ericales |
Pamilia: | Sapotaceae |
Subpamilia: | Chrysophylloideae |
Henero: | Pouteria Aubl.[1] |
Dagiti sebbangan | |
Adu, kitaen ti teksto | |
Kapada a nagan | |
Adu, kitaen ti teksto |
Ti Pouteria ket maikabagian iti Manilkara, ti sabali pay a henero nga agpataud kadagiti natangken ken nadagsen a kayo (kas ti balatá, M. bidentata) a kaaduan a maus-usar iti nadagsen wenno konstruksion iti ruar, ken ti pay makan a bunga (kas ti sapodilla, M. zapota).
Adu dagiti sebbangan, kas ti Pouteria maclayana[2] ket addaan kadagiti makan a bunga ken nangrunada a makan. Sumagmamano ket komersial a naur-urnong ken nailaklako kadagiti lokal a paglakuan wenno ipakahe kadagiti lata.
Ti sebbangan ti Pouteria ket addaan kadagiti natangken, nadagsen, naandur a kayo a maus-usar a kas sungrod ken tabla, ngem naipangpangruna iti konstruksion iti ruar ket marina, a kas ti adigi ti sangladan, dagiti datar ti barko, kdpy. Adda met dagiti sebbangan, a kas ti abiu (P. caimito), a naikeddeng a makaandur iti shipworm; nupay kasta, depende daytoy iti linaon a silica, a mabalin nga agdumaduma manipud iti 0.0-0.9%. Ti dagsen babaen ti tomo (iti 12% iti linaon a dam-eg) ti kayo ti Pouteria ket mabalin nga agsurok iti 1140 kg/m3 (71 lb/ft3; isu a, ti kayo ket lumned iti danum. Ti kayo ti sebbangan ti Pouteria ket makasanay iti nakaro a panaggunay ken panagkillo no mamagaan, ngem iti kangrunaan nga usarna, iti konstruksion ti marina, daytoy ket saan a problema, gapu ta saan met a mamagaan ti kayo.
Ti Pouteria ket makunkuna iti Ingles a kas "wastebasket taxon", ken ti kadakkelan ket agtultuloy a maipadpadakkel wenno maipabpabassit. Ti segregado a Labatia, nga impalawag babaen ni Olof Swartz idi 1788 ken naipanagan iti Pranses a botaniko a ni Jean-Baptiste Labat, ket nataripato idi a kas naiduma nga entidad aginggana kadagiti tawen ti 1930, idi daytoy ket naisinonimo iti Pouteria. Kaaduan kadagiti naisegregado a henero ket kanungpalan a naitipon manen iti Pouteria ket intakder idi babaen da Henri Ernest Baillon ken Jean Baptiste Louis Pierre.[1]
Gapu ti di masigurado a maipanggep iti pudno a linaon, ti bilang dagiti sinonimo ti Pouteria ket dakkel unay – no ti henero ket maipalawag iti naipadakkel a kapanunotan:[1]
|
|
Iti pay maipatinayon, dagiti sumaganad a henero ket sagpaminsan a mairaman pay iti Pouteria:[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.