Parke Rizal
naipakasaritaan nga urbano a parke idiay Manila, Pilipinas From Wikipedia, the free encyclopedia
Ti Parke Rizal (wenno Parke Luneta wenno Luneta; Filipino: Liwasang Rizal), ket maysa a naipakasaritaan nga urbano a parke a mabirukan ti igid ti Roxas Boulevard, Siudad ti Manila, Filipinas, kaariping daytoy ti nadidingan a siudad ti Intramuros. Manipud idi Kolonial a Panawen ti Kastila, ti Parke ket paboriton a lugar a pagliwliwaan, ken kankanayon a bisbisitaen kadagiti Dominggo ken dagiti nailian a piesta. Daytoy ket maysa kadagiti kangrunaan a bisbistaen dagiti turista iti Siudad ti Manila.
| Parke Rizal | |
|---|---|
| Parke Luneta | |
 Ti Monumento Rizal idiay Parke Rizal | |
 | |
| Kita | Urbano a parke |
| Lokasion | Roxas Boulevard, Ermita, Manila, Filipinas |
| Nagsasabtan | 14°34′57.46″N 120°58′42.85″E |
| Kalawa | 58 nga ektaria (140 acre) |
| Napartuat | 1820 |
| Mangipatpataray | Komite ti Panagdur-as dagiti Nailian a Parke |
| Kasasaad | Nakalukat iti amin a paset ti tawen |
| Website | Opisial a Website |
Daytoy ket mabirukan idiay Luek Manila, ti Luneta ket nangruna pay a lugar iti pakasaritaan ti Filipinas. Ti panagpatay ti nailian a bannuar a ni Dr. José Rizal idi Disiembre 30, 1896, ket isu ti nagrugian ti 1898 Rebolusion ti Filipinas a panagsuppiat iti Pagarian ti Espania. Ti lugar ket opisial manen a nanaganan iti Parke Rizal tapno maipamadayaw kaniana, ken ti monumento a nakaitabonanna ket agserserbi a simbolo a pakaipatengngaan a puntos iti Parke. Ti Deklarasion ti Wayawaya ti Filipinas manipud iti Panagsakop ti Amerika ket natengngel iti Parke idi Hulio 4, 1946 ken dagidi pay simmarsaruno a dakkel a gimongan ti politika a mairaman dagiti kukua ni Ferdinand Marcos ken ni Corazon Aquino idi 1986 a kanungpalan ti Rebolusion ti EDSA.
Ti Kilometro sero ti Filipinas ket mabirukan iti kaunegan ti Parke idiay Roxas Boulevard, idiay sanguanan ti Monumento Rizal. Daytoy ket agserbi a kas ti puntos a pakarukodan amin a distansia dagiti kalsada nga agtaud manipud iti Manilad.[1]
Tio Luneta ket mabirukan iti akin-amianan a patingga ti Roxas Boulevard. Iti daya ti boulevard, ti parke ket bineddengan babaen ti Taft Avenue, Padre Burgos Avenue ken Kalaw Avenue. Iti laud ket ti lugar ti naala manen a daga iti parke a bineddengan babaen ti Katigbak Drive, South Drive, ken ti pantar ti Luek Manila.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
