Papiro
inus-usar a pagsuratan ken pagpintaan / From Wikipedia, the free encyclopedia
Ti papiro ket ti naingpis kasla papel a material a naaramid manipud ti medula ti mula a papiro, Cyperus papyrus,[1] ti mula ti kalugnakan a kasla ruot nga adu idiay Sudd ti Akin-abagatan a Sudan a mairaman pay ti Delta ti Nilo ti Ehipsio. Ti papiro ket immun-una a naammuan a naus-usar idi iti taga-ugma nga Ehipto (mabalin a nabaybayagen ngem idi Umuna a Dinastia), ngem naus-usar pay daytoy kadagiti amin a rehion ti Mediteraneo iti Pagarian ti Kush. Dagidi taga-ugma nga Ehipsio ket naipagpagarup a nagus-usarda ti papiro a kas pagsuratan a material,[2] ken inus-usarda pay a kas kadawyan a panagaramid kadagiti sabali a artipakto a kas dagiti rono a bangka, dagiti kamen, tali, dagiti palluka, ken dagiti labba.