![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e2/Member_states_of_the_Commonwealth_of_Nations.svg/langilo-640px-Member_states_of_the_Commonwealth_of_Nations.svg.png&w=640&q=50)
Mankomunidad ti Pagpagilian
intergobernamental a gunglo / From Wikipedia, the free encyclopedia
Ti Mankomunidad ti Pagpagilian, kadawyan a tinawtawagan a kas ti Mankomunidad ken dati a tinawtawagan a kas Britaniko a Mankomunidad, ket maysa a intergobernamental a gunglo dagiti 54 a nawaya nga estado a kameng. Amin a kameng malaksid ti Mozambique ken ti Rwanda ket paset idi ti Britaniko nga Imperio, a nakaaramidan ti Mankomunidad.
![Thumb image](http://upload.wikimedia.org/wikipedia/commons/thumb/e/e2/Member_states_of_the_Commonwealth_of_Nations.svg/640px-Member_states_of_the_Commonwealth_of_Nations.svg.png)
Dagiti estado a kameng ket agtitinnulongda iti kaunegan a batayan dagiti sapasap a pateg ken dagiti gandat, a kas naibagbaga iti Deklarasion ti Singapur. Dagitoy ket mangiraman ti panagiyaddang ti demokrasia, dagiti karbengan ti nagtagitaoan, nasayaat a panaturay, ti alagaden ti linteg, waya ti agmaymaysa a tao, egalitarianismo, nawaya panagtagilako, multilateralismo ken kappia iti lubong.[1] Ti Mankomunidad ket saan a maysa a politikal a kappon, ngem maysa a intergobernamental a gunglo nga agraman kadagiti pagilian nga addaan kadagiti nadumaduma a pakaammuan iti sosial, politika ken ekonomia ken naikedkeddeng nga agpapada iti kasasaad. Kadagiti pakikuyogan ti pagbibingayan a pateg, ti Mankomunidad ket makibinningay kadagiti napigsa a pannakisilpo iti panagtagilako; ti panagtagilako kadagiti sabali a kameng ti Mankomunidad ket naipakpakita nga agpakatlo aginggana iti kagudua kadagiti saan a naikameng.[2]