Tseko a botaniko From Wikipedia, the free encyclopedia
Ni Konde Friedrich Carl Eugen Vsemir von Berchtold, baron von Ungarschitz (Tseko: Bedřich Karel Eugen Všemír Berchtold hrabě z Uherčic) (25 Oktubre 1781 – 3 Abril 1876), ket maysa idi nga agsasao iti Aleman a Bohemiano mangngagas ken botaniko manipud iti kaputotan nga Austriano.
Friedrich von Berchtold | |
---|---|
![]() | |
Nayanak | Stráž nad Nežárkou | 25 Oktubre 1781
Natay | 3 Abril 1876 94) Buchlovice | (tawen
Sientipiko a pagsapulan | |
Dagiti pagobraan | Botanika, Medisina |
Pangyababaan ti mannurat (botanika) | Bercht. |
Nayanak ni Berchtold idiay Stráž nad Nežárkou (Aleman: Platz an der Naser) (itan ket ti Distrito ti Jindřichův Hradec), iti Imperio nga Austriano. Nagturpos isuna manipud iti eskuela ti medisina idi 1804, kalpasanna ket nagsanay iti medisina ken kaaduan a nangiregget iti panawenna iti botanika ken masna a pakasariataan. Kanungpalan a pinanawanna ti kadawyan a panagsanay iti medisina ket nagbannianga iti amin a paset ti Europa, ti Tengnga a Daya ken Brasil. Kimmaddua a nagsurat kadagiti nadumaduma a papel iti panagsukisok kadagiti agkabsat a lalaki a botaniko a da Carl Borivoj Presl ken ni Jan Svatopluk Presl, a mairaman iti maysa a nangruna a taksonomiko nga obra iti O Prirozenosti Rostlin.[1]
Maysa a naanep nga agob-obra para iti nailian a panagpaungar manen iti Tseka, nairaman idi ni Berchtold iti pannakapatakder ti Nailian a Museo ti Prague. Pimmusay isuna idi 1876 idiay Buchlau (itan ket Buchlovice), Moravia (itan ket parte ti Republika a Tseka).
Nainaganan a kas pammadayaw kaniana ti henero ti Berchtoldia C.Presl (sin. Chaetium Nees).
Maipanggep kadagiti personal a nagan: Aginggana idi 1919, maysa idi a titulo ti Graf, a naipatarus a kas Konde, saan nga umuna a nagan wenno tengnga a nagan. Ti porma para iti babai a kas Gräfin. Idiay Alemania manipud idi 1919, daytoy ket mangporma iti parte ti nagnagan ti pamilia. Ti Hrabě ket ti kapada iti Tseka, ti porma para iti babai ket hraběnka.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.