![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/56/Land_hemisphere.png/640px-Land_hemisphere.png&w=640&q=50)
Dagiti hemisperio ti daga ken danum
From Wikipedia, the free encyclopedia
Dagiti hemisperio ti daga ken danum iti Daga, sagpaminsan pay a napadakkel a nailetra a kas ti Hemisperio ti Daga ken Hemisperio ti Danum, ket dagiti hemisperio ti Daga nga aglaon ti mabalin a kadakkelan a dagup ti luglugar ti daga ken taaw.
Agdumaduma met dagiti panagikeddeng ti sentro dagiti hemisperio. Ti maysa a panangikeddeng ket mangikabil ti sentro ti hemisperio ti daga iti 47°13′N 1°32′W (idiay siudad ti Nantes, Pransia).[1] Babaen ti panangipalawag, ti sentro ti hemisperio ti danum ket ti antipodal a punto iti tengnga ti hemisperio ti daga, ken isu a mabirukan iti 47°13′S 178°28′E, idiay asideg ti Is-isla ti Bounty ti Baro a Selanda.[1]
Ti maysa pay nga alternatibo a panagikeddeng ti sentro ti hemisperio ti daga koma ket iti 47°24′42″N 2°37′15″W (idiay île Dumet idiay asideg ti Saint-Nazaire, Pransia)[2][3]
Ti hemisperio ti daga ket addaan laeng ti basbassit ngem pito a pagkawalo iti daga ti Daga, a mairaman ti Europa, Aprika, Amianan nga Amerika, ken ganggani amin nga Asia ken kaaduan ti Abagatan nga Amerika. Nupay kasta, uray iti hemisperio ti daga, ti kalawa ti taaw ket atiwenna ti kalawa ti daga.
Ti hemisperio ti danum ket addaan laeng ti maysa a pagkawalo iti daga ti lubong,[1] a mairaman ti Australia, Baro a Selanda, Antartika, Hawaiʻi, ti Maritimo nga Abagatan a daya nga Asia, ken ti akin-abagatan a paset ti Abagatan nga Amerika. Kaaduan ti Taaw Pasipiko ken ti Taaw Indiano ket addada iti hemisperio ti danum. Iti pannakaipada, ti hemisperio ti danum ket agarup a 89% a danum, 6% namaga a daga ken 5% polar a gora ti yelo.[1]