Mediebal nga Arabo a doktor, sientista, ken pilosopo From Wikipedia, the free encyclopedia
Ni Abū ʿAlī al-Ḥusayn ibn ʿAbd Allāh ibn Sīnā[2] (Persiano پور سينا Pur-e Sina [ˈpuːr ˈsiːnɑː] "anak a lalaki ni Sina"; c. 980 – 1037), sapasap a naamammoan a kas ni Ibn Sīnā wenno ti Nailatino a nagan nga Avicenna, ket maysa idi a Persiano[3][4][5][6] erudito, a nagsursurat kadagiti gangani a 450 a treatado dagiti nawatiwat a sakop dagiti suheto, nga adda dagiti agarup 240 a nabatbati. Iti naisangsangayan, 150 dagitoy a nabatbati a treatado ket maipatengnga ti isip iti pilosopia ken 40 kadagitoy ket maipanggep ti medisina.[7][8]
Ibn Sīnā (ابن سینا) Pūr Sīnā (پور سینا) Avicenna | |
---|---|
Patneng a nagan | Abū 'Alī al-Ḥusayn ibn 'Abd Allāh ibn Sīnā |
Nayanak | c. 980 Idiay Afshana idyay asideg ti Bukhara (kapitolio ti Samanid nga Imperio), itan ket ti Uzbekistan |
Natay | Disiembre 10, 1037 (tawen 56–57) Hamadan, Persia |
Pagtaengan | Kalatakan a Khorāsān babaen ti Samanid nga IMperio (19 a tawtawen idiay Bukhara); Khwārazm babaen dagiti Samanid (13 a tawtawen idiay Gorgānj); Jorjān babaen dagiti Ziyarid: 1012-14 AD; Persia babaen dagiti Buyid (Ray: para iti 1 a tawen; Hamadān: para iti 9 a tawtawen; Isfahān: para 13 a tawtawen; pimmusay idi 1037 AD idiay Hamadān.)[1] |
Pakipagilian | Persiano |
Nagnagan | Sharaf al-Mulk, Hujjat al-Haq, Sheikh al-Rayees |
Akademiko a taudan | |
Nakaimpluensiaan | ti Koran, Muhammad, Ja'far al-Sadiq, Hippocrates, Sushruta, Charaka, Aristoteles, Galen, Plotinus, Neoplatonismo, Indiano a matematika, Wasil ibn Ata, al-Kindi, al-Farabi, Rhazes, Biruni, John Philoponus |
Akademiko nga obra | |
Panawen | Mediebal a panawen (Islamiko a Nabalitokan a Panawen) |
Kangrunaan a kinaykayat | Medisina, pilosopia, lohika, Islamiko a teolohia (kalam), pisika, daniw, siensia |
Dagiti nangruna nga obra | Ti Libro ti Panagagas, Ti Kanon ti Medisina |
Dagiti nangruna a kapanunotan | Ama ti moderno a medisina; pionero ti aromaterapia |
Inimpluensiaan | Biruni, al-Ghazali, Omar Khayyám, Fakhruddin al-Razi, Abubacer, Averroes, Shahab al-Din Suhrawardi, Tusi, Ibn al-Nafis, Eskolastisismo, Albertus Magnus, Duns Scotus, Aquino, Giambattista Benedetti, William Harvey, Maimonides, Abu 'Ubayd al-Juzjani |
Kaaduan kadagiti nadayeg nga obrana ket Ti Libro iti Panagagas, ti maysa a nawatiawat a pilosopiko ken sientipiko nga ensiklopedia, ken Ti Kanon iti Medisina,[9] nga idi ket pagalagadan ti medikal a medisina kadagiti unibersidad.[10] Ti Kanon iti Medisina ket naus-usar idi a kas ti maysa a testo a libro dagiti unibersidad iti Montpellier ken Leuven idi nasapsapa ngem 1650.[11] Ti Kanon ti Medisina ni Ibn Sīnā ket mangite ti maysa akompleto a sistema iti medisina segun kadagiti pamunganayan ni Galen (ken ni Hippocrates).[12][13]
Ti kuerpona ket mairamraman ti panasursurat iti pilosopia, astronomia, alkemia, heolohia, sikolohia, Islamiko a teolohia, lohiko, matematika, pisika,ken ti pay daniw.[14] Isuna ket naikedkeddeng a kas ti kadayegan ken kaimpluensiaan nga erudito iti Islamiko a Nabalitokan a Panawen.[15]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.