Ruso a mannaniw From Wikipedia, the free encyclopedia
Ni Alexander Sergeyevich Pushkin (Ruso: Алекса́ндр Серге́евич Пу́шкин, tr. Aleksandr Sergeyevich Pushkin, IPA: [ɐlʲɪˈksandr sʲɪˈrɡʲejɪvʲɪtɕ ˈpuʂkʲɪn] (dengngen); 6 Hunio [D.E. 26 Mayo] 1799 – 10 Pebrero [D.E. 29 Enero] 1837) ket maysa idi a Ruso a mannurat ti Romantiko a panawen[1] nga isu ti naipanpanunotan babaen dagiti adu a ti kalatakan a Ruso a mannaniw[2][3][4][5] ken ti nangbangon ti moderno a Ruso a literatura.[6][7]
Alexander Pushkin | |
---|---|
![]() Ni Alexander Pushkin babaen ni Vasily Tropinin | |
Dagiti salaysay | |
Nayanak | Alexander Sergeyevich Pushkin 6 Hunio 1799 Moscow, Ruso nga Imperio |
Natay | 10 Pebrero 1837 37) San Petersburgo, Ruso nga Imperio | (tawen
Trabaho | Mannaniw, nobelista, dramaturgo |
Pagsasao | Ruso, Pranses |
Pakipagilian | Ruso |
Alma mater | Liseo Tsarskoye Selo |
Panawen | Nabalitokan aPanawen ti Ruso a Daniw |
Kita | Nobela, nobela iti berso, daniw, drama, ababa a sarita, banbanig a sarita |
Literario a tignay | Romantisismo, kasakbayan a realismo |
Kangrunaan nga ob-obra | Eugene Onegin, Ti Anak a Babai ti Kapitan, Boris Godunov, Ruslan ken Ludmila |
Asawa | Natalia Pushkina (1831–1837) |
Annak | Maria, Alexander, Grigory, Natalia |
Kakabagian | Sergei Lvovich Pushkin, Nadezhda Ossipovna Gannibal |
Pirma | ![]() |
Isu ket naipasngay iti Ruso a nobilidad idiay Moscow, ni Pushkin ket nangipablaak ti immuna a daniwna ti tawen a sangapulo ket lima, ken nawatiwat a nabigbigan babaen ti literario a patakder babaen ti panawen apanagturposna manipud ti Liseo Tsarskoye Selo.
Dayta ti nainget a panagsisiim ti politikal a polis ti Sar ken saan idi a makaipablaak, ni Pushkin ket nagsurat ti kadayegan a pabuyana, ti drama a Boris Godunov. Ti nobelana iti berso, a Eugene Onegin, ket naserialisado idi nagbaetan ti 1825 ken 1832.
Isu ket arsagid no maipanggep ti dayawna, ni Pushkin ket nakilablaban idi kadagiti duapulo ket siam a duelo, ken nakaroa nasugatan iti kastoy a pasamak kenni Georges-Charles de Heeckeren d'Anthès. Ni D'Anthès, ti maysa a Pranses nga opisial a nagserserbi ti Rehimento ti Kabaliero a Guardia, ket nagpadpadas a nagsulisog ti asawa ni mannaniw, a ni Natalya Pushkina. Ti nasapa nga ipupusay ni Pushkin ti tawen a 37 ket naipammategan a kas maysa a didigra para iti Ruso a literatura.
Ti ama ni Pushkin, a ni Sergei Lvovich Pushkin (1767–1848), ket nagtaud manipud kadagiti nalatak a pamilia ti Ruso a nobilidad a nakasurot ti kaputotanna manipud idi maika-12 a siglo.[8][9]
Ti ina ni Pushkin a ni Nadezhda (Nadya) Ossipovna Gannibal (1775–1836) ket nagtaud manipud ti apongna a baket manipud ti amana a nagtaud manipud ti Aleman ken Eskandinabo a nobilidad.[10][11] Isu ket anak a babai ni Ossip Abramovich Gannibal (1744–1807) ken ti asawana, a ni Maria Alekseyevna Pushkina (1745–1818).
Ti ama ni Ossip Abramovich Gannibal, ti nalatak nga apong a lakay ni Pushkin, ket ni Abram Petrovich Gannibal (1696–1781), ti nangisit nga Aprikano nga ayaban a pinadakkel ni Pedro ti Natan-ok. Ni Abram ket nagsurat kenni Empresa Elizabeth, ti anak a babai ni Pedro ti Natan-ok, nga isu ket manipud idi idiay ili ti "Lagon". Dagiti Ruso a biograpo ket nangipatinggada manipud iti rugi daytoy a ti Lagon ket adda idiay Etiopia, ti maysa a pagilian nga adda ti panakaitaripnong ti Ortodokso a Kristiano a ni Vladimir Nabokov, idi agsuksukimat ti Eugene Onegin, daytoy ket nakaipakita ti panagdudua iti daytoy a teoria ti Etiopiano a taudan. Idi 1995 ni Dieudonné Gnammankou ket nagipakita ti napigsa a kaso a ti "Lagon" ket maysa nga ili idi a mabirukan idiay akin-abagatan nga igid ti Danaw Chad, nga itan ket idiay akin-amianan a Kamerun. Nupay kasta, awan ti naipatingga nga ebidensia para kadagitoy a teoria.[8][9][11][12][13][14] Kalpasan ti panagadalna idiay Pransia a kas maysa a milisia nga inheniero, ni Abram Gannibal ket nagbalin a gobernador ti Reval ken nagbalin nga isu ti Général en Chef (ti maikatlo a kangatuan a ranggo ti buyot) a nangidadaulo ti panagpatakder kadagiti puerto ti baybay ken dagiti kanal idiay Rusia.
Naipasngay idiay Moscow, ni Pushkin ket nangipablaak ti immuna a daniwna idi agtawen ti limapulo ket lima. Babaen ti panawen a panagturposna a nagadadal a kas paset ti immuna a panagturpos ti klase ti prestihioso nga Imperial a Liseo idiay Tsarskoe Selo idiay asideg ti San Petersburgo, ti kalaingna ket nawatiwat idin a nabigbigan iti kaunegan a buya ti Ruso a literario. Kalpasan ti panagadalna, ni Pushkin ket napan iti narag-o ken nariri nga intelektual a kultura dagiti katutubo iti kapitolio, ti San Petersburgo. Idi 1820 isu ket nangipablaak ti immuna nga atiddog a daniwna, ti Ruslan ken Lyudmila, iti katengngaan ti adu a kontrobersia a maipanggep ti suhetona ken estilo.
Ni Pushkin ket nagin-inut a nagbalin a nangitalek iti sossial a reporma ket rimmuar a ngiwat para kadagiti literario a radikal. Daytoy ket nangpaunget iti gobierno, ken nakaiturongan iti pannakaiyalisna manipud ti kapitolio (1820). Isu ket napan idiay Kaukaso ken idiay Krimea, ken kalpasanna idiay Kamenka ken Chişinău, nga idiay ket nagbalin a Nawaya a Mason.
Ditoy ket timmipon iti Filiki Eteria, tisekreto nga organisasion a ti panggepna ket ti mangituang ti turayti Otomano idiay Gresia ken mangipatakder ti maysa a nawaya nga estado ti Gresia. Isu ket nareggetan babaen ti Griego a Rebolusion ken idi nangrugi ti gaubat kadagiti Otomano a Turko isu ket nagsursurat iti diario kadagitipasamak iti nalatak a nailian nga yaalsa. Isu ket nagyan idiay Chişinău aginggana idi 1823 ken nasurat kadagiti dua a Romantiko a daniw a nakaiyeg kaniana iti adu a pammadayaw; Ti Kaptibo ti kaukaso ken Ti Burayok ti Bakhchisaray. Idi 1823 Ni Pushkin ket immalis idiay Odessa, nga iday manen ket nakisuppiat iti gobierno, a nagi-eksilo kaniana idiay away nga estado ti inana Mikhailovskoe (idiay asideg ti Pskov) manipud idi 1824 aginggana idi 1826.[15]
Idiay Mikhailovskoe, ni Pushkin ket nagsurat kadagiti nostalhi a daniw ti ayat ken indedikadona kenni Elizaveta Vorontsova, ti asawa ni Heneral-Gobernador ti Malorossia.[16] Kalpasannan ni Pushkin ketnagtultuloy a nagobra iti berso-nobelana iti Eugene Onegin.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.