![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/hy/thumb/d/dc/%25D5%2596%25D5%25B8%25D6%2582%25D5%25BF%25D5%25A2%25D5%25B8%25D5%25AC%25D5%25AB_%25D5%2596%25D6%2580%25D5%25A1%25D5%25B6%25D5%25BD%25D5%25AB%25D5%25A1%25D5%25B5%25D5%25AB_%25D5%25A3%25D5%25A1%25D5%25BE%25D5%25A1%25D5%25A9.png/640px-%25D5%2596%25D5%25B8%25D6%2582%25D5%25BF%25D5%25A2%25D5%25B8%25D5%25AC%25D5%25AB_%25D5%2596%25D6%2580%25D5%25A1%25D5%25B6%25D5%25BD%25D5%25AB%25D5%25A1%25D5%25B5%25D5%25AB_%25D5%25A3%25D5%25A1%25D5%25BE%25D5%25A1%25D5%25A9.png&w=640&q=50)
Ֆուտբոլի Ֆրանսիայի գավաթ
From Wikipedia, the free encyclopedia
Շառլ Սիմոնի գավաթ, կամ Ֆուտբոլի Ֆրանսիայի գավաթ (ֆր.՝ Coupe de France), ֆրանսիական ֆուտբոլային գավաթային մրցաշար, որը կազմակերպվում է Ֆրանսիայի ֆուտբոլի ֆեդերացիայի կողմից։ Գավաթը անվանված է Շառլ Սիմոնի պատվին, ով ֆրանսիացի սպորտսմեն էր և մահացել էր Առաջին համաշխարհային պատերազմում։ Գավաթի եզրափակիչը անցկացվում է Ստադ դե Ֆրանս մարզադաշտում, իսկ հաղթողը հայտավորվում է ՈՒԵՖԱ Եվրոպայի Լիգայի խմբային փուլին։ Գործող չեմպիոնը Պարի Սեն-Ժերմենն է, որը 2016-17 մրցաշրջանի եզրափակչում պարտության մատնեց Անժեին[1]։
Ֆուտբոլի Ֆրանսիայի գավաթ | |
---|---|
![]() | |
Երկիր | ![]() |
Հիմնվել է | 1917 |
Ակումբների քանակ | 8,506 |
Ազգային առաջնություններ | Ֆրանսիայի սուպերգավաթ |
Միջազգային առաջնություններ | ՈՒԵՖԱ Եվրոպայի Լիգա |
![]() |
Պարի Սեն-Ժերմեն (11-րդ տիտղոս) |
Ամենատիտղոսավոր թիմ | Պարի Սեն-Ժերմեն (11 տիտղոս) |
Պաշտոնական կայք | Պաշտոնական կայք |
![]() |
Ֆրանսիայի գավաթը անցկացվում է 1917-18 մրցաշրջանից ի վեր, և 2016-17 մրցաշրջանը դարձավ գավաթի 100-րդ խաղարկությունը։ Մեծ թիմերը դժվարությամբ են մրցում Ֆրանսիայի գավաթում, քանի որ այստեղ գործում են պատահական վիճակահանության և 1 խաղից կազմված հակամարտությունների համակարգերը։ Այդ պատճառով Լիգա 2-ում հանդես եկող 2 թիմեր կարողացել են հաղթել Ֆրանսիայի գավաթը՝ Հավրը 1959 թվականին[2] և Գենգանը 2009-ին[3]։
2013-14 մրցաշրջանում Ֆրանսիայի գավաթին մասնակցեց 7,656 ակումբ, իսկ 2011-12 մրցաշրջանում՝ 7,422 ֆուտբոլային ակումբ։