Օքսնարդ
From Wikipedia, the free encyclopedia
Օքսնարդ (անգլ.՝ Oxnard), քաղաք ԱՄՆ-ի Կալիֆորնիա նահանգի Վենտուրա շրջանում։ Համաձայն 2007 թվականի մարդահամարի տվյալների՝ ունի 192.997 բնակիչ[2][3]։
| Բնակավայր | ||
|---|---|---|
| Օքսնարդ | ||
| անգլ.՝ Oxnard | ||
| Երկիր |  ԱՄՆ | |
| Համայնք | Վենտուրա շրջան | |
| Մակերես | 101,547739 կմ² | |
| ԲԾՄ | 52 ֆուտ | |
| Բնակչություն | ▲202 063 մարդ (ապրիլի 1, 2020)[1] | |
| Ժամային գոտի | PDT?, UTC-8 և UTC-7 | |
| Հեռախոսային կոդ | 805 | |
| Փոստային դասիչ | 93030, 93030, 93031, 93032, 93033, 93034, 93035 և 93036 | |
| Պաշտոնական կայք | oxnard.org(անգլ.) | |
| ||
Մինչև սպիտակամորթ բնակիչների հայտնվելը ժամանակակից Օքսնարդի տարածքում բնակվում էր հնդկացիական չումաշի ցեղը։ Առաջին եվրոպացին, որ ոտք է դրել այս կողմերում, իսպանացի կոնկիստադոր Խուան Ռոդրիգես Կաբրիլյոն է (1542)[4]։ Կաբրիլյոյի և տեղի բնակիչների միջև զինված ընդհարում է եղել, որի ժամանակ Կաբրիլյոն մահացու վիրավորվել է[5]։ Հետագայում` իսպանական գաղութատիրական շրջանում, ներկայիս Օքսնարդի տարածքը տրվել է սուրբ Բուենավետուրայի միսիոներական կազմակերպությանը[6]։
1897 թվականին տեղի ռանչոյի սեփականատերերը` Ալբերտ Մոլհարդտը և Յոհանես Բորչարդը, որոշում են շաքարի արտադրություն կազմակերպել[7][8]։ Նրանց համաձայնությամբ Հենրի Օքսնարդը և նրա երեք եղբայրները կառուցում են շաքարի ճակնդեղի մշակման գործարան, որտեղ աշխատում էին միայն ամերիկացիներ, ինչպես նաև Չինաստանից, Ճապոնիայից և Մեքսիկայից արտագաղթածներ։
Արտադրությունն աստիճանաբար ընդարձակվում էր, բնակիչներն էլ սկսում են աճեցնել գարի և լոբազգիներ[7]։ Քաղաքի հիմնումից ոչ շատ ժամանակ անց` 1903 թվականին, քաղաքում բացվում են ռեստորաններ, սալոններ[4][8]։ Նույն թվականին քաղաքում ստեղծվում է տեղի ոստիկանությունը[8]։ 1907 թվականին բացվում է քաղաքային առաջին հանրային գրադարանը։ Գրադարանի շենքը ներկայում պատմության հուշարձան է համարվում։
Քաղաքն արագ սկսել է զարգանալ Երկրորդ համաշխարհային պատերազմի ժամանակ. Օքսնարդի տարածքում կառուցվում են ռազմածովային բազաներ։ Պատերազմի ավարտից հետո քաղաքում սկսում են զարգանալ էլեկտրոնային, աերոտիեզերական և արդյունաբերական այլ ճյուղեր[7]։
Քաղաքը գտնվում է Խաղաղ օվկիանոսի ափին։ Քաղաքի շրջակա հողերը բարեբեր են։ Առվակների, ճահիճների, ափերի հետ տարածքը ներառում է անտառային ֆիտոցենոզ։ Այստեղ աճում են հազվագյուտ, անհետացող բուսատեսակներ[9]։
| Օքսնարդի կլիմայական տվյալները | |||||||||||||
|---|---|---|---|---|---|---|---|---|---|---|---|---|---|
| Ամիս | հունվ | փետ | մարտ | ապր | մայ | հուն | հուլ | օգոս | սեպ | հոկ | նոյ | դեկ | Տարի |
| Ռեկորդային բարձր °F (°C) | 94 (34) |
90 (32) |
94 (34) |
98 (37) |
98 (37) |
93 (34) |
94 (34) |
96 (36) |
101 (38) |
101 (38) |
98 (37) |
93 (34) |
101 (38) |
| Միջին բարձր °F (°C) | 65.5 (18.6) |
65.3 (18.5) |
65.8 (18.8) |
68.8 (20.4) |
71.1 (21.7) |
72.5 (22.5) |
75.9 (24.4) |
76.8 (24.9) |
76.6 (24.8) |
73.5 (23.1) |
70.3 (21.3) |
65.5 (18.6) |
70.63 (21.47) |
| Միջին ցածր °F (°C) | 43.2 (6.2) |
42.2 (5.7) |
46.6 (8.1) |
47.9 (8.8) |
51.7 (10.9) |
56.2 (13.4) |
58.0 (14.4) |
58.5 (14.7) |
57.0 (13.9) |
52.7 (11.5) |
46.7 (8.2) |
42.1 (5.6) |
50.23 (10.12) |
| Ռեկորդային ցածր °F (°C) | 25 (−4) |
30 (−1) |
30 (−1) |
33 (1) |
36 (2) |
42 (6) |
46 (8) |
49 (9) |
43 (6) |
35 (2) |
31 (−1) |
27 (−3) |
25 (−4) |
| Տեղումներ դյույմ (մմ) | 3.47 (88.1) |
3.71 (94.2) |
2.65 (67.3) |
0.79 (20.1) |
0.31 (7.9) |
0.05 (1.3) |
0.02 (0.5) |
0.04 (1) |
0.18 (4.6) |
0.63 (16) |
1.31 (33.3) |
2.06 (52.3) |
15.22 (386.6) |
| աղբյուր: NOAA[10][11] | |||||||||||||
Քաղաքը տնտեսապես զարգացած է` շնորհիվ մի քանի գործոնների։ Այստեղ իր դերն է խաղում Օքսնարդի աշխարհագրական դիրքը. այն գտնվում է տնտեսական ու արդյունաբերական այնպիսի խոշոր կենտրոնի մոտ, ինչպիսին է Լոս Անջելեսը։ Քաղաքը մոտ է Խաղաղ օվկիանոսին. քաղաքում կա խոշոր նավահանգիստ[12]։ Օքսնարդում լավ զարգացած են տնտեսական, արդյունաբերական և գիտության այնպիսի ճյուղեր, ինչպիսիք են բիոտեխնոլոգիան, առողջապահությունը, կրթությունը, ագրոարդյունաբերությունը[13]։ Օքսնարդում կյանքի մակարդակը բարձր է։ Օքսնարդում կյանքի մակարդակը 2009 թվականին միջինամերիկյան ցուցանիշի նկատմամբ 120 % է[14]։
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
