Օղակաձև զբոսայգի
Երևանի զբոսայգի From Wikipedia, the free encyclopedia
Երևանի զբոսայգի From Wikipedia, the free encyclopedia
Օղակաձև այգի, գտնվում է Երևանի Կենտրոն համայնքում։ Օղակաձև Գետառ գետի հունով պտտվում է քաղաքի փոքր կենտրոնի շուրջը և բաժանում փոքր և մեծ կենտրոնները։ Այգին սկսվում է «Այրարատ» կինոթատրոնի դիմացից, որտեղ գտնվում է Երևանի Սուրբ Գրիգոր Լուսավորիչ Մայր եկեղեցին, եզերվելով Խանջյան և Երվանդ Քոչարի փողոցներով, ձգվում է մինչև Մոսկովյան և Իսահակյան փողոցներ[1]։
Տեսակ | պուրակ |
---|---|
Երկիր | Հայաստան |
Վարչատարածք | Երևան |
Տեղագրություն | Կենտրոն վարչական շրջան |
Մակերես | 30 հա |
Երկարություն | 5 |
ԲԾՄ | մոտ 1020 մետր |
Այգու հիմնական գործառույթն է քաղաքի օդը մաքրելը, առողջ միկրոկլիմա ստեղծելը, մարդկանց հանգստի վայր լինելը։
Այգին համարվում է քաղաքի ծառաթփատեսակներով ամենահարուստ կանաչ գոտիներից մեկը (աճում է սոճի, եղևնի, գիհի, ակացիա, թխկի, կատալպա, կաղնի, կեչի, բարդի, հացենի, արոսենի, բալենի, կեռասենի, տանձենի, չիչխանի ծառ, սոսի, հուդայածառ, փշատենի, թթենի, ասպիրակ, եղրևանի, մասրենի)։
Այգու երկայնքով հոսում է Գետառը, որն ապահովում է կանաչ գոտիների ոռոգումն ու օդի խոնավությունը։
Այգու երկարությունը 5 կմ է։
Օղակաձև այգու հատակագիծը ստեղծվել է 1924 թվականին, բայց կյանքի է կոչվել միայն 1960-ական թվականների սկզբին։
Մինչև 1960-ական թվականները Շախմատի տնից մինչև այգու վերջն ընկած հատվածը եղել են սեփական տներ՝ իրենց պտղատու ծառերով։ Սակայն 1960-ականների վերջին դրանք քանդվել են։
Այգու կառուցումը նախաձեռնել է «Երևաննախագծի» N2 ճարտարապետական արվեստանոցը` Ֆենիքս Դարբինյանի ղեկավարությամբ։
Այգու կառուցման փուլում նախագիծը մի շարք փոփոխությունների է ենթարկվել, նախատեսված 1200 հա տարածքն էլ էապես նվազել է։
Այգին սկիզբ առավ «Այրարատ» կինոթատրոնի մոտից, անցավ Խանջյան, Երվանդ Քոչարի փողոցներով ու ձգվեց մինչև Մոսկովյան և Իսահակյան փողոցներ։ Այդպիսով, Օղակաձև այգու տարածքը զբաղեցրեց Փոքր Կենտրոնի միայն 7 տոկոսը։
Այգին ունեցավ 26 հա տարածք, որից
1960-1970-ական թվականներին Օղակաձև զբոսայգու տարածքը հարստացել է հուշարձաններով։ Այնտեղ շուրջ 20 հուշարձան կա` «Բարեկամության ձեռքեր», «Ավետիք Իսահակյան», «Եղիշե Չարենց», «Միքայել Նալբանդյան», «Արմեն Տիգրանյան», «Վարդան Մամիկոնյան» և այլն։
1990-ական թվականներին շատ ծառեր հատվել են, ապա ցամաքել է Գետառը։ Այգին մնացել է անխնամ։
2000-ական թվականներին այգու տարածքի որոշ հատվածեր վարձակալության են տրվել, անկանոն կառուցապատվել, կանաչ գոտիները վերածվել են սրճարանների։
2005 թվականին այգին անվանակոչվել է երիտասարդության զբոսայգի[2]։
2019-2020 թվականներին Երևանի քաղաքապետարանն ու «ԿՇՄՊ» ՀՈԱԿ-ը սկսեցին զբոսայգու բարեկարգման աշխատանքները։ Այգու տարածքն ամբողջությամբ մաքրվել է կենցաղային աղբից, հատվել են կենսազուրկ ծառերը, նորոգվել են հին ու քայքայված ջրագծերը։
2021 թվականի նոյեմբերի 15-ին այգում բացվել է սքեյթ պարկ[3]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.