Քվինսի
From Wikipedia, the free encyclopedia
Քվինսի (անգլ.՝ Quincy. /ˈkwɪnzi/ KWIN-zee), նավահանգստային քաղաք ԱՄՆ-ում՝ Մասաչուսեթս նահանգի Նորֆոլկի շրջանում, Ատլանտյան օվկիանոսի Քվինսի ծովածոցի ափին։ Նահանգի մայրաքաղաքի՝ Բոստոնի հարավային արվարձանն է։ Զբաղեցնում է 69,69 քառակուսի կիլոմետր տարածք[2], որի 38.41%-ը՝ ջրային։ 2020 թվականի տվյալներով բնակչության թվաքանակը եղել է 101.636. այդ ցուցանիշով Քվինսին առաջին տեղն է զբաղեցնում Նորֆոլկի շրջանում և յոթերորդ տեղը՝ Մասաչուսեթս նահանգում[3]։ Քվինսին հայտնի է «Նախագահների քաղաք» և «Ամերիկյան երազանքի հայրենիք» մականուններով[4] (բանն այն է, որ այստեղ են ծնվել ԱՄՆ-ի նախագահներից երկուսը՝ Ջոն Ադամսը և նրա որդին՝ Ջոն Քվինսի Ադամսը)։
| Բնակավայր | |||
|---|---|---|---|
| Քվինսի | |||
| |||
 | |||
| Երկիր |  ԱՄՆ | ||
| Համայնք | Նորֆոլկ շրջան | ||
| Հիմնադրված է | 1625 թ. | ||
| Մակերես | 69,683664 կմ², 69,686892 կմ² | ||
| ԲԾՄ | 9±1 մետր | ||
| Բնակչություն | ▲101 636 մարդ (ապրիլի 1, 2020)[1] | ||
| Ժամային գոտի | EDT? | ||
| Հեռախոսային կոդ | 413 | ||
| Փոստային դասիչ | 02169–02171, 2169 և 2170 | ||
| Պաշտոնական կայք | quincyma.gov(անգլ.) | ||
| |||
Հիմնադրվել է 1625 թվականին, կարճ ժամանակով Դորչեսթերի, ապա՝ Բրեյնթրիի մաս կազմել։ 1792 թվականին առանձնացվել է և որպես մի նոր բնակավայր՝ կոչվել գնդապետ Ջոն Քվինսիի անունով (վերջինս հետագայում ԱՄՆ-ի նախագահ ընտրված Ջոն Քվինսի Ադամսի մոր՝ Էբիգեյլ Ադամսի պապն էր և հենց նրա պատվին էին Ջոն Քվինսի անունը տվել թոռին)[5]։ 1888 թվականին բնակավայրը քաղաքի կարգավիճակ է ստացել։
Մեկ դարից ավելի քաղաքը համբավվել է որպես գրանիտի արտադրության կենտրոն և ամերիկյան առաջին առևտրային երկաթուղու՝ «Գրանիտային երկաթգծի» բնօրրան։ Քվինսիի տնտեսության կարևոր ճյուղերից է եղել և շարունակում է մնալ նավաշինությունը։ 20-րդ դարում այստեղ հիմնադրվել և իրենց գործունեությունն են ծավալել հյուրանոցային Howard Johnson's և հրուշակեղենի արտադրության Dunkin' Donuts ընկերությունները։
| Տարեթիվ | Բնակ․ | ±% |
|---|---|---|
| 1800 | 1081 | — |
| 1810 | 1281 | +18.5% |
| 1820 | 1628 | +27.1% |
| 1830 | 2201 | +35.2% |
| 1840 | 3486 | +58.4% |
| 1850 | 5017 | +43.9% |
| 1860 | 6778 | +35.1% |
| 1870 | 7442 | +9.8% |
| 1880 | 10 570 | +42.0% |
| 1890 | 16 723 | +58.2% |
| 1900 | 23 899 | +42.9% |
| 1910 | 32 642 | +36.6% |
| 1920 | 47 876 | +46.7% |
| 1930 | 71 983 | +50.4% |
| 1940 | 75 810 | +5.3% |
| 1950 | 83 835 | +10.6% |
| 1960 | 87 409 | +4.3% |
| 1970 | 87 966 | +0.6% |
| 1980 | 84 743 | −3.7% |
| 1990 | 84 985 | +0.3% |
| 2000 | 88 025 | +3.6% |
| 2010 | 92 271 | +4.8% |
| 2020 | 101 636 | +10.1% |
| * = population estimate. Կաղապար:Historical populations/Massachusetts municipalities references[6] Աղբյուր՝ | ||
Տունը, որտեղ ծնվել է ԱՄՆի նախագահներից Ջոն Ադամսը
Ադամսների գերդաստանի չորս սերունդների հայրենի օջախը՝ Peacefield-ը
Josiah Quincy House-ը
Նախագահներ Ջոն Ադամսի և Ջոն Քվինսի Ադամսի ու նրանց կանանց շիրիմները Քվինսիի ծխական եկեղեցու՝ ընտանեկան դամբանին հատկացված մասում
Հանրային գրադարանը
Quincy Quarries Reservation արգելոցում
Ծովածոցը Ուոլաստոն լողափից
ԱՄՆ-ի նավաշինության թանգարանի ցուցանմուշներից մեկը
Արևելյան Նորֆոլկի շրջանային դատարանը (Francis X. Bellotti Courthouse)
Սուրբ Հովհաննես Մկրտիչ կաթոլիկական եկեղեցու ներսը
Մասաչուսեթսի ազգային գվարդիայի Քելիի անվան զինանոցը Ուոլաստոնում
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
