ազգային պարկ From Wikipedia, the free encyclopedia
Վանուազ (ֆր.՝ Parc national de la Vanoise), Ֆրանսիայի ազգային պարկերից մեկը, որը տեղակայված է Տարանտազիա և Մորիանա դաշտավայրերի մեջտեղում, Ֆրանսիայի Ալպերում[2]։ Իր մեջ ընդգրկում է Վանուազ լեռնազանգվածը։ Հիմնադրվել է 1963 թվականին և համարվում է առաջին ֆրանսիական ազգային պարկը։ Վանուազ ազգային պարկը գտնվում է Սավոյ դեպարտամենտում։ Այնպիսի փոքր գյուղեր, ինչպիսին են Champagny-le-Haut, Տերմինոն, Լա Չիսերետեն, Բրամանսը, Սոլիերես Սարդիերեսը, Ֆրիբուրգը, Պրալոգնա լա Վանուազը, Սեզը, գտնվում են այգու մոտ։ Ազգային պարկը սահմանակից է մի քանի խոշոր ֆրանսիական լեռնադահուկային հանգստավայրերի (Լես Տրոիս Վալեյ, Տինի, Վալ դը Իզեր, Լեզ Արկ, Լա Պլանգնե)։
![]() | |
Տեսակ | Ֆրանսիայի ազգային պարկ և բնության հատուկ պահպանվող տարածք |
Երկիր | ![]() |
Վարչատարածք | Սավոյ |
Հիմնվել է | հուլիսի 6, 1963 և 1963[1] |
Մակերես | 528 կմ² և 52 839 հեկտար[1] |
Սահմանի իտալական կողմում այգու շարունակությունը Գրան Պարադիզոն ազգային պարկն է։ Երկուսը միասին ունեն շուրջ 1250 քառ. կմ տարածք, ըստ այդմ համարվում են ալպիական ազգային պարկերից ամենախոշորը ։
Ազգային պարկը հայտնի է Ալպյան այծերով, որոնք նրա խորհրդանիշն են։ Քարայծերը նման են այծերին, դրանք տարվա մեծ մասը անցկացնում են Գրանիցա անտառում։ Նրանք իջնում են ձյան շերտի վրա վաղ գարնանը և ուշ աշնանը, որպեսզի սնվեն նոր ծլարձակած խոտերով։ Ներկայումս Վանուազում ապրում են կրծողներ, գայլեր, սովորական լուսաններ, լեռնային նապաստակներ, գորշուկներ, սպիտակ կզաքիսներ, աքիսներ և շատ այլ կաթնասուններ։
Արգելոցային տարածքում կա ավելի քան 100 թռչնատեսակ։ Գիշատիչ թռչուններից են գառնանգղերը, ոսկե արծիվները և բվեճները։ Այգում հայտնաբերվել են այլ թռչուններ ևս. րանք են սև փայտփորներ, կաքավներ, ալպիական նրբագեղիկներ, ընկուզաբեկներ, ճայակներ և շոտլանդական կաքավներ։ Կարմրաթև մագլցողը բույն շինում է զառիթափ քարափներում։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.