Ստամբուլի հնագիտական թանգարան

Ստամբուլի հնագիտական թանգարան (թուրքերեն՝ İstanbul Arkeoloji Müzesi), թանգարան, որը գտնվում է Ստամբուլում։ Թանգարանը գտնվում է Սարայբուրնուում` Գյուլհանե այգու և Թոփքափը ամրոցի հարևանությամբ։ Բաղկացած է երեք թանգարաններից` հիմնական թանգարան, Հին Արևելքի թանգարան և իսլամական արվեստի թանգարան։ Թանգարանի հավաքածուն ունի ավելի քան 3 միլիոն ցուցադրանմուշ։

Ստամբուլի հնագիտական թանգարան
Տեսակ	հնագիտական թանգարան, ազգային թանգարան և թանգարան
Երկիր	Թուրքիա Ստամբուլ
Տեղագրություն	Ստամբուլ և Ֆաթիհ
Ղեկավարության նստավայր	Ստամբուլ, Թուրքիա
Հասցե	Osman Hamdi Bey Yokuşu Sokak, Gülhane
Հիմնադրվել է	հունիսի 13, 1891
Այցելուներ	449 881 մարդ (2014)[1]
Կայք	muze.gov.tr

Ստամբուլի հնագիտական թանգարանը

Քադեշի հաշտության պայմանագրից հատվածներ

Հին հունական ցուցադրություն

Նկարագրություն

Թանգարանը հիմնվել է 19-րդ դարում` թուրք անվանի նկարիչ և հնագետ Օսման Համդի բեյի նախաձեռնությամբ։ Ցուցադրանմուշների մի մասը նախկինում պահվել է Սուրբ Իրինայի տաճարում։ Հիմնական մասնաշենքի կառուցումը սկսվել է 1881 թվականին՝ ֆրանսաթուրք ճարտարապետ Ալեքսանդր Վոլլորի նախաձեռնությամբ։ Կառուցումն ավարտվել է 1902 թվականին։ Թանգարանը բացվել է 1891 թվականի հունիսի 13-ին։ 1903 և 1907 թվականներին ավելացվել են աջ և ձախ մասնաշենքերը, ինչից հետո կառույցը ստացավ իր ներկայիս տեսքը։

Այն կառույցը, որտեղ տեղակայված է Հին Արևելքի թանգարանը, սկզբնական շրջանում եղել է կերպարվեստի դպրոց։ Հետագայում այն վերածվել է թանգարանի, որի բացումը տեղի է ունեցել 1935 թվականին։ 1963 թվականին թանգարանի շենքը փակվել է վերանորոգման և շահագործման հանձնվել միայն 1974 թվականին։

Ցուցադրանմուշներ

Թանգարանը ունի ցուցադրանմուշների հարուստ հավաքածու։ Ամենահայտնիներից են`

• Սիդոնի սարկոֆագ` Ալեքսանդր Մակեդոնացու կյանքից դրվագներով
• Լացող կնոջ սարկոֆագը Սիդոնից
• Թաբնիթ III-ի և Սատրապի սարկոֆագները
• Լիկիական գերեզմանաքար
• Էֆեբոսի արձանը
• Պերգամոնի Զևսի տաճարի արձանների մնացորդներ
• Առյուծի արձանը։ Միակ բանը ինչը մնացել է Թուրքիայում Հալիկառնասոսի դամբարանից
• Սուլթանահմեդ հրապարակի սյունի օձաձև գլուխ
• Կիբելա աստվածուհու արձանը
• Զևսի և Ալեքսանդր Մակեդոնացու դիմաքանդակները
• Ասսոսի Աթենասի տաճարի մնացորդներ
• Տրոյայի պեղումներից գտածոներ
• 800 հազար օսմանյան մետաղադրամ, կնիք, շքանշան և մեդալ
• Քադեշի ճակատամարտի հաշտության պայմանագրի եռալեզու տախտակներից մեկը, որը կնքվել է Եգիպտոս փարավոն Ռամզես II-ի և Խեթերի թագավոր Խաթուսիլիս II-ի միջև։
• Ասորեստանի արքա Ադադ Նիրարի III-ի կոթող
• Հեզարի օրացույց

Պատկերասրահ

• 
  Ալեքսանդրի սարկոֆագը, գտնված Սիդոնից
• 
  Եգիպտախեթական հաշտության պայմանագիրը
• 
  Լիկիան սարկոֆագը
• 
  Թանգարանի ցուցադրանմուշներից մեկը
• 
  Մարիամ Աստվածածնի քանդակը
• 
  Վալենտիանոս II կայսեր արձանը
• 
  Ալեքսանդր Մակեդոնացու արձանը
• 
  Փուզուր Իշտար, Մարիի ղեկավար
• 
  Հատված Իշտարի դարպասներից
• 
  Բյուզանդական կայսրերի պորֆիրե դամբարանները
• 
  Թաբնիթ III-ի սարկոֆագը Սիդոնից

Ծանոթագրություններ

1. https://web.archive.org/web/20150509115731/http://www.kulturvarliklari.gov.tr/TR,43336/muze-istatistikleri.html6

Արտաքին հղումներ

• Ստամբուլի հնագիտական թանգարանը Яндекс.Панорамы կայքում
• Թանգարանի մասին հոդված Travel.nytimes.com կայքում (անգլ.)
• Նկարներ Flickr.com կայքում

Վիքիպահեստն ունի նյութեր, որոնք վերաբերում են «Ստամբուլի հնագիտական թանգարան» հոդվածին։