Ֆաթիհ

Ֆաթիհ (թուրքերեն՝ Fatih), հաճախ անվանում են նաև պատմական կենտրոն կամ պատմական թերակղզի, Ստամբուլի շրջաններից մեկը, որը գտնվում է Ստամբուլի նահանգի եվրոպական հատվածում։ Սա պատմական Կոստանդնուպոլսի բուն տարածքն է, որն ընկած է եղել Կոստանդնուպոլսի պարիսպների ներքին հատվածում։ Շրջանում է տեղակայված քաղաքի պատմական, մշակութային տեսարժան վայրերի մեծ մասը, ներառյալ նաև Այա Սոֆիան, Թոփքափը ամրոցը, Սուլեյմանիե մզկիթը, Կապույտ մզկիթ (Ստամբուլ)ը, Խորայի եկեղեցին և Ստամբուլի հնագիտական թանգարանը։ Ներկայումս Ֆաթիհը համարվում է Ստամբուլի աղքատ պահպանողական շրջանը, որի բնակչության մեծամասնությունը Անատոլիայից ներգաղթածների սերունդներ են։ Այստեղ ապրում են նաև հայեր, հույներ և հրեաներ։

Ֆաթիհ
թուրքերեն՝ Fatih
Երկիր	Թուրքիա
Նահանգ	Ստամբուլի նահանգՍտամբուլի նահանգ
Շրջանի ղեկավար	Հասան Քարաքաշ
Համայնք	Ստամբուլի մարզ
Մակերես	17 կմ²
ԲԾՄ	24 մետր
Պաշտոնական լեզու	թուրքերեն
Բնակչություն	429 351[1] մարդ (2011)
Խտություն	26 362 մարդ/կմ²
Ժամային գոտի	UTC+3 և TRS?
Պաշտոնական կայք	fatih.gov.tr
Ֆաթիհ (Թուրքիա)
Ֆաթիհ Վիքիպահեստում

Պատմություն

Հիմնական հոդված՝ Կոստանդնուպոլիս

Կոստանդնուպոլսի անկումից հետո սուլթան Մեհմեդ II-ը այստեղ` Առաքյալների տաճարի տեղում կառուցեց քաղաքի առաջին մզկիթը` Ֆաթիհ մզկիթը, որտեղ էլ հետագայում սուլթանը թաղվեց։ Ֆաթիհ շրջանի Ֆեներ թաղամասում 1586 թվականից գտնվում է Կոստանդնուպոլսի տիեզերական պատրիարքության նստավայրը։

Աշխարհագրություն

Շրջանի ափերը ողողվում են Ոսկեղջյուրի, Բոսֆորի, Մարմարա ծովի ջրերով։ Կոստանդնուպոլսի պարիսպներով Ֆաթիհ շրջանը բաժանված է Էյուպ և Զեյթինբուրնու շրջաններից։