Սեյնթ Ջուլիանս

Սեյնթ Ջուլիանս (անգլերեն՝ St. Julian's^{[3] [4]}, մալթայերեն՝ San Ġiljan^[5], պատմական անվանումը՝ San Giuliano^[6]), քաղաք Մալթայի Հանրապետությունում, մայրաքաղաք Վալետայից դեպի հյուսիս, Միջերկրական ծովի Սպինոլա ծոցի ափին։ Քաղաքի թաղամաս-շրջաններից է Փեյսվիլը, որը հայտնի է որպես գիշերային զվարճանքներով հագեցած կյանքի կենտրոն Մալթայում։ Այն լեփ-լեցուն է գիշերային ակումբներով, սթրիփ-ակումբներով, դիսկոտեկներով, խաղատներով, կինոթատրոններով, բարերով ու ռեստորաններով, որոնք սովորաբար աշխատում են մինչև լուսաբաց^[7][8][9]։ 2014 թվականի մարտի վերջերին Սեյնթ Ջուլիանում ապրում էր 10.232 մարդ^[10]։

Բնակավայր
Սեյնթ Ջուլիանս
մալթ.՝ San Ġiljan
Դրոշ Զինանշան
Երկիր	Մալթա
Համայնք	Eastern Region (Lvant)?[1]
Առաջին հիշատակում	1565
Մակերես	1,6 կմ²
ԲԾՄ	0 մետր
Բնակչություն	▲10 232 մարդ (մարտի 31, 2014)[2]
Պաշտոնական կայք	lc.gov.mt/Page.aspx?catid=50&pid=184&lid=1
Սեյնթ Ջուլիանս (Մալթա)
Սեյնթ Ջուլիանս Վիքիպահեստում

Բնակավայրը կոչվել է ի պատիվ կաթոլիկ եկեղեցու սուր Ջուլիան Հիվանդախնամի, որը քաղաքի հովանավոր սուրբն է համարվում։

Պատմություն

Սեյնթ Ջուլիանսն սկզբնական շրջանում եղել է ձկնորսական ավան։ XVI դարի կեսերին ափին է մոտեցել թուրքական բազմաքանակ նավերց բաղկացած ռազմական նավատորմը՝ ծովահեն Թուրղութ Ռեիսի գլխավորությամբ, որը հույս էր փայփայում նվաճելու Սեյնթ Ջուլիանսն ու տիրելու Մալթային և այդ հաղթանակի շնորհիվ պատվավոր դիրք գրավելու Սուլեյման Մեծ սուլթանի արքունիքում։ Բայց Մալթայի ասպետական ուխտի ռազմիկները ջախջախել են թուրքական նավատորմը և ճակատամարտում մահացու վիրավորել Ռեիսին։

1688 թվականին ծովափի մոտ կառուցվել է Սպինոլայի պալատը, որտեղ ապրել է ասպետական ուխտի կառավարիչը՝ ջենովացի Պաոլո Ռաֆայելլո Սպինոլան։ XVIII դարում պալատը վերակառուցվել է։ Ֆրանսիացիների տիրապետության ժամանակ՝ 1798 թվականին, ֆրանսիական մի զորամաս է տեղավորվել պալատում և ամայացրել է այն։ Առաջին համաշխարհային պատերազմի տարիներին պալատը ծառայել է որպես զինվորական հոսպիտալ։

Մինչև XIX դարը ներկայիս քաղաքի տեղում եղել են միայն Սպինոլայի պալատը, ծխական եկեղեցին ու ձկնորսների մի քանի խրճիթ։ Սակայն 1930-ական թվականներին մեծահարուստ մարդկանց մեծ հոսք է սկսվել, և բնակավայրի բնույթը կտրուկ կերպով փոփոխվել է. այն վերածվել է նշանավոր հանգստավայրի ու առողջարանային քաղաքի։ Բայց դեռ պահպանվել է մի ոչ մեծ նավակայան՝ ձկնորսական նավակների համար։ Պահպանվել է նաև 1658-1659 թվականներին կառուցված պատմական աշտարակը։

Պատկերասրահ

• 
• 
• 
• 
• 
• 
• 
• 
• 
• 

Ծանոթագրություններ

1. https://localgovernment.gov.mt/public-body/eastern-region-lvant/
2. http://www.webcitation.org/6ZSEwl5UZ
3. Julian's#v=snippet&q=St. Julian's&f=false Lonely Planet 2010
4. Julian's#v=snippet&q=St. Julian's&f=false TCI 2007
5. Cfr. "San Giljan" in Hans E. Latzke, Malta. Gozo & Comino, Dumont, Hong Kong, 2013, pp. 148-153.
6. |autore=|nome=Achille|cognome=Ferris|titolo=Descrizione storica delle chiese di Malta e Gozo|url=https://books.google.it/books?id=n_q_rYTOg9oC&pg=PA576&dq=san%20giuliano#v=snippet&q=san%20giuliano&f=false%7Caccesso=2017-03-11%7Cdata=%7Canno=1866%7Ceditore=%7Ccittà=%7Clingua=it%7Cp=%7Cpp=%7CISBN=}}
7. Nightlife in Paceville - malta.com
8. Paceville bars, clubs and discos - malta-info.co.uk
9. Clubbing - visitmalta.com
10. «Estimated Population by Locality 31st March, 2014». Government of Malta. 2014 թ․ մայիսի 16. Արխիվացված օրիգինալից 2015 թ․ հունիսի 21-ին. Վերցված է 2020 թ․ ապրիլի 17-ին.

Արտաքին հղումներ

• St Julian's local council Արխիվացված 2015-07-05 Wayback Machine English language homepage of St Julian's local council

Վիքիպահեստն ունի նյութեր, որոնք վերաբերում են «Սեյնթ Ջուլիանս» հոդվածին։