Ուոթֆորդի թանգարան

Ուոթֆորդի թանգարան (անգլ.՝ Watford Museum), Մեծ Բրիտանիայի Հարթֆորդշիր կոմսության Ուոթֆորդ քաղաքում գտնվող գավառագիտական թանգարան։ Գտնվում է Լոուեր Հայ սթրիթ փողոցում։ Բացվել է 1981 թվականին և տեղակայված է Գեորգինյան դարաշրջանի ճարտարապետության հին շենքում, որը նախկինում պատկանում էր Benskins գարեջրատանը, իսկ այժմ ունի 2-րդ դասի մշակութային ժառանգության օբյեկտի կարգավիճակ^[3][4]։ Թանգարանի հավաքածուում ներառված են կերպարվեստի առարկաներ, քաղաքի և շրջանի պատմության, դրանց արդյունաբերության հետ կապված ցուցանմուշներ։ Կա նաև հատուկ ցուցադրություն՝ նվիրված Կասիոբերի կալվածքի պատմությանը^[5]։

Ուոթֆորդի թանգարան
Տեսակ	տեղական թանգարան և local authority museum?
Երկիր	Միացյալ Թագավորություն[1]
Տեղագրություն	Watford?
Վայր	Ուոթֆորդ
Հասցե	194 High Street, Watford WD17 2DT[2]
Հիմնադրվել է	1981
Կայք	watfordmuseum.org.uk​(անգլ.)

Պատմություն

Ուոթֆորդ Հայ սթրիթի առանձնատունը Դայսոնների ընտանիքի համար կառուցվել է շուրջ 1775 թվականին, թեև կան գրառումներ գարեջրատան մասին, որն այդ վայրում աշխատել է դեռևս 1750 թվականից։ Եռահարկ կարմիր աղյուսով տունը, որը կառուցվել է Գեորգյան դարաշրջանի նեոկլասիկ ճարտարապետական ոճով, իր ճակատամասում ունի ֆրոնտոն՝ երեք հատվածներով՝ կենտրոնական պատուհանով՝ ցլի աչքի տեսքով կենտրոնական պատուհանով և ներքևից երկու թևերով և նրա երկու կողմերում, որոնք ավելացվել են մոտավորապես 1807 թվականին։ Տան հետևում մի ժամանակ բարձր, դեղին աղյուսով Վիկտորիանական դարաշրջանի շենքեր են եղել, չնայած հետագայում դրանք քանդվել են^[6][7][8]։

1867 թվականին տունը գնել է Ջոզեֆ Բեսկինը, որից հետո այստեղ կրկին եղել է գարեջրատուն, մինչև այն ձեռք չի բերել ind Coope ընկերությունը 1957 թվականին։ Առանձնատունն ավելի ուշ վերածվել է գրասենյակների։ Անգլիական ժառանգության կազմակերպության կողմից 1952 թվականին այն ընդգրկվել է երկրորդ կարգի մշակութային ժառանգությունների ցուցակում^[7]։ 1981 թվականին այն դարձել է Ուոթֆորդի թանգարանի տեղը և պաշտոնապես բացվել 1981 թվականի մարտի 14-ին՝ դերասան և կատակերգու Թերի Սքոթի կողմից, որը ծնվել է Ուոթֆորդում^[9]։

2011 թվականին թանգարանը նշել է իր 30-ամյակը^[9]։

Էքսպոզիցիա

Ուոթվորդի թանգարանի գեղարվեստական հավաքածուն

Թանգարանում պահվում է կերպարվեստի զգալի հավաքածու, որն իր մեջ ներառում է Կասիոբերի կալվածքների հավաքածուն։ Ցուցահանդեսում ներկայացված են աշխատանքներ, որոնք նախկինում պատկանում էին Էսեքսի կոմսի հավաքածուին. Ջոն Վութոնի «Տեսարան Կասիոբերի այգուց», Ուիլյամ Թըրների «Տեսարան Կասիոբերի ապարանքի հարավարևմուտքից», Չարլզ Վիքերսի «Գեյթս Կասիոբերի այգին» և Ուիլյամ Հենրի Հանթի 1831 թվականի «Կասիոբերի տան ձմեռային ճաշասենյակը»^[10]։

Թանգարանում տեղ են գտել նաև Էսեքսի մի շարք կոմսերի դիմանկարները^[11][12]։

Թանգարանում ներկայացված արվեստի մյուս գործերի թվում են հոլանդական և ֆլամանդական գեղանկարչության դպրոցների յուղանկարները. դրանք են Ադամ Ֆրանսուա վան դեր Մեյլենի, Կլաես Մոլեների, Փիթեր Նեֆս ավագի, Ադրիան վան Օստադեի, ինչպես նաև Թյորների, Պիտեր Լելիի, Ռոնալդ Պոուպի և Ջոշուա Ռեյնոլդսի ստեղծագործությունները^[13]։ Արվեստի գործերի հավաքածուի մի շարք ձեռքբերումներ կատարվել են Մեծ Բրիտանիայի արվեստի հիմնադրամի շնորհիվ։ Դրանք Հենրի Էդրիջի, սըր Հուբերտ ֆոն Հերկոմերի, Ուիլյամ Հենրի Հանթի և Ջոն Վութոնի կտավներն են, ինչպես նաև Ուիլյամ Բլեյքի հավաքածուն, որը կազմված է իր «Եհվա» գրքի 21 նկարազարդումներից^[14]։

Քանդակների թանգարանային հավաքածուում ներկայացված են բրոնզից, պղնձից և պողպատից գործեր, որոնք կատարվել են Մերի Բրոմետի, Չարլզ Բրաունի, Չարլզ Դայսոն-Սմիթի, Ջեյքոբ Էպշտեյի, Մարիո Նեգրիի, Ռոնալդ Պոուպի և Տակաակիի կողմից^[15]։

Թանգարանում կան մի շարք ցուցանմուշներ, որոնք նվիրված են Ուոթֆորդ Ջանկշենի երկաթուղային կայարանի պատմությանը, իսկ Ուոթֆորդի ֆուտբոլային ակումբի պատմությանը նվիրված փոքրիկ պատկերասրահը ներառում է սպորտային իրեր և ֆուտբոլային ակումբի գույներով բեմական կոստյում, որը կրել է Էլթոն Ջոնը^[16]։

Թանգարանում պահվում են նաև Ուոթֆորդի քաղաքացիների, քաղաքային խորհրդի անդամների, տեղական ազնվականության և բիզնեսի ներկայացուցիչների հետ կապված փաստաթղթերի, տպագիր էֆեմերների, լուսանկարների և օրագրերի հավաքածուն^[17]։

Ծանոթագրություններ

1. https://vocaleyes.co.uk/research/heritage-access-2022/benchmark/
2. Mapping Museums — 2016.
3. «Watford Museum Scrutiny 2008» (PDF). Watford Borough Council. Վերցված է 2014 թ․ նոյեմբերի 15-ին.
4. Goose, Nigel A county of small towns : the development of Hertfordshire's urban landscape to 1800 / Slater, Terry. — Hatfield: Univ. of Hertfordshire Press, 2008. — С. 295. — ISBN 9781905313440
5. «Watford Museum». Hertfordshire Museums. Արխիվացված է օրիգինալից 2019 թ․ փետրվարի 22-ին. Վերցված է 2014 թ․ նոյեմբերի 16-ին.
6. Pevsner, Nikolaus The Buildings of England: Hertfordshire. — Penguin Books, 1953. — С. 267.
7. «Watford Museum, Watford». British Listed Buildings. Վերցված է 2014 թ․ նոյեմբերի 17-ին.
8. Historic England. «WATFORD MUSEUM, Watford - 1101099 | Historic England». historicengland.org.uk. Վերցված է 2019 թ․ փետրվարի 21-ին.
9. Dakin, Melanie (2011 թ․ մարտի 10). «Many happy returns for Watford Museum». Watford Observer. Վերցված է 2014 թ․ նոյեմբերի 15-ին.
10. «The Cassiobury Collection:Cassiobury House». Watford Museum. Արխիվացված է օրիգինալից 2015 թ․ նոյեմբերի 28-ին. Վերցված է 2014 թ․ նոյեմբերի 15-ին.
11. «The Cassiobury Collection:Earls of Essex». Watford Museum. Արխիվացված է օրիգինալից 2016 թ․ մարտի 4-ին. Վերցված է 2014 թ․ նոյեմբերի 15-ին.
12. «More about Watford Museum». Your Paintings. BBC. Արխիվացված է օրիգինալից 2015 թ․ սեպտեմբերի 24-ին. Վերցված է 2014 թ․ նոյեմբերի 15-ին.
13. «Fine Art». Watford Museum. Արխիվացված է օրիգինալից 2014 թ․ նոյեմբերի 28-ին. Վերցված է 2014 թ․ նոյեմբերի 15-ին.
14. «Watford Museum tells the story of Watford past and present». The Art Fund. Արխիվացված է օրիգինալից 2014 թ․ նոյեմբերի 29-ին. Վերցված է 2014 թ․ նոյեմբերի 16-ին.
15. «Sculpture from the Watford Museum Collection of Fine Art». Watford Museum. Արխիվացված է օրիգինալից 2014 թ․ նոյեմբերի 28-ին. Վերցված է 2014 թ․ նոյեմբերի 15-ին.
16. «Welcome». Watford Museum. Արխիվացված է օրիգինալից 2014 թ․ նոյեմբերի 28-ին. Վերցված է 2014 թ․ նոյեմբերի 15-ին.
17. «Archive collection of the Watford Museum». The National Archives. Վերցված է 2014 թ․ նոյեմբերի 16-ին.

Վիքիպահեստն ունի նյութեր, որոնք վերաբերում են «Ուոթֆորդի թանգարան» հոդվածին։