From Wikipedia, the free encyclopedia
Ջոշուա Ռեյնոլդս (անգլ.՝ Joshua Reynolds, հուլիսի 16, 1723[1][2][3][…], Պլիմպթոն, քաղաք Պլիմուտ, Դևոն, Անգլիա, Մեծ Բրիտանիայի թագավորություն[4][5] - փետրվարի 23, 1792[1][2][3][…], Լոնդոն, Մեծ Բրիտանիայի թագավորություն[4][5]), անգլիացի նկարիչ։ Գեղարվեստի թագավորական ակադեմիայի հիմնադիրը և առաջին նախագահը։ Անդամակցել է նաև դիլետանտների ընկերությանը, որն ստեղծվել էր անտիկ արվեստն ուսումնասիրելու նպատակով[9]։ Համարվում է XVIII դարի անգլիական դիմանկարչության կարկառուն ներկայացուցիչներից մեկը[10]։ Համբավվել է նաև որպես պատմական թեմատիկայով նկարների հեղինակ և արվեստի տեսաբան։
Սովորել է Լոնդոնում, Թ․ Հադսոնի մոտ (1740-1743), ստեղծագործել է Դևոնշիրում և Լոնդոնում։ 1749-1752 թվականներին ճանապարհորդել է Եվրոպայում։ Ուսումնասիրել է ՌեմբրաԱղի, Ռուբենսի ստեղծագործությունները, 16-րդ դարի Վենետիկի արվեստը։ Լոնդոնի Գեղարվեստի ակադեմիայի հիմնադիրն է և առաջին նախագահը (1768-1790)։ Ստեղծագործաբար յուրացնելով բարոկկոյի հանդիսային դիմանկարի ավանդույթները՝ Ռեյնոլդսը ձգտել է իդեալական անհատի մասին պատկերացումները զուգակցել սոցիալ-պատմական բնութագրումներին։ Բնորդի պատկերման հավաստիությանը նա հասել է դինամիկ կոմպոզիցիայի, ագատ վրձնահարվածների, տաք և հյութեղ կոլորիտի օգնությամբ (կոմսուհի Հարրինգտոնի դիմանկարը, 1777-1779, Հանդիգտոն գեղարվեստական պատկերասրահ, Սան-Մարինո, ԱՄՆ)։ Հոգեբանական բացառիկ արտահայտությամբ են առանձնանում Ռեյնոլդսի բարեկամների դիմանկարները («Գրող Մ․ Զոնսոն», 1772, Թեյթ պատկերասրահ, Լոնդոն), ինչպես և ինքնադիմանկարները (1753-1754, Դիմանկարի ազգային պատկերասրահ, Լոնդոն)։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.