![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/48/001_Chateau_de_Chillon_and_Dents_du_Midi_Photo_by_Giles_Laurent.jpg/640px-001_Chateau_de_Chillon_and_Dents_du_Midi_Photo_by_Giles_Laurent.jpg&w=640&q=50)
Շիլիոն
From Wikipedia, the free encyclopedia
Շիլիոն (ֆր.՝ Shillon. հայերեն գրականության մեջ առավել տարածված է ամրոցի Շիլիոն անվանաձևը, թեև ֆրանսերենից ճիշտ տառադարձությամբ պետք է լինի Շիյոն), ամրոց Շվեյցարիայում՝ Ժնև լճի ափին, Շվեյցարական Ռիվիերայում, Մոնտրյոյից 3 կիլոմետր հեռավորության վրա, Վեյտո և Վիլնյով բնակավայրերի միջակայքում։ Տարբեր ժամանակներում կառուցված 25 շինությունների համալիր է։ Առաջին անգամ հիշատակվել է 1160 թվականին։ Միջնադարում եղել է Սավոյի կոմսերի (ապա՝ դուքսերի) նստավայրը։ 1530-1536 թվականներին Շիլիոնի ամրոցի ներքնահարկում կալանավորված է եղել շվեյցարական ազատամիտ քաղաքական գործիչ Ֆրանսուա Բոնիվարը (Ջորջ Բայրոնի «Շիլիոնի կալանավորը» պոեմի հերոսի նախատիպը)։ 1536 թվականին բեռնցիների կողմից ամրոցի գրավման և Բոնիվարի ազատագրման թեմայով 1890 թվականին ցինկից, պողպատից ու բրոնզից ստեղծվել է 1:100 մասշտաբով, 100 սմ × 67 սմ × 42 սմ չափերով մեխանիկական մոդել, որը 2016 թվականի մարտին Փարիզում կայացած աճուրդում 59 հազար շվեյցարական ֆրանկով գնել են Շիյոնի ամրոցի բարեկամների ընկերակցությունն ու նրան աջակցող երկու կազմակերպություն[2][3][4]։
![]() Նկարագրություն | |
Տեսակ | water castle? և շատո |
Հասցե | Avenue de Chillon 21, 1820 Veytaux |
Վարչական միավոր | Veytaux?[1] |
Երկիր | ![]() |
Համալիրի մաս | list of cultural properties in Veytaux? |
Կառուցված | 1160 |
Ճարտարապետ | James of Saint George? |
Շինանյութ | քար |
Բարձրություն | 25 մետր |
Ճարտարապետական ոճ | ռոմանական ճարտարապետություն և Գոթական ճարտարապետություն |
Իրադարձություններ | վերակառուցում և վերակառուցում |
Կայք | chillon.ch |
![]() | |
![]() | |
![]() |
Շիյոնը զբոսաշրջիկների կողմից առավել հաճախ այցելվող միջնադարյան ամրոցներից մեկն է Շվեյցարիայում և Եվրոպայում[5]։ Պաշտոնապես գրանցված է որպես Շվեյցարիայի՝ ազգային կարևորություն ունեցող մշակութային սեփականություն[6]։