Շարուրի շրջան
From Wikipedia, the free encyclopedia
From Wikipedia, the free encyclopedia
Շարուրի շրջան (ադրբ.՝ Şərur rayonu), շրջանի կարգավիճակով վարչատարածքային միավոր Ադրբեջանի Հանրապետության կազմում գտնվող Նախիջևանի Ինքնավար Հանրապետությունում։ Վարչական կենտրոնը Շարուր (Նորաշեն) քաղաքն է[1]։
Շարուրի շրջան ադրբ.՝ Şərur rayonu | |
---|---|
Երկիր | Ադրբեջան |
Կարգավիճակ | Ադրբեջանի շրջան |
Մտնում է | Նախիջևանի Ինքնավար Հանրապետություն և Նախիջևանի Ինքնավար Խորհրդային Սոցիալիստական Հանրապետություն |
Ներառում է | 64 մունիցիպալիտետ |
Վարչկենտրոն | Նորաշեն |
ԲԾՄ | 952 մետր |
Բնակչություն (2005) | 95 086 |
Տարածք | 811,14 |
Հիմնադրված է | օգոստոսի 8, 1930 թ. |
ISO 3166-2 կոդ | AZ-SAR |
Հեռախոսային կոդ | 994 36 |
Փոստային ինդեքսներ | 6800 |
Ավտոմոբիլային կոդ | 68 |
Շարուրի շրջանը ձևավորվել է 1930 թվականի օգոստոսի 8-ին Խորհրդային Ադրբեջանի իշխանությունների կարգադրությամբ։ 1964-ից 1991 թվականներին կոչվել է Իլյիլչյովսկ[1]։
Շարուրի շրջանը հյուսիս-արևելքում սահմանակից է Հայաստանի Հանրապետության Արարատի և Վայոց ձորի մարզերին, հարավում-արևմուտքում՝ Իրանի Իսլամական Հանրապետության Արևմտյան Ադրբեջան նահանգին[1]։
Շրջանի ընդհանուր տարածքը կազմում է 87,226 կմ2։ Վարչական կենտրոնը Շարուր քաղաքն է։ Բացի վարչական կենտրոնից շրջանն ունի նաև 65 գյուղ[1]։
Շրջանի տարածքը բաղկացած է լեռնային և թեք հարթավայրերից[1]։
Շարուրի շրջանի տարածքով հոսում են Արաքս և Արփա գետերը։ Շրջանի տարածքում է գտնվում Տանձիկի ջրամբարը, որը հայտնի է նաև Արփայի ջրամբար անունով[1]։
Տարվա եղանակով պայմանավորված՝ Շարուրի շրջանի կլիման փոփոխական է։ Ամռանը կլիման չոր շոգ է, կիսաանապատային, չոր տափաստանային, իսկ ձմռանը՝ չոր ցուրտ[1]։
2017 թվականի հունվարի 1-ի դրությամբ շրջանի բնակչությունը 11,460 է[1]։
Շարուրի շրջանում գործում է 60 հանրակրթական դպրոց, 1 մասնագիտական ուսումնարան, 6 արտադպրոցական և 2 նախադպրոցական դաստիարակության հաստատություն, 6 մանկական երաժշտական դպրոց, ինչպես նաև 60 գրադարան[1]։
Շրջանում գործում է մեկ թանգարան, ինչպես նաև «Արփաչայի պատմակամշակութային արգելոցը», «Բահար» կինոթատրոնը[1]։
Շրջանն ունի առողջապահական մի շարք հաստատություններ, այդ թվում՝ շրջանի կենտրոնական հիվանդանոց, 8 տարածքային հիվանդանոցներ, 20 բժշկական ամբուլատորիա, 9 ֆելդշերա-մանկաբարձական կենտրոններ, 27 ֆելդշերային հենակետեր, հիգիենիկ և համաճարակաբանական կենտրոն[1]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.