Նատալյա Անսիսո

Նատալյա Անսիսո (անգլ.՝ Natalia Anciso, մարտի 25, 1985(1985-03-25), Weslaco, Հիդալգո շրջան, Տեխաս, ԱՄՆ), ամերիկյան չիկանո-տեխանո ցեղախմբին պատկանող ժամանակակից արվեստագետ ու ուսուցիչ։ Նրա արվեստի գործերը հիմնականում կենտրոնացած են կերպարվեստի և ինստալյացիայի միջոցով նույնականացման խնդիրների վրա, հատկապես, քանի որ դա վերաբերում է ԱՄՆ-Մեքսիկա սահմանին մեծանալու նրա կենսափորձին^[1]։ Նրա վերջին շրջանի աշխատանքներն ընդգրկում են թեմաներ, որոնք վերաբերում են կրթությանը, մարդու իրավունքներին և սոցիալական արդարությանը, որը հիմնվում է նրա՝ Սան Ֆրանցիսկոյի ծովածոցի տարածքում որպես քաղաքային մանկավարժ աշխատելու փորձի վրա^[2]։ Ծնունդով Հարավային Տեխասի Ռիո Գրանդե հովտից է և ներկայումս ապրում և աշխատում է Օքլենդում^[3]։

Նատալյա Անսիսո
Ծնվել է	մարտի 25, 1985(1985-03-25) (39 տարեկան)
Ծննդավայր	Weslaco, Հիդալգո շրջան, Տեխաս, ԱՄՆ
Քաղաքացիություն	ԱՄՆ
Կրթություն	Օսթինի տեխասյան համալսարան, California College of the Arts?, Կալիֆոռնիայի համալսարան, Բերքլի, University of California, Berkeley Graduate School of Education? և Mercedes High School?
Մասնագիտություն	ինստալյացիոն արտիստ
Ոճ	ժամանակակից արվեստ
Թեմաներ	Կերպարվեստ
Կայք	nataliaanciso.com
Natalia Anciso Վիքիպահեստում

Կենսագրություն

Նատալյա Անսիսոն ծնվել է 1985 թվականին Տեխաս նահանգի Վեսլակո քաղաքում և հանդիսացել Արմանդո և Իդալիլա Անսիսոների երեք զավակներից ավագը^[4]։ Տեխասի անկախության պատերազմից հետո հինգերորդ սերնդի տեխանոների նրանց ընտանիքը բնակություն է հաստատել Տեխասում^[5]։

Նրա ծնվելուց կարճ ժամանակ անց ընտանիքը տեղափոխվել է Օստին, որտեղ բնակվել են մինչև աղջկա տասը տարեկան դառնալը։ Ի վերջո նա տեղափոխվել է Մերսեդես քաղաքը և 2003 թվականին ավարտել տեղի ավագ դպրոցը․ միգրանտ աշխատողների իրենց ընտանիքում առաջինն էր, ով քոլեջ է ավարտել^[2]։ 2008 թվականին արվեստի բակալավրի կոչում է ստացել Օստինի տեխասյան համալսարանում, որից հետո տեղափոխվել Ֆրութվեյլ ու 2011 թվականին Կալիֆոռնիայի արվեստի քոլեջից ստացել կերպարվեստի մագիստրոսի կոչում^[6]։ Կալիֆոռնիայի համալսարանի պատվավոր շրջանավարտը 2015 թվականին կրթության ոլորտում արվեստի մագիստրոսի կոչում է ստացել Կալիֆոռնիայի համալսարանի Բերքլիի կրթության ավարտական դպրոցից^[7]։

Աշխատանք

Արվեստ

Pinches Rinches (հատվածl), «Ջո» (2011), հեղինակ՝ Նատալյա Անսիսո, գրիչ, ջրաներկ և ասեղնագործություն գործվածքի վրա:

Անսիսոն ստեղծում է արվեստ, որը թելադրված է իր դաստիարակության իրողություններով ու լեգենդներով։ Նրա աշխատանքները ընտանիքի, համայնքի և Ռիո Գրանդեի ափամերձ մշակույթի տեսողական գրառումներ են։ Նրա աշխատանքը պատմականորեն լուսաբանել է Սահմանային տարածքներում առկա խնդիրները, որոնք ծագում են աղքատությունից, մարդկանց թրաֆիքինգից և թմրանյութերի պատերազմից^[8]։ Իր աշխատանքում պատկերել է Չիկանոյի պատմությունն ու պայքարը սահմանի երկու կողմերում, մանավանդ երբ այն վերաբերում է ինքնություն հասկացությանը^[9]։

Pinches Rinches շարքը, հեղինակ՝ Նատալյա Անսիսո, Գալերիա դե լա Ռացայի 24-րդ արվեստանոց, Սան Ֆրանցիսկո

Անսիսոն ուսումնասիրում է ժողովրդական արվեստը, ինչպիսիք են պանո արտեն, թաշկինակների արվեստը, որը ենթադրաբար ստեղծվել է 1940-ական թվականներին չիկանո բանտարկյալների կողմից, ու վիպիլը՝ մայաների ասեղնագործված գործվածքներ, որոնք կրում են տեղաբնիկ կանայք Հարավային և Կենտրոնական Ամերիկայում։ Արվեստի այս ձևերը վերաձևակերպվել են՝ Տեխաս / Մեքսիկա սահմանին ընթացող կյանքի ժամանակակից պատմություններ պատմելու համար։ Տնային գործվածքների վրա, ինչպիսիք են թաշկինակները, բարձի երեսներն ու անկողնային սավանները գրիչ, մատիտ և ներկ օգտագործած Անսիսոյի աշխատանքն ուսումնասիրում է սահմանամերձ կյանքի հոգեբանական-քաղաքական պայքարը։

Կամրջելով իր երկակի ինքնությունները՝ թե՛ որպես տեխասցի, և թե՛ որպես ծնունդով ամերիկացի-մեքսիկացի, Անսիսոն հասել է իր ինքնության նոր գիտակցմանը։

Ինձ դուր են գալիս այդ երկու մշակույթները։ Ինձ դուր է գալիս այդ երկակիությունը, որը գտնվում է մեջտեղում։ Սկզբում դա ինձ դուր չէր գալիս, բայց հիմա, երբ արդեն մեծ եմ, դա ինձ դուր է գալիս։ Հպարտ եմ, որ մեքսիկացի եմ, հպարտ եմ, որ տեխանա եմ[10]։

Նրա վերջին աշխատությունն ընդգրկում է կրթությանը, մարդու իրավունքներին, դասին և ռասային վերաբերող հարցեր, որոնք ակնհայտ են մարդու իրավունքների կրթության գրքի շապիկի վրա պատկերված նրա «Չկրակեք» (2014) աշխատանքում^[11]։

Անսիսոյի արվեստը ներառվել է ներերկրային ու միջազգային ցուցահանդեսներում, և ցուցադրվել այնպիսի վայրերում, ինչպիսիք են՝ Սան Խոսեի արվեստի թանգարանը, Կալիֆոռնիայի օքլենդյան թանգարանը, Մեքսիկական արվեստի ազգային թանգարանը, Սան Ֆրանցիսկոյի Գալերիա դե լա Ռացան, Ալբուկերկեի Իսպանական ազգային մշակույթի կենտրոնը^[12][13] և Բրյուսելը։

Կրթություն

«Չկրակեք» (2014), հեղինակ՝ Նատալյա Անսիսո, թանաք, գրաֆիտ, պրիզմա և ջրաներկ։

Բացի արվեստով զբաղվելն ու իր աշխատանքները ցուցադրելը նաև արվեստ է դասավանդել շահույթ չհետապնդող կազմակերպությունների միջոցով երիտասարդության բազմազան զանգվածների։ Նաև աշխատել է որպես Սան Ֆրանցիսկոյի տղաների և աղջիկների ակումբների գեղարվեստական ղեկավար^[6]։

Մի քանի տարի շարունակ որպես փոխարինող ուսուցիչ դասավանդել է K-8 դասարաններում Սան Լորենցոյի, Սան Լեանդրոյի և Օքլենդի միացյալ դպրոցական շրջաններում^[14]։ Ներկայումս ամբողջական դրույքով դասավանդում է Իսթ Բեյի քաղաքային տարրական դպրոցում^[15]։

Անսիսոն համագործակցել է Պրինսթոնի հոգևոր ճեմարանի Zoe Project- ի հետ^[16] և Rex Foundation կազմակերպության «Աշխարհը, ինչպես կարող էր լինել» մարդու իրավունքների կրթության ծրագրի հետ^[17]։

Որպես հրավիրյալ դասախոս և խոսնակ մասնակցել է բակալավրիատի և դոկտորական կրթություն ստացող ուսանողների համար նախատեսված արվեստի տարբեր սեմինարների Սան Ֆրանցիսկոյի համալսարանի կրթության դպրոցի^[18] և Ջորջ Վաշինգտոն համալսարանի միջոցով^[19][20] ի թիվս այլոց։

Ճանաչում

Նատալյա Անսիսոն (աջից) և գրող Սանդրա Սիսներոսը (ձախից)

Որպես նկարիչ Անսիսոյի ներդրումները ճանաչվել են The Huffington Post ընկերության կողմից, որը նրան հռչակել է որպես «Մինչև 35 տարեկան լատինա-նկարիչներից մեկը, որը դուք պետք է ճանաչեք»^[3], ինչպես նաև Latina Magazine ամսագրի կողմից, որը նրան նորարար է անվանել «30 տարեկանից ցածր 30 լատինոների» «Կինոյի, երաժշտության, սոցիալական մեդիայի և ակտիվության ամենավառ երիտասարդ աստղերը» ցուցակում^[21]։

Ընդգրկվել է նաև Elle ամսագրի 30-ամյակի թողարկման մեջ^[22]։

Վերջերս մեքսիկական TVyNovelas ամսագիրը նրան ընդգրկել է կայացած լատինոների «Lideres de la Hispanidad / 50 ամենակարևոր իսպանախոսները այսօր» ցուցակում^[23]։

Իր նշանակման օրը Միացյալ Նահանգների կրթության 10-րդ նախարար Ջոն Քինգ կրտսերը «Մեդիում» կայքին տրված հարցազրույցում ժամանակակից այլ նկարիչների կողքին նշել է նաև Անսիսոյին^[24]։

Անձնական կյանք

Ամուսնացած է մանկավարժ Ջոն Նեպոմուսենոյի հետ^[25]․ զույգն ամուսնացել է 2013 թվականին Տեխասի Թրևիս շրջանում^[26]։ 2016 թվականին Օքլենդում ծնվել է նրանց որդի Լեոնարդոն^[27][28]։ Նատալյան «Կապա Դելտա Չի» կազմակերպության անդամ է^[29]։

Ծանոթագրություններ

1. Maureen Davidson (2012 թ․ ապրիլի 10). «Mexicanismo at San Jose Museum of Art». Վերցված է 2015 թ․ հունվարի 15-ին.
2. Natalia Anciso (2015). «Natalia Anciso - Biography». Վերցված է 2015 թ․ մարտի 24-ին.
3. Priscilla Frank (2014 թ․ հուլիսի 7). «13 Young Latina Artists Changing the Contemporary Art Landscape». Վերցված է 2015 թ․ հունվարի 15-ին.
4. Natalia Anciso (2017). «Natalia Anciso - Biography». Վերցված է 2017 թ․ սեպտեմբերի 17-ին.
5. Galeria de la Raza (2014). «Studio 24 Presents: Natalia Anciso». Արխիվացված է օրիգինալից 2015-01-16-ին. Վերցված է 2015 թ․ փետրվարի 1-ին.
6. Galeria de la Raza (2014). «Studio 24 Presents: Natalia Anciso - A series of window installations and displays by local artists». Արխիվացված է օրիգինալից 2015-01-16-ին. Վերցված է 2015 թ․ հունվարի 15-ին.
7. Natalia Anciso (2015). «Natalia Anciso - Biography». Վերցված է 2015 թ․ օգոստոսի 20-ին.
8. Maureen Davidson (2012 թ․ ապրիլի 10). «SanJose.com Mexicanismo at San Jose Museum of Art». Վերցված է 2015 թ․ հունվարի 15-ին.
9. Arielle Castillo (2014 թ․ նոյեմբերի 14). «At the #Latina30Under30 party, Fifth Harmony, ABC Family owned the night». Արխիվացված է օրիգինալից 2015 թ․ հունվարի 16-ին. Վերցված է 2015 թ․ հունվարի 15-ին. {{cite web}}: More than one of |archivedate= and |archive-date= specified (օգնություն); More than one of |archiveurl= and |archive-url= specified (օգնություն)
10. Cat Cardenas (2016 թ․ սեպտեմբերի 16). «Alumna embraces inner conflict, Mexican American heritage through her artwork». The Daily Texan. Արխիվացված է օրիգինալից 2017 թ․ սեպտեմբերի 18-ին. Վերցված է 2017 թ․ սեպտեմբերի 17-ին. {{cite web}}: More than one of |archivedate= and |archive-date= specified (օգնություն); More than one of |archiveurl= and |archive-url= specified (օգնություն)
11. Spero, Andrea Mcevoy (2015 թ․ ապրիլի 9). Bringing Human Rights Education to US Classrooms: Exemplary Models from Elementary Grades to University. ISBN 978-1137471123.
12. Craft in America (2015). «California Handmade: State of the Arts». Արխիվացված է օրիգինալից 2015 թ․ հունիսի 8-ին. Վերցված է 2015 թ․ հունիսի 1-ին.
13. Adrian Gomez (2016 թ․ ապրիլի 29). «Exhibition features major themes of the book that inspired it». Վերցված է 2017 թ․ սեպտեմբերի 17-ին.
14. Natalia Anciso (2015). «Natalia Anciso - Curriculum Vitae». Վերցված է 2015 թ․ մարտի 30-ին.
15. Natalia Anciso (2016). «Natalia Anciso - Curriculum Vitae». Վերցված է 2016 թ․ փետրվարի 1-ին.
16. The Zoe Project of the Princeton Theological Seminary (2017). «The Expedition». Վերցված է 2017 թ․ սեպտեմբերի 17-ին.(չաշխատող հղում)
17. The World As It Could Be (2017). «Natalia Anciso CV». Վերցված է 2017 թ․ սեպտեմբերի 17-ին.
18. Natalia Anciso (2015). «Natalia Anciso CV». Վերցված է 2015 թ․ հունիսի 4-ին.
19. UIUC (2015 թ․ մարտի 16). «M.E.Ch.A. de UIUC Presents 8th Annual Semana de la Mujer». Արխիվացված է օրիգինալից 2017 թ․ սեպտեմբերի 17-ին. Վերցված է 2015 թ․ հունիսի 4-ին. {{cite web}}: More than one of |archivedate= and |archive-date= specified (օգնություն); More than one of |archiveurl= and |archive-url= specified (օգնություն)
20. Natalia Anciso (2016). «Natalia Anciso CV». Վերցված է 2016 թ․ փետրվարի 1-ին.
21. Celia Shatzman,"The Incredibles: Latina's 30 Under 30 List Highlights the Brightest Young Stars in Film, Music, Social Media and Activism." Latina Magazine, (NY: Latina Media Ventures LLC, Dec 2014/Jan 2015), 100
22. "This is 30." ELLE Magazine, (NY: Hearst Communications, Inc, September 2015), 646-647, 663
23. «FOTOS: LOS 50 HISPANOS MÁS IMPORTANTES DE HOY». 2017 թ․ սեպտեմբերի 20. Արխիվացված է օրիգինալից 2017 թ․ սեպտեմբերի 18-ին. Վերցված է 2017 թ․ սեպտեմբերի 17-ին. {{cite web}}: More than one of |archivedate= and |archive-date= specified (օգնություն); More than one of |archiveurl= and |archive-url= specified (օգնություն)
24. «What I Hope Students (and Education Policymakers) will see in Hamilton». 2016 թ․ մարտի 14. Վերցված է 2016 թ․ մարտի 19-ին.
25. «Alumni Notes» (PDF). Winter 2013. Արխիվացված է օրիգինալից (PDF) 2015 թ․ հունիսի 13-ին. Վերցված է 2015 թ․ օգոստոսի 21-ին. {{cite web}}: More than one of |archivedate= and |archive-date= specified (օգնություն); More than one of |archiveurl= and |archive-url= specified (օգնություն)
26. «Texas Marriage Listings - 2013». 2013. Վերցված է 2016 թ․ փետրվարի 1-ին.
27. «Works By Series». 2017. Վերցված է 2017 թ․ սեպտեմբերի 17-ին.
28. «He's Finally Here». 2016. Վերցված է 2017 թ․ սեպտեմբերի 17-ին.
29. Natalia Anciso (2015). «Natalia Anciso CV». Վերցված է 2015 թ․ օգոստոսի 21-ին.

Արտաքին հղումներ

• Պաշտոնական կայք

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Նատալյա Անսիսո կատեգորիայում։