Նա լավ է խաղում (ֆիլմ)

«Նա լավ է խաղում» (անգլ.՝ He got game), Սպայկ Լիի կողմից 1998 թվականին նկարահանված սպորտային դրամա։ Կինոնկարի նկարահանման աշխատանքները տեղի են ունեցել 1997 թվականի հուլիսից մինչև սեպտեմբերը։ Գլխավոր դերերում հանդես են գալիս Դենզել Վաշինգտոնը, NBA-ի բասկետբոլիստ Ռեյ Ալենը, Միլա Յովովիչը, Ռոզարիո Դոուսոնը և այլք։

Նա լավ է խաղում անգլ.՝ He Got Game
Երկիր	ԱՄՆ
Ժանր	դրամա, հուուդ ֆիլմ, սպորտային ֆիլմ և ֆիլմ բանտի մասին
Թվական	մայիսի 1, 1998 և հունվարի 21, 1999[1]
Լեզու	անգլերեն
Ռեժիսոր	Սպայկ Լի
Պրոդյուսեր	Սպայկ Լի
Սցենարի հեղինակ	Սպայկ Լի
Դերակատարներ	Դենզել Վաշինգտոն, Ռեյ Ալեն, Միլա Յովովիչ, Ռոզարիո Դոուսոն, Հիլլ Հարփեր, Նեդ Բիթի, Բռաուն Ջիմ, Բիլ Նան, Լոնետ Մաքքի, Թրևիս Բեսթ, Ջոն Թուրթուրո, Ջոն Ուոլես, Ռիք Ֆոքս, Ուոլթեր Մաքքարթի, Ջենիֆեր Էսպոսիտո, Չարլզ Բարքլի, Մայքլ Ջորդան, Ռեջի Միլեր, Շաքիլ Օ'Նիլ, Բիլ Ուոլթոն, Ջորջ Կառլ, Ջոմ Թոմսոն, Քիմ Դայրեքթոր, Նոլան Ռիչարդսոն, Ռիկ Պիտինո, Սկոտի Պիպեն, Զելդա Հարրիս, Ռոջեր Գուենվեր Սմիթ[2], Արթուր Ջ․ Նասկարելա[2], Լեոնարդ Ռոբերթս[2], Ջեյդ Յորքեր[2], Ջիլ Քելլի[2], Ջեմի Հեկտոր[2], Չեյսի Լեյն[2], Ջեյսի ՄակՔենզի[2], Քրիստոֆեր Վինկոոպ[2], Ռոբին Ռոբերտս[2], Ռոն Սեֆաս Ջոնս[2] և Ջոզեֆ Լայլ Թեյլոր[2]
Օպերատոր	Մալիկ Հասան Սաիդ
Երաժշտություն	Աարոն Կոպլենդ
Մոնտաժ	Բերի Ալեքսանդր Բրաուն
Պատմվածքի վայր	Բրուքլին
Նկարահանման վայր	Լոնգ Այլենդ, Նյու Յորք, Նյու Ջերսի և Հյուսիսային Կարոլինա
Կինոընկերություն	40 Acres & A Mule Filmworks և Touchstone Pictures
Տևողություն	136 րոպե

Սյուժե

Ջեյք Շաթլսվորթը (Վաշինգտոն) կրում է ցմահ ազատազրկում՝ կնոջն անգիտակցաբար սպանելու պատճառով։ Ջեյքի որդին՝ Հիսուս Շաթլսվորթը (Ալեն), հոր բացակայության ընթացքում կարողանում է վերածվել մեծ հեռանկարներ ունեցող բասկետբոլիստի, ով հանդես է գալիս Բրուքլինում գտնվող Լինքոլնի անվան ավագ դպրոցի բասկետբոլային թիմում։ Հիսուսը դեռ չի կարողանում որոշել, թե դպրոցն ավարտելուց հետո որ համալսարանի առաջարկած կրթաթոշակային ծրագիրն է ընդունելու, իսկ շրջապատողները տեղ ու դադար չեն տալիս՝ անընդհատ հարցնելուվ, թե որտեղ է հանդես գալու։ Ջեյքը առաջարկություն է ստանում իր բանտապետից. նրան տրվելու էր կարճաժամկետ ազատություն, որի ընթացքում պետք է համոզեր բասկետբոլիստ որդուն հանդես գալու «Բիգ սթեյթ» համալսարանի թիմում, հաջողության դեպքում Շաթլսվորթ ավագին սպասվում էր պատժաժամկետի աննախադեպ թեթևացում։ Հիսուսը, սակայն, չէր ընդունում հոր գոյությունը և չափազանց մեծ ատելությամբ էր լցված հոր հանդեպ։

Դերերում

• Դենզել Վաշինգտոն - Ջեյք Շաթլսվորթ
• Ռեյ Ալեն - Հիսուս Շաթլսվորթ
• Միլա Յովովիչ - Դակոտա Բարնս
• Ջոն Թուրթուրո - մարզիչ Բիլի Սանդեյ
• Ռոզարիո Դոուսոն - Լալա Բոնիլա
• Ջիմ Բրաուն - Սպայվի
• Հիլ Հարփեր - Քոլմեն «Բուգեր» Սայկս
• Զելդա Հարիս - Մերի Շաթլսվորթ
• Բիլի Նան - Հորեղբայր Բաբա
• Լոնետ Մակքի - Մարթ Շաթլսվորթ
• Ռիք Ֆոքս - Չիկ Դիգան

Հիսուսի դերի համար ռեժիսոր Սպայկ Լին առաջ էր քաշել NBA-ի բասկետբոլիստներ Կոբի Բրայանտի, Թրեյսի Մակգրեյդիի, Ալեն Այվերսոնի, Քևին Գառնեթի և Ստեֆոն Մարբերիի թեկնածությունները։ «Միլոուքի Բաքս»-«Նյու Յորք Նիքս» հանդիպման խաղակեսին Լին որոշում է մոտենալ Ռեյ Ալենին և առաջարկել դերը։ Ալենը համաձայնում է և շուրջ ութ ամիս հաճախում դերասանական արվեստի մասնավոր պարապմունքների, քանի որ չուներ դերասանական փորձ^[3]։

Ֆիլմի սկզբնամասում կամեո ձևավաչափով հանդես են գալիս NBA-ի բասկետբոլիստներ Շաքիլ Օ'Նիլը, Ռեջի Միլլերը, Բիլ Ուոլթոնը, Սկոտի Պիպենը, Մայքլ Ջորդանը, Չարլզ Բարքլին, մարզիչներ Ջորջ Կարլը, Ռիք Պիտինոն և մեկնաբան Դիք Վիթեյլը^[4]։

Ծանոթագրություններ

1. http://www.kinokalender.com/film708_spiel-des-lebens.html
2. ČSFD (չեխերեն) — 2001.
3. ««Նա լավ է խաղում» (1998)». Thisdistractedglobe.com. Արխիվացված է օրիգինալից 2014 թ․ հունվարի 9-ին. Վերցված է 2010 թ․ օգոստոսի 19–ին-ին. {{cite web}}: More than one of |archivedate= and |archive-date= specified (օգնություն); More than one of |archiveurl= and |archive-url= specified (օգնություն)
4. “”. «Ջիզուս Շաթլսվորթ». «ՅուԹուբ». Վերցված է 2010 թ․ օգոստոսի 19–ին-ին.{{cite web}}: CS1 սպաս․ բազմաթիվ անուններ: authors list (link) CS1 սպաս․ հավելյալ կետադրություն (link)

Արտաքին հղումներ

• Նա լավ է խաղում(անգլ.) ֆիլմը Internet Movie Database կայքում
• «Նա լավ է խաղում»(անգլ.) ֆիլմը Box Office Mojo կայքում
• Նա լավ է խաղում(անգլ.) ֆիլմը Rotten Tomatoes կայքում