From Wikipedia, the free encyclopedia
Սկոտի Մորիս Պիպեն (անգլ.՝ Scottie Maurice Pippen, սեպտեմբերի 25, 1965[1][2], Համբուրգ, Արկանզաս, ԱՄՆ[1]), ամերիկացի նախկին բասկետբոլիստ։ Առավել հայտնի է Բասկետբոլի ազգային ասոցիացիայի (NBA) «Չիկագո Բուլս» ակումբում անցկացրած տարիներով (1987–1998 թթ.), որի կազմում 6 անգամ հաղթել է NBA-ի գավաթը (1991–1993 և 1996–1998)։ Պիպենը թիմակից Մայքլ Ջորդանի հետ առանցքային դեր է խաղացել «Բուլսում»` ձևավորելով ակումբի հարձակվողական կորիզը։ Պիպենի և Ջորդանի անունները նաև կապվում են 90-ականներին NBA-ը ամբողջ աշխարհում մասայականացնելու հետ։
 |
Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
 Scottie Pippen | |||||||||||||||||
.jpg) | |||||||||||||||||
| Դիրքը | Թեթև հարձակվող | ||||||||||||||||
|---|---|---|---|---|---|---|---|---|---|---|---|---|---|---|---|---|---|
| Համար | № 33 | ||||||||||||||||
| Ի ծնե տրված անունը | Սկոտի Մորիս Պիպեն Scottie Maurice Pippen | ||||||||||||||||
| Ծննդյան ամսաթիվ | սեպտեմբերի 25, 1965 (59 տարեկան) | ||||||||||||||||
| Ծննդավայր |  Համբուրգ, Արկանզաս, ԱՄՆ | ||||||||||||||||
| Ազգություն | Ամերիկացի | ||||||||||||||||
| Հասակ | 203 սմ | ||||||||||||||||
| Քաշ | 103 կգ | ||||||||||||||||
| Դրաֆթի տարի | 1987 / ռաունդ` 1 / ընտր.` 5-րդ | ||||||||||||||||
Կարիերայի պատմություն | |||||||||||||||||
Չիկագո Բուլս (1987–1998)Հյուսթոն Ռոքեթս (1999)Պորտլենդ Թրեյլ Բլեյզերս (1999–2003)Չիկագո Բուլս (2003–2004) Տոռպան Պոյատ (2008, Ֆինլանդիա) Սանսվալ Դրագոնս (2008, Ֆինլանդիա) | |||||||||||||||||
| |||||||||||||||||
|- |- |}
Պիպենը հանդես է եկել որպես թեթև հարձակվող (այլ անվանում` երրորդ համար)։ 8 անգամ անընդմեջ դարձել է NBA All-Defensive առաջին թիմ և 3 անգամ՝ All-NBA առաջին թիմ խորհրդանշանական հավաքականի անդամ։ 7 անգամ ճանաչվել է աստղ (NBA All-Star), ընդ որում՝ դառնալով 1994 թվականի բոլոր աստղերի խաղի ամենաարժեքավոր խաղացող (MVP)։ 1996-97 մրցաշրջանում Պիպենը հռչակվել է NBA-ի պատմության 50 մեծագույն խաղացողներից մեկը։ Նույն տարի «Բուլսի» ղեկավարությունը որոշում է հավերժացնել նրա 33 համարի խաղաշապիկը ակումբի փառքի սրահում։
Եղել է նաև Միացյալ Նահանգների բասկետբոլի ազգային հավաքականի` այսպես կոչված` «Դրիմ թիմի» անդամ, որի կազմում հաղթել է օլիմպիական ոսկիներ 1992 թվականի Բարսելոնայի և 1996 թվականի Ատլանտայի ամառային օլիմպիական խաղերում։
2010 թվականի օգոստոսի 13-ին Սկոտի Պիպենը դառնում է Ջեյմս Նեյսմիթի անվան բասկետբոլի փառքի սրահի անդամ։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
