Յույ Նան

Յույ Նան (չինարեն՝ 余男, սեպտեմբերի 5, 1978(1978-09-05)^[1], Դալյան, Լյաոնին, Չինաստան), չինացի դերասանուհի, որը Դովիլում կայացած Ասիական կինոյի միջազգային կինոփառատոնում (2001), «Ոսկե աքաղաղ» (2003), Փարիզի միջազգային կինոփառատոնում (2004) և Չիկագոյի միջազգային կինոփառատոնում (2007) կանացի լավագույն դերերի համար արժանացել է մի քանի մրցանակի։

Յույ Նան
Ծնվել է	սեպտեմբերի 5, 1978(1978-09-05)[1] (46 տարեկան)
Ծննդավայր	Դալյան, Լյաոնին, Չինաստան
Կրթություն	Պեկինի կինոակադեմիա
Քաղաքացիություն	Չինաստան
Մասնագիտություն	դերասանուհի և կինոդերասանուհի

Կենսագրություն

Յույ Նանը ծնվել է 1978 թվականի սեպտեմբերի 5-ին Դալյան քաղաքում։ Նրա անունը բառացի թարգմանությամբ նշանակում է «տղամարդ», «որդի»։ Դերասանուհին խոստովանել է, որ բնավորությամբ նա միշտ ավելի նման է եղել տղայի քան աղջկա։ 2008 թվականի հարցազրույցի ժամանակ նա նշել է․ «Ես շատ նման եմ ուղղամիտ և հանգիստ տղայի։ Ինձ հետ հեշտ է լեզու գտնել։ Ես լուրջ եմ վերաբերվում աշխատանքիս, բայց քիչ բան եմ հասկանում կյանքից »^[2]։

1995 թվականին Դալյանում միջնակարգ դպրոցն ավարտելուց հետո, երիտասարդ Յույ Նանը մտադիր էր ընդունվել օտար լեզուների համալսարան, բայց քանի որ Պեկինի կինոակադեմիան այդ տարի առաջին անգամ Դալյանում անցկացնում էր սովորողների հավաքագրում, արմատապես ազդել է աղջկա ընտրության վրա։ Համակուրսեցիների և դասախոսների հուշերով Յույ Նանը եղել է տարբերվող ուսանողուհի․ մի կողմից նա հազվադեպ է լքել համալսարանը, անփորձ է եղել շփման մեջ և ընդհանուր առմամբ թողել է լսող աղջկա տպավորություն, մյուս կողմից՝ նրա կարծիքով, եթե դասախոսն անփութորեն էր վարում դասը նա կարող էր ցուցադրական վեր կենալ և լքել լսարանը։ Դերասանուհին խոստովանել է, չի եղել լավ ուսանողուհի և հաճախ բաց է թողել դասերը՝ գերադասելով ֆրանսիական և իտալական ֆիլմերի դիտումը^[3]։

1999 թվականին Պեկինի կինոակադեմիա է ժամանել սկսնակ ռեժիսոր Վան Ցյուանանը, որը այդ ժամանակ զբաղված էր իր «Լուսնային խավարում» դեբյուտային ֆիլմի գլխավոր դերասանուհու փնտրտուքներով։ Ծանոթանալով Յույ Նանի հետ՝ նրան հրավիրել է փորձերին, իսկ ավելի ուշ հաստատել է նրան գլխավոր դերում։ Պատկերը 2000 թվականի Մոսկովյան միջազգային կինոփառատոնին արժանացել է Կինոյի մամուլի միջազգային ֆեդերացիայի մրցանակին, իսկ երիտասարդ ռեժիսորի և սկսնակ դերասանուհու հարաբերությունները դուրս են գալիս գործնական սահմաններից։ Հետագայում Յույ Նանը Վան Ցյուանանի բոլոր ֆիլմերում խաղացել է գլխավոր դեր («Էրմեյի պատմությունը» (2004)՝ «Ոսկե աքաղաղ» մրցանակ կանացի լավագույն դերի համար, «Տուիի հարսանիքը» (2006)՝ 2007 թվականի Բեռլինի կինոփառատոնին «Ոսկե արջ» մրցանակ, «Ջուլհակուհին» (2009))`Կինոյի մամուլի միջազգային ֆեդերացիայի մրցանակին։ «Ջուլհկուհին» Յույ Նանի և Վանի համատեղ վերջին աշխատանքն էր, քանի որ նրանք նույն թվականին բաժանվել են^[3]։

2010 թվականին Յույ Նանը մտել է Բեռլինի միջազգային կինոփառատոնի ժյուրիի կազմի մեջ։

2012 թվականին հեռարձակվել է «Անզսպելիները 2» մարտաֆիլմը, որտեղ Յույ Նանը խաղացել է Մեգիի կերպարը՝ դառնալով «Անզսպելիների» բացառապես տղամարդկային կազմի առաջին կին անդամը։

Ֆիլմագրություն

Տարի	Անվնաում	Բնօրինակ անվանում	Դեր
1999	Լուսնային խավարում	月蚀	Յա Նան
2003	Կատաղություն	Fureur	Թին
2004	Էրմեյի պատմությունը	惊蛰	Էրմեյ
2006	Թուիի հարսանիքը	图雅的婚事	Թույա
2007	Սիրո հավատ	左右	Դուն Ֆան
2007	Իմ ԴՆԹ–ն ասում է, որ ես սիրում եմ քեզ	基因决定我爱你	Մառլեն
2007	Բրիլիանտե շներ	钻石狗	Անիկա
2008	Մահացու խորտիկներ	双食记	Լի Չունյան
2009	Ջեքիի փնտրտուքներում	寻找成龙	ռեժիսոր-աղջիկ
2009	Ջուլհակուհին	纺织姑娘	Լիլի
2010	Մրրիկ	西風烈	Նոռա
2011	Կորած երեխան	寻人奇事	Չժան Սյաոյուե
2011	Չհագեցող մոդա	与时尚同居	Ցի Սի
2012	Անզսպելիները 2	The Expendables 2	Մեգի Չեն
2012	Մահվան ծրագիր	杀生	Մա Գուաֆու
2013	Պատերազմի հրեշտակները	铁血娇娃	Բայ Սյուե
2013	Ոչ մեկի հողը	无人区	Յե Բալի

Ծանոթագրություններ

1. Internet Movie Database — 1990.
2. 关舒柳 (2008年6月20日). ««恶女»余男 «文艺片女王»» (չինարեն). 华商晨报. Արխիվացված է օրիգինալից 2012 թ․ սեպտեմբերի 6-ին. Վերցված է 2011 թ․ դեկտեմբերի 17-ին.
3. Биография 余男

Արտաքին հղումներ

• Юй Нань (անգլ.) на сайте Internet Movie Database

Վիքիպահեստն ունի նյութեր, որոնք վերաբերում են «Յույ Նան» հոդվածին։