![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/16/Portrett_av_komponist_og_dirigent_Johan_Svendsen_%25281840-1911%2529_%252834133117716%2529_%2528cropped%2529.jpg/640px-Portrett_av_komponist_og_dirigent_Johan_Svendsen_%25281840-1911%2529_%252834133117716%2529_%2528cropped%2529.jpg&w=640&q=50)
Յուհան Սևերին Սվենսեն
From Wikipedia, the free encyclopedia
Յուհան Սևերին Սվենսեն, Սվենդսեն (նորվ.՝ Johan Severin Svendsen, սեպտեմբերի 30, 1840(1840-09-30)[1][2][3][…], Օսլո, Նորվեգիա[4][5] - հունիսի 14, 1911(1911-06-14)[1][2][3][…], Կոպենհագեն, Դանիա[4][5]), նորվեգացի կոմպոզիտոր և դիրիժոր։
Յուհան Սևերին Սվենսեն | |
---|---|
![]() | |
Բնօրինակ անուն | նորվ.՝ Johan Severin Svendsen |
Ծնվել է | սեպտեմբերի 30, 1840(1840-09-30)[1][2][3][…] Օսլո, Նորվեգիա[4][5] |
Երկիր | ![]() |
Մահացել է | հունիսի 14, 1911(1911-06-14)[1][2][3][…] (70 տարեկան) Կոպենհագեն, Դանիա[4][5] |
Գերեզման | Քրիստոս Փրկչի տաճարի գերեզմանատուն |
Ժանրեր | սիմֆոնիա |
Մասնագիտություն | դիրիժոր, կոմպոզիտոր, դասական երաժիշտ, երաժշտագետ և ջութակահար |
Գործիքներ | կլառնետ և ջութակ |
Կրթություն | Լայպցիգի երաժշտության և թատրոնի բարձրագույն դպրոց |
Պարգևներ | |
![]() |
Սովորել է հոր մոտ, 1863-1867 թվականներին՝ Լայպցիգի կոնսերվատորիայում։ Հանդես է եկել որպես ջութակահար։ 1868-1870 թվականներին ապրել է Փարիզում, ապա՝ Լայպցիգում։ 1872-1877 թվականներին և 1880-1883 թվականներին գլխավորել է Օսլոյի համերգային ընկերությունը (մինչև 1874 թվականը՝ Է․ Գրիգի հետ), 1883-1908 թթ. Կոպենհագենում եղել է պալատական կապելմայստեր։
Սվենսեն նորվեգիայի ազգային կոմպոզիտորական դպրոցի հիմնադիրներից է։ Կրելով գերմանական ռոմանտիզմի ազդեցությունը, այնուամենայնիվ, իր նվագախմբային երկերում (Սվենսենը նորվեգիայի առաջին սիմֆոնիաների և ժողովրդական թեմաներով սիմֆոնիկ ռապսոդիաների հեղինակն է) մարմնավորել է նորվեգիայի արվեստի ժողովրդայնության և ազգային ինքնատիպության սկզբունքները։ Հայտնի են Սվենսենի նվագախմբային երկերը՝ «Զորահայդա» սիմֆոնիկ պոեմը, նորվեգական 4 ռապսոդիաները, «Նորվեգիայի արվեստագետների կառնավալը», «Կառնավալ Փարիզում», ջութակի ու նվագախմբի համար ռոմանսը։