Մելիսա Ռաուշ

Մելիսա Ռաուշ (անգլ.՝ Melissa Ivy Rauch, /raʊʃ/^[1], հունիսի 23, 1980(1980-06-23), Marlboro Township, Մոնմաութ շրջան, Նյու Ջերսի), դերասանուհի, կատակերգու, սցենարիստ, պրոդյուսեր և ռեժիսոր։ Հայտնի է «Մեծ պայթյունի տեսությունը» սիթքոմում խաղացած Բերնադետ Ռոստենկովսկու դերով (2009-2019)։

Մելիսա Ռաուշ
Ծնվել է	հունիսի 23, 1980(1980-06-23) (44 տարեկան)
Ծննդավայր	Marlboro Township, Մոնմաութ շրջան, Նյու Ջերսի
Կրթություն	Մերիմաունթ Մանհեթեն քոլեջ (2002) և Marlboro High School?
Քաղաքացիություն	ԱՄՆ
Կրոն	հուդայականություն
Մասնագիտություն	թատրոնի դերասանուհի, կինոդերասանուհի, հեռուստատեսային դերասանուհի, կատակերգու, ձայնային դերասանուհի, սցենարիստ և կինոռեժիսոր
Ժանրեր	կատակերգություն
Ընտրանի	Բիգ Բանգ տեսությունը
Ամուսին(ներ)	Winston Beigel?

Կենսագրություն

Մելիսա Ռաուշը ծնվել է ԱՄՆ-ի Նյու Ջերսի նահանգի Մալբորո քաղաքում՝ հրեական ընտանիքում։ Մանհեթենի Մերիմաունտ քոլեջի (անգլ.՝ Marymount Manhattan College) շրջանավարտ է՝ դերասանի մասնագիտությամբ։

Կարիերա

Ուսուցման ընթացքում Մելիսան հայտնի կատակերգական դերասանուհի էր Մանհեթենում։ Նյու Յորքում նկարահանվել է «Ջենա Բուշի միսս կրթություն» (անգլ.՝ The Miss Education of Jenna Bush) շոույում, որտեղ խաղացել է ԱՄՆ նախկին նախագահի դստեր դերը։ 2009 թվականին Մելիսան նկարահանվել է «Մեծ պայթյունի տեսությունը» սիթքոմում, որտեղ խաղացել է Բերնադետ Ռոստենկովսկու դերը։ Սերիալի չորրորդ եթերաշրջանի սկզբից (2010) սկսել է հայտնվել պարբերաբար։

Մելիսա Ռաուշը մասնակցել է VH1 հեռուստաալիքի «Best Week Ever» հեռուստաշոուին։ Բացի այդ, Մելիսան մասնակցել է ավստրալիական «Kath & Kim» հեռուստաշոուի ամերիկյան ռեմեյքին։ Նկարահանվել է նաև «Օֆիս», «Wright v Wrong», «Կեղտոտ թաց փողեր», «Իրական արյուն» նախագծերում և «Սիրում եմ քեզ, երիտասարդ» ֆիլմում^[2]։

Մելիսան Քեյսի Ուիլսոնի, Ջուն Դայան Ռաֆայելի, Ջեսիկա Սենտ Քլերի և Դանիել Շնայդերի հետ նկարահանվել է «The Realest Real Housewives» շոույում։ 2011 թվականի հունվարից շոուն թողարկվել է ամիսը մեկ անգամ «Upright Citizens Brigade Theater» իմպրովիզացիայի թատրոնում^[3];

2015 թվականին նրա մասնակցությամբ լույս է տեսել «Բրոնզ» ֆիլմը, որտեղ խաղացել է մարմնամարզիկի դեր։

Անձնական կյանք

2009 թվականի հոկտեմբերի 10-ից Ռաուշը ամուսնացել է սցենարիստ Ուինսթոն Ռաուշի հետ (ի ծնե Բայգել)։ Զույգն ունի երկու երեխա՝ դուստրը՝ Սեյդի Ռաուշը^[4] և որդին՝ Բրուքս Ռաուշը^[5]։

Ընտրյալ ֆիլմագրություն

Տարի		Հայերեն անվանում	Բնօրինակ անվանում	Դեր
2009	ֆ	Սիրում եմ քեզ, երիտասարդ	I Love You, Man	Սիդնիի վրա գոռացող վազող կինը
2009-2019	ս	Մեծ պայթյունի տեսությունը	The Big Bang Theory	Բժիշկ Բեռնադետ Ռոստենկովսկի-Վոլովից
2010	ս	Օֆիս	The Office	Քեթի
2010	ս	Իրական արյուն	True Blood)	Թիզի
2015	մս	Արքայադուստր Սոֆիա		Ֆրանսին
2016	մֆ	Սառցե դարաշրջան։ Բախումը անխուսափելի է	Ice Age	Վոր Սվետա
2017	մս	Աստղային Արքայադուստրը և չար ուժերը	Star vs. the Forces of Evil	Երեխա
2017	մֆ	Բեթմեն և Հարլի Քուին	Batman and Harley Quinn	Հարլի Քվին

Ծանոթագրություններ

1. Deerwester, Jayme (2011 թ․ նոյեմբերի 17). «Mayim Bialik and Melissa Rauch Five Questions». USA Today. Արխիվացված է օրիգինալից 2015 թ․ ապրիլի 15-ին. Վերցված է 2015 թ․ փետրվարի 4-ին.
2. «PROFILES IN PANELISM: Melissa Rauch». Bestweekever.tv. 2008 թ․ մայիսի 29. Արխիվացված է օրիգինալից 2009 թ․ դեկտեմբերի 16-ին. {{cite web}}: Invalid |url-status=404 (օգնություն)
3. The Realest Real Housewives at UCB: A Celebration of the Best Show Ever
4. Melissa Rauch Welcomes Daughter Sadie
5. Big Bang Theory Star Melissa Rauch Welcomes Son Brooks — and Reveals She Gave Birth Alone

Վիքիպահեստն ունի նյութեր, որոնք վերաբերում են «Մելիսա Ռաուշ» հոդվածին։