![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/08/Hands_post_uric_arthritis_treatment.png/640px-Hands_post_uric_arthritis_treatment.png&w=640&q=50)
Հոդաբորբ
From Wikipedia, the free encyclopedia
Հոդաբորբ կամ արթրիտ (լատին․՝ arthritis, հունարեն՝ άpvpov - հոդ), հոդերի բորբոքային հիվանդություն, որը կարող է առաջանալ տեղային կամ ընդհանուր վարակների, նյութափոխանակության խանգարումների, վնասվածքների և այլ պատճառներով։ Մի շարք ծանր հիվանդությունների (ռևմատոիդ հիվանդություն, անշարժացնող սպոնդիլոարթրիտ և այլն) առաջացման պատճառը դեռևս լրիվ պարզ չէ, սակայն հաստատված է, որ նպաստող գործոններ են համարվում օրգանիզմի սառեցումը, ֆիզիկական գերլարվածությունը և այլև։ Ըստ ռևմատոլոգների համամիութենական ընկերության համագումարի (1971) դասակարգման, հիվանդությունները բաժանվում են երկու հիմնական խմբի՝ որպես ինքնուրույն հիվանդություն և որևէ հիվանդության ախտանշան։ Մեկ հոդի բորբոքումը կոչվում է մոնոարթրիտ, մի քանիսինը՝ պոլիարթրիտ։ Ըստ ընթացքի հիվանդությունները լինում են՝ սուր, ենթասուր և քրոնիկական, չոր և էքսուդատիվ (շճային, թարախային, արյունային), ըստ ծագման՝ վարակիչ և սպեցիֆիկ, դիստրոֆիկ, վնասվածքային և այլ հիվանդությունների հետ կապված։
Հոդաբորբ | |
---|---|
![]() | |
Տեսակ | հոդախտ, հիվանդության կարգ և ախտանիշ կամ նշան |
Հիվանդության ախտանշաններ | վերջույթների բորբոքում[1] |
Բժշկական մասնագիտություն | ռևմատոլոգիա |
ՀՄԴ-9 | 710, 711, 712, 713, 714, 715, 716, 717, 718 և 719 |
![]() |
![Thumb image](http://upload.wikimedia.org/wikipedia/commons/thumb/4/4d/SOA-arthritis.jpg/320px-SOA-arthritis.jpg)
![Thumb image](http://upload.wikimedia.org/wikipedia/commons/thumb/3/39/Psoriaris-Arthritis_01.jpg/640px-Psoriaris-Arthritis_01.jpg)
![Thumb image](http://upload.wikimedia.org/wikipedia/commons/thumb/3/3a/Arthrite_rhumatoide.jpg/320px-Arthrite_rhumatoide.jpg)