հայ կուսակցական, պետական գործիչ From Wikipedia, the free encyclopedia
Հմայակ Հարությունի Երզնկյան (1892, Հաղպատ, Բորչալուի գավառ, Ռուսական կայսրություն - 1941), հայ կուսակցական, պետական գործիչ։
Հմայակ Երզնկյան | |
---|---|
Ծնվել է | 1892 |
Ծննդավայր | Հաղպատ, Բորչալուի գավառ, Ռուսական կայսրություն |
Մահացել է | 1941 |
Քաղաքացիություն | ԽՍՀՄ |
Կրթություն | Ներսիսյան դպրոց (1913) |
Մասնագիտություն | պետական գործիչ |
Կուսակցություն | ԽՄԿԿ |
Արամայիս Երզնկյանի եղբայրը։
Ներսիսյան դպրոցն ավարտել է 1913 թվականին և անմիջապես զորակոչվել բանակ որպես շարքային զինվոր։ Մասնակցել է Առաջին համաշխարհային պատերազմին։ Մարտերին մասնակցել է ռուս-ավստրիական ռազմաճակատում։ Վիրավորվել է երեք անգամ։ Երրորդ անգամ վիրավորվելուց հետո գերի է ընկել։
Փախուստի բազմաթիվ փորձերից հետո վերջապես նրան հաջողվում է փրկվել գերությունից և, շատ զրկանքներից ու տառապանքներից հետո, 1918 թվականին հասնել իր հայրենի գյուղը՝ Հաղպատ։ Մինչև 1920 թվականը աշխատել է Հաղպատում որպես գյուղական դպրոցի ուսուցիչ։
1920 թվականին ընդունվել է կոմունիստական կուսակցության շարքերը։ Հայաստանում խորհրդային կարգերի հաստատվելուց հետո 1921-1924 թվականներին, աշխատել է որպես Ուզունլարի հեղկոմի նախագահ, Լոռի-Փամբակի գավկոմի հրահանգիչ և ապա նշանակվել Ղարաքիլիսայի առաջին աստիճանի կուսակցական դպրոցի վարիչ։
1925 թվականին Հմայակ Երզնկյանը տեղափոխվել է Երևան և մինչև 1935 թվականը աշխատել որպես Հայկոոպի հրահանգիչ, այնուհետև Հայտնարկոոպի կազմբաժնի վարիչ և ապա Հայտնարկոոպի նախագահ։
1935 թվականին ընտրվել է Հոկտեմբերյանի շրջանային գործադիր կոմիտեի նախագահ, իսկ 1936 թվականին նշանակվել Հայաստանի ժողկոմխորհին կից ներգաղթի կոմիտեի ավանների շինարարության պետ։
Ընտրվել է ՀԿԿ II և IV համագումարների պատգամավոր, մասնակցել է մի շարք խորհրդաժողովների, մի քանի անգամ ընտրվել է Հայաստանի կենտգործկոմի անդամ[1]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.