From Wikipedia, the free encyclopedia
Խաղաղության միջազգային օր, ոչ պաշտոնական անվանումը՝ աշխարհի խաղաղության օր, (ՄԱԿ-ի պաշտոնական լեզուներով՝ անգլերեն՝ International Day of Peace, ռուսերեն՝ Международный день мира, իսպաներեն՝ Día Internacional de la Paz, արաբերեն՝ اليوم العالمي للسلام, չինարեն՝ 国际和平日, ֆրանսերեն՝ Journée internationale de la paix) ամենամյա տոն, որը նշվում է սեպտեմբերի 21-ին և նվիրված է աշխարհում խաղաղությանը՝ աշխարհում պատերազմի և բռնության բացառմանը։ Տոնն առաջին անգամ նշել են 1982 թվականին և այն մինչև օրս շարունակվում է նշվել շատ ազգերի, քաղաքական և ռազմական խմբերի ու այլ մարդկանց կողմից։ 2013 թվականին առաջին անգամ ՄԱԿ-ի գլխավոր քարտուղարը օրվա գլխավոր նպատակը ընդունեց «խաղաղասիրական կրթությունը»[5]։
Խաղաղության միջազգային օր International Day of Peace | |
---|---|
![]() | |
Տեսակ | միջազգային օր |
Ամսաթիվ | Սեպտեմբերի 21[1] |
Տոնվում է | ՄԱԿ-ի անդամ բոլոր երկրներում |
սկսած | 1982[2] |
Հաստատված | նոյեմբերի 30, 1981[3] |
Ավանդույթներ | Տարբեր միջոցառումներ ՄԱԿ-ի անդամ երկրներում |
Անվանված է | Խաղաղություն |
Ի հիշատակ | Խաղաղություն[4] |
Հիմնադիր | Llorenç Vidal Vidal? |
Կապված | Խաղաղության շարժում |
Կայք | internationaldayofpeace.org(անգլ.) և un.org/es/observances/international-day-peace(իսպ.) |
Այս օրը տոնելու համար, ՄԱԿ-ը խփում է իր՝ Նյու Յորքում գտնվող կենտրոնակայանի խաղաղության զանգը։ Զանգը պատրաստված է աշխարհի բոլոր աշխարհամասերի (բացի Աֆրիկայի) երեխաների նվիրաբերած մետաղադրամներից, այն նվիրել է Ճապոնիայի Միավորված ազգերի միությունը՝ որպես «պատերազմի մարդկային կորուստները հիշելու» խորհրդանիշ։ Զանգի վրա կա գրություն՝ «Երկար կյանք աշխարհում բացարձակ խաղաղությանը»[6]։
Օրը նշելու որոշումն ընդունվել է ՄԱԿ-ի գլխավոր ասամբլեայի 1981 թվականի նոյեմբերի 30-ի № A/RES/36/67 որոշմամբ[7]։ Սկզբում որոշվել էր տոնը նշել սեպտեմբերի երրորդ երեքշաբթի օրը, բայց հետագայում՝ ՄԱԿ-ի գլխավոր ասամբլեայի 55-րդ նստաշրջանում՝ 2001 թվականի սեպտեմբերի 28-ին տոնը ամրագրվեց սեպտեմբերի 21-ին (որոշում № A/RES/55/282)[8]:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.