Լոնդոնի ֆոնդային բորսա

Լոնդոնի ֆոնդային բորսա, ֆոնդային բորսա Լոնդոն Սիթիում, Միացյալ Թագավորություն։ Տեղակայված է Պետերնոսթեր հրապարակում՝ Սուրբ Պողոսի տաճարի մոտ։ 2014 թվականի դեկտեմբերի դրությամբ բորսայի կապիտալիզացիան կազմում էր $6.06 տրիլիոն՝ դարձնելով բորսան երրորդ խոշորագույնը աշխարհում և խոշորագույնը Եվրոպայում։ Բորսան ամենահին բորսաներից մեկն է Եվրոպայում։ Պաշտոնապես հիմնադրվել է 1801 թվականին, սակայն նրա պատմությունն սկսել է 1570 թվականին, երբ արքայի ֆինանսական գործակալ և խորհրդական Թոմաս Գրեշեմը իր անձնական փողերով կառուցեց Արքայական բորսան^[4]։

Լոնդոնի ֆոնդային բորսա London Stock Exchange
Տեսակ	ֆոնդային բորսա
Երկիր	Միացյալ Թագավորություն
Շտաբ	Լոնդոնյան Սիթի, Մեծ Լոնդոն, Անգլիա, Միացյալ Թագավորություն և Լոնդոն, Միացյալ Թագավորություն[1]
Մայր ընկերություն	London Stock Exchange Group
Կազմակերպչական և իրավական ձև	public limited company?[2]
Հիմնադրվել է	1698
Սեփականատեր	Լոնդոնի ֆոնդային բորսա խումբ
Արժույթ	Ֆունտ ստերլինգ
Ցուցակումների քանակ	3,041
ՇուկաԿապ	4.09 տրիլիոն Ֆունտ ստեռլինգ[3]
Ծավալ	1.16 տրիլիոն (դեկտեմբեր 2014)
Ինդեքսներ	FTSE 100 Index FTSE 250 Index FTSE 350 Index FTSE SmallCap Index FTSE All-Share Index
Կայք	londonstockexchange.com​(անգլ.)
London Stock Exchange Վիքիպահեստում

Լոնդոնի բորսայի բաժնետոմսերի շուկան բաժանվում է 2 մասի՝

• հիմնական (անգլ.՝ main, official), որը հասանելի է այն ընկերություններին, որոնք բավարարում են Մեծ Բրիտանիայի ֆինանսական ծառայությունների վերահսկման մարմնի պահանջներին (անգլ.՝ The Financial Services Authority (FSA))^[5]
• այլընտրանքային (անգլ.՝ Alternative Investments Market, AIM), պակաս խիստ պահանջներով, որը նախատեսված է երիտասարդ, հիմնականում նորարական ընկերությունների համար։

Լոնդոնի ֆոնդային բորսան համարվում է ամենամիջազգայնացվածը․ նրան է բաժին ընկնում բաժնետոմսերի միջազգային առևտրի մոտ 50 տոկոսը․ 2004 թվականին այնտեղ արժեթղթեր ունեին 340 օտարերկրյա կազմակերպություն՝ աշխարհի 60 երկրներից, իսկ օտարերկրյա արժեթղթերի թողարկիչ կազմակերպությունների բաժնետոմսային առևտրի ծավալը կազմեց 2229 մլրդ ԱՄՆ դոլար։ Ընդհանուր առմամբ Միացյալ Թագավորության տարածքում տեղակայված է 22 ֆոնդային բորսա (ամենախոշորները գտնվում են Լոնդոնում, Լիվերպուլում, Գլազգոյում և Բիրմինգհեմում)^[6]։

Ծանոթագրություններ

1. Market Identifier Code — ed. size: 1242
2. Global LEI index
3. Monthly Market Report - London Stock Exchange
4. Между Лондоном и Парижем. Рынок ценных бумаг индустриальной эпохи / С. З. Мошенский. – Hampton, New Hampshire: Mindstir Media, 2015. – 777 c. – ISBN 9780996461535.
5. «Правила листинга в руководстве Управления по финансовому регулированию и надзору Великобритании». Արխիվացված է օրիգինալից 2009 թ․ փետրվարի 23-ին. Վերցված է 2015 թ․ նոյեմբերի 2-ին.
6. Б. Б. Рубцов Современные фондовые рынки. — М.: «Альпина Паблишер», 2007. — С. 928. — ISBN 5-9614-0435-8

Արտաքին հղումներ

• Լոնդոնի ֆոնդային բորսայի պաշտոնական կայք (անգլ.)
• Լոնդոնի ֆոնդային բորսան հրաժարվել է վաճառվել Nasdaq-ին (ռուս.)

Վիքիպահեստն ունի նյութեր, որոնք վերաբերում են «Լոնդոնի ֆոնդային բորսա» հոդվածին։