Դահուկային երկամարտ ձմեռային մարզաձև, որտեղ մարզիկները մրցում են դահուկավազքում և դահուկացատկում։ Դահուկային երկամարտը ներկայումս համարվում է Ձմեռային օլիմպիական մարզաձև սկսած 1924 թվականից։
Դահուկային երկամարտ | |
---|---|
![]() | |
Տեսակ | բազմասպորտային սպորտ, Հյուսիսային դահուկներ և օլիմպիական մարզաձև |
Մարմին | Միջազգային դահուկային ֆեդերացիա |
Ստեղծվել է | 1892 |
Օլիմպիական խաղեր | Ձմեռային օլիմպիական խաղեր |
Պարօլիմպիկ խաղեր | Ձմեռային պարօլիմպիկ խաղեր |
![]() |
Դեռևս չեն անցկացվում կանանց մրցույթներ, սակայն 2016 թվականի նոյեմբերին որոշվեց, որ պետք է ներդրվեն կանանց մրցույթներ, այդ թվում աշխարհի առաջնություն, որը տեղի կունենա 2021 թվականին և Օլիմպիական խաղերում սկսած 2022 թվականից[1]։
Մարզաձևում առաջին գլխավոր մրցույթը կայացել է 1892 թվականին Օսլոյում Հոլմենկոլենի դահուկացատկի ընթացքում։ Նորվեգիայի արքա Ուլաֆ V եղել է դահուկացատկորդ և մասնակցել է Հոլմենկոլենի դահուկային փառատոնին 1920-ական թվականներին։ Այն ներդրվել է Ձմեռային օլիմպիական խաղեր 1924-ում և մինչ օրս համարվում է օլիմպիական մարզաձև։ Մինչև 1950-ական թվականները դահուկավազքը տեղի է ունեցել դահուկացատկից առաջ։ Քանի որ դահուկավազքն ավելի շատ էներգիա է խլում, որոշվեց սկզբում անցկացնել դահուկացատկի մրցույթները։ Սպորտաձևում ավելի շատ հաջող էին հանդես գալիս նորվեգացիները և ֆիները։
Ներկայումս Աշխարհի գավաթում օգտագործվում են հետևյալ տեսակները և ձևաչափերը.[2]
- Անհատական Գունդերսենի համակարգ. մրցույթը սկսվում է թռիչքներով նորմալ կամ բարձր բլուրից։ Ավելի ուշ նույն օրը տեղի է ունենում 10 կիլոմետր դահուկավազք։ Դահուկասահքի հաղթողը սկսում է 00:00:00-ից և բոլոր մյուս մարզիկներն ավելի ուշ համաձայն դահուկացատկի հավաքած միավորների։ Դահուկավազքում ով առաջինը հասնում է եզրափակիչ գծին համարվում է հաղթող։ Գունդերսենի համակարգի մեկ այլ տեսակ է երկու դահուկացատկը և ազատ ոճի 15 կիլոմետր դահուկավազքը։
- Դահուկային եռամարտ, ներառվել է 2013-2014 թվականների աշխարհի գավաթում, այն ներառում է երեք տարբեր մրցույթներ երեք օրում և բոլոր երեքի ընդհանուր հաղթողը ստանում էր լրացուցիչ միավորներ և դրամային պարգև.
- Օր 1։ 1 ցատկ & 5 կմ դահուկավազք
- Օր 2։ 1 ցատկ & 10 կմ անհատական Գունդերսեն (1-ին օրվա առաջին 50 մասնակիցներ)
- Օր 3։ 2 ցատկ & 15 կմ անհատական Գունդերսեն (2-րդ օրվա առաջին 30 մասնակիցներ)
- Թիմային մրցույթներ, ներդրվել է 1980-ական թվականներին, ամեն թիմ կազմված է չորս անդամից, որոնցից յուրաքանչյուրը մասնակցում է դահուկացատկին։ Թիմի ընդհանուր միավորների արդյունքում թիմերը մասնակցում էին 5 կմ դահուկավազքի։ Հաղթում էր առաջինը եզրագիծը հատած թիմը։
- Թիմային սպրինտ. թիմը կազմված էր երկու մարզիկից, մնացածը համաձայն Գունդերսենի համակարգի։
Ներառված են կանոններում, սակայն չեն օգտագործվում աշխարհի գավաթներին.
- Տուգանային վազք, ավելացվում էր դահուկավազքի ժամանակ։
- Մասստարտ. միակ ձևաչափն է, երբ առաջինն անցկացվում է դահուկավազքը։ Բոլոր մարզիկները սկսում են դահուկավազքը միաժամանակ, արդյունքում ըստ գրաված տեղի տրվում են միավորներ, որոնք գումարվում են դահուկացատկի միավորներին և որոշվում է ընդհանուր հաղթողը։
Օլիմպիական խաղերում անցկացվում են հետևյալ մրցույթները` K120 անհատական սպրինտ, դահուկացատկ K90 (70մ) և թիմային/4x5կմ[3]։
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.