From Wikipedia, the free encyclopedia
Բրունելո Ռոնդի (իտալերեն՝ Brunello Rondi. նոյեմբերի 26, 1924[1][2], Տիրանո, Սոնդրիո, Լոմբարդիա, Իտալիայի թագավորություն - նոյեմբերի 7, 1989[1][2], Հռոմ, Իտալիա[3]), իտալացի սցենարիստ և կինոռեժիսոր, ով առավել հայտնի է Ֆեդերիկո Ֆելինիի հետ հաճախակի սցենարային համագործակցությամբ։
Բրունելո Ռոնդի | |
---|---|
![]() | |
Ծնվել է | նոյեմբերի 26, 1924[1][2] |
Ծննդավայր | Տիրանո, Սոնդրիո, Լոմբարդիա, Իտալիայի թագավորություն |
Մահացել է | նոյեմբերի 7, 1989[1][2] (64 տարեկան) |
Մահվան վայր | Հռոմ, Իտալիա[3] |
Քաղաքացիություն | ![]() ![]() |
Մասնագիտություն | կինոռեժիսոր, սցենարիստ, դերասան և կինոդերասան |
![]() |
Նրա եղբայրը՝ Ջան Լուիջի Ռոնդին, իտալացի կինոքննադատ էր։
Հիմնականում հանդես է եկել որպես սցենարիստ և սցենարի խորհրդատու։ Իր կինոկարիերան սկսել է 1947 թվականին «Վերջին սեր» ֆիլմի սցենարով, որի նկարահանմանը մասնակցել է նաև որպես ռեժիսորի օգնական։
Նա աշխատել է որպես ռեժիսորի օգնական, ինչպես նաև տիտրերում չնշված սցենարիստ Ռոբերտո Ռոսելինիի «Սուրբ Ֆրանցիսկոսի ծաղիկները» (1950) նկարահանելիս, իսկ այդ նույն ռեժիսորի «Եվրոպա 51» (1952) ֆիլմի տիտրերում արդեն նշվել է որպես սցենարիստ։
Սկսելով համագործակցել Ֆեդերիկո Ֆելինիի հետ՝ La Strada (1954) և Nights of Cabiria (1957) ֆիլմերի նկարահանումներին մասնակցել է իբրև գեղարվեստական ղեկավար։ Նրա ամենաարժեքավոր համագործակցությունները եղել են «La Dolce Vita » (1960), «8½» (1963), «Ոգիների Ջուլիետ» (1964), «Նվագախմբի փորձ » (1978) և «Կանանց քաղաք » (1980) ֆիլմերի սցենարները, որոնք բոլորը գրվել են իր և ռեժիսոր Ֆելինիի կողմից։
La Dolce Vita- ի սցենարը գրելիս Ռոնդին օգնել է ստեղծելու Շտայների կերպարը, մի մտավորականի, ով սպանում է իր կնոջն ու երեխաներին[4]։ Որպես Ֆելինիի մտերիմ ու վստահությունը վայելող անձ՝ Ռոնդին վճռորոշ դեր է խաղացել նաև 8½-ի նկարահանման վաղ փուլերում։ 1960 թվականի հոկտեմբերին թվագրված նամակում Ֆելլինին Ռոնդիին ներկայացրել է իր սկզբնական գաղափարները, որոնք հետագայում սցենարի են վերածվել իրենց, ինչպես նաև համահեղինակներ Էննիո Ֆլայանոյի և Տուլիո Պինելիի ջանքերով[5]։
Ռոնդին իր ռեժիսորական դեբյուտը կատարել է 1961 թվականին «Բռնի կյանք» ֆիլմով, որը հիմնված է Պիեր Պաոլո Պազոլինիի վեպի վրա։
Նա մահացել է սրտի կաթվածից Հռոմում 1989 թվականին, 64 տարեկան հասակում։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.