Բնության համաշխարհային հիմնադրամ

Բնության համաշխարհային հիմնադրամ (անգլերեն՝ World Wide Fund for Nature, WWF), միջազգային կազմակերպություն։ Հիմնադրվել է 1961 թվականին։ Ունի մոտ 5 միլիոն մշտական հովանավոր և ազգային ընկերակցություններ։ Նպատակն է բնական միջավայրի վատթարացման կանխարգելումը, բնության պահպանության և բուսական ու կենդանական աշխարհի անհետացող տեսակների փրկության համար ֆինանսական միջոցների հայթայթումը։ Հիմնական գործունեությունն է գենետիկական, տեսակային և էկոհամակարգային բազմազանության պահպանումը, վերականգնվող բնական պաշարների օգտագործման կայուն ձևերի ապահովումը, աղտոտման նվազեցման և էներգիայի ու պաշարների արդյունավետ օգտագործման նպաստումը, բնապահպանական հիմևախնդիրների լուծման ռազմավարության մշակումը։ Նստավայրը Գլանդում է (Շվեյցարիա)։

Բնության համաշխարհային հիմնադրամ
Տեսակ	միջազգային ոչ կառավարական կազմակերպություն
Հիմնադրված է	ապրիլի 29, 1961[1]
Հիմնադիր	Էդվարդ Մաքս Նիկոլսոն, Արքայազն Բերնհարդ, Նիդեռլանդների արքայազն կոնսորտ, Արքայազն Ֆիլիպ, Լյուկ Հոֆման, Գայ Լեռ, Ջուլիան Հաքսլի և Փիթեր Սքոթ
Վայր	Գլան (Շվեյցարիա)[2][3]
Երկիր	Շվեյցարիա
Տնօրեն	Քիրստեն Շուիտ[4]
Աշխատողների թիվ	6000 մարդ (2021)[5]
Դուստր ընկերություններ	Բնության պահպանության համաշխարհային հիմնադրամ (Մեծ Բրիտանիա), Բնության պահպանության համաշխարհային հիմնադրամ (Իտալիա), Բնության պահպանության համաշխարհային հիմնադրամ (Շվեյցարիա), Բնության պահպանության համաշխարհային հիմնադրամ (Տանզանիա), Գերմանիայի վայրի բնության համաշխարհային հիմնադրամ, Վայրի բնության համաշխարհային հիմնադրամ (ԱՄՆ), Բնության պահպանության համաշխարհային հիմնադրամ (Ինդոնեզիա), Բնության պահպանության համաշխարհային հիմնադրամ (Կամերուն), Ճապոնիայի վայրի բնության համաշխարհային հիմնադրամ, Ֆրանսիայի վայրի բնության համաշխարհային հիմնադրամ, Թուրքիայի վայրի բնության համաշխարհային հիմնադրամ, Արգենտինայի Վայրի Բնության Հիմնադրամ, Իսպանիայի վայրի բնության համաշխարհային հիմնադրամ և Դանիայի վայրի բնության համաշխարհային հիմնադրամ
Կայք	wwf.am
Մասնակից է	Եվրոպական բնապահպանական բյուրո
World Wide Fund For Nature Վիքիպահեստում

WWF-ը Հայաստանում

Բնության համաշխարհային հիմնադրամը 2002 թվականից համագործակցում է Հայաստանի հետ։ WWF-ի հայաստանյան մասնաճյուղի պաշտոնական գրանցումը տեղի է ունեցել 2006 թվականի նոյեմբերին։

WWF-Հայաստանի գործունեության հիմնական ուղղություններն են.

• բնության հատուկ պահպանվող տարածքները՝ արգելոցները, ազգային պարկեր, արգելավայրերը
• վտանգված տեսակների պաշտպանություն
• Էկոհամակարգերի վերականգնում
• կլիմայական փոփոխությունների ազդեցությունը մեղմելուն ուղղված աշխատանքներ
• աշխատանք տեղական համայնքների հետ
• բնապահպանական իրազեկությանն ու կրթությանը աջակցություն

WWF-Հայաստանը զբաղվում է վտանգված տեսակների պահպանությամբ, ինչպիսիք են՝ կովկասյան ընձառյուծը, հայկական մուֆլոնը, բեզոարյան այծը, գորշ արջը և այլն։

Ծանոթագրություններ

1. https://wwf.panda.org/knowledge_hub/history/
2. https://wwf.panda.org/wwf_offices/wwf_international/
3. http://wwf.panda.org/knowledge_hub/history/seventies
4. https://updates.panda.org/dr-kirsten-schuijt-named-director-general-of-wwf-international
5. https://www.rts.ch/info/economie/12155919-soixante-ans-dambiguite-entre-le-wwf-et-les-multinationales.html

Արտաքին հղումներ

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Բնության համաշխարհային հիմնադրամ կատեգորիայում։

• Միջազգային կայք
• Կորպորատիվ կայք
• Բնության համաշխարհային հիմնադրամի հայաստանյան մասնաճյուղ

Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։