Բերտա Դորֆ
դանիացի նկարիչ From Wikipedia, the free encyclopedia
դանիացի նկարիչ From Wikipedia, the free encyclopedia
Բերտա Օլգա Վիլհելմին Հերլիխ Դորֆ (ծննդյան անունը՝ Գրին, դան․՝ Bertha Olga Vilhelmine Herlich Dorph, հունիսի 4, 1875[1][2][3], Կոպենհագեն, Դանիա[1] - փետրվարի 25, 1960[1][2], Հիլլերոդ (քաղաք), Դանիա), դանիացի նկարիչ[5]։
Բերտա Դորֆ | |
---|---|
Ծնվել է | հունիսի 4, 1875[1][2][3] |
Ծննդավայր | Կոպենհագեն, Դանիա[1] |
Վախճանվել է | փետրվարի 25, 1960[1][2] (84 տարեկան) |
Մահվան վայր | Հիլլերոդ (քաղաք), Դանիա |
Քաղաքացիություն | Դանիա |
Մասնագիտություն | նկարչուհի և դիզայներ |
Ժանր | դիմապատկեր |
Ուսուցիչ | Հարալդ Սլոթ-Մյոլլեր և Պետեր Իլստեդ |
Պարգևներ | |
Ամուսին | Նիլս Վինդինգ Դորֆ[4] |
Բերտա Դորֆը ծնվել է 1875 թվականին Կոպենհագենում։ 1893-1897 թվականներին մասնավոր դասեր է առել Հարալդ Սլոթ-Մյոլլերի և Պետեր Իլստեդի մոտ, որից հետո մեկ տարի վերապատրաստվել է Բեռլինում։ Օֆորտի դասեր է առել Բեռլինի Շինկել ակադեմիայում։ 1899 թվականին առաջին անգամ ցուցադրվել է Den Frie Udstilling-ում։ 1900 թվականին ամուսնացել է նկարիչ Նիլս Վինդինգ Դորֆի հետ (1862-1931 թվականներ), որի ազդեցությունը նկատելի է Բերտա Դորֆի աշխատանքներում։ Դորֆի ծննդաբերության սպասող կնոջ նկարը (Et besøg hos den unge barselskone) համարվում է ընտանիքին և երեխաներին նվիրված վաղ ստեղծագործությունների գլուխգործոց։ Ավելի ուշ նկարել է ծաղիկներ, լանդշաֆտներ, բազմաթիվ դիմանկարներ, հատկապես երեխաների։ 1925 թվականին ստեղծել է ևս մեկ մեծածավալ աշխատանք Julenat (Սուրբ Ծննդյան երեկո), որն այժմ գտնվում է Սվենդբորգի մոտ գտնվող Օլլերուպ եկեղեցում[5][6][7]։
Դորֆը նաև աշխատել է որպես դիզայներ, մասնավորապես, զբաղվել է արծաթեղենի և կահույքի դիզայնով։ 1902-1915 թվականներին ամուսնու հետ միասին բացել են արվեստի դպրոց։ 1915 թվականին դարձել է Կանանց գծանկարչության և դիզայնի ակադեմիայի կոմիտեի անդամ (Tegne- og Kunstindustriskolen for Kvinder), 1916 թվականին եղել է «Կին արվեստագետների միության» համահիմնադիրը (Kvindelige Kunstneres Samfund)[7]:
Մահացել է Հիլլերյոդում, 1960 թվականի փետրվարի 25-ին։ Թաղված է Սյոլերյոդ գերեզմանատանը[8]։
1907 թվականին Բերտա Դորֆը Et besøg hos den unge barselskone (Այցելություն երիտասարդ մայրացած հիվանդին) կտավի համար պարգևատրվել է Թորվալդսեն մրցանակով[6]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.