From Wikipedia, the free encyclopedia
Թոմաս Արթուր Դարվիլ (անգլ.՝ Arthur Darvill, հայտնի է որպես Արթուր Դարվիլ, հունիսի 17, 1982[1], Բիրմինգհեմ, Անգլիա, Միացյալ Թագավորություն), անգլիացի դերասան և երաժիշտ[3]։ Նա հայտնի է «Դոկտոր Ով» հեռուստասերիալում Ռորի Ուիլյամսի և «Սպանություն ծովափում» հեռուստասերիալում Ռևի Փոլ Քոթսի դերերով[4]։ Նա մարմնավորում է Ռիպ Հանթերին The CW հեռուստաալիքի «Վաղվա լեգենդները» հեռուստասերիալում։
![]() | |
---|---|
![]() | |
Ծնվել է | հունիսի 17, 1982[1] (42 տարեկան) |
Ծննդավայր | Բիրմինգհեմ, Անգլիա, Միացյալ Թագավորություն |
Կրթություն | Դրամատիկական արվեստի թագավորական ակադեմիա (2006)[2] և Բրոմսգրոուվ (դպրոց) |
Քաղաքացիություն | ![]() |
Մասնագիտություն | կոմպոզիտոր, կինոդերասան, թատրոնի դերասան, հեռուստահաղորդավար և հեռուստատեսային դերասան |
Դարվիլի մայրը՝ Էլին, դերասանուհի է, Արթուրի վաղ մանկության ժամանակ նա աշխատել է դիմակների, տիկնիկների հետ և խաղացել է Քենոն Հիլ թատրոնի, հյուրախաղերով շրջագայել Միացյալ Թագավորությունով և աշխարհով։ Քրոջ ծնունդից առաջ Դարվիլը մի քանի շրջագայություն է կատարել, որպեսզի օգնի մորը մի քանի շոուների կարգավորման հարցում։ 1993 թվականից մինչև 2000 թվականները հաճախել է Վուստեշիրի Բրոմսգրով դպրոցը։
Դարվիլը տասը տարեկան հասակում միացել է Երիտասարդական թատրոնի ընկերությանը[5]։ Նա եղել է CITV մանկական հեռուստաալիքի կազմակերպության անդամ 1991 թվականից մինչև 2000 թվականը և 2000 թվականին անցել է աշխատանքի։ Այդ ժամանակ նրան անվանում էին Թոմ Դարվիլ[6]։ Նա լքեց հեռուտաալիքը 2001 թվականին և ստեղծեց իր սեփական թատրոնային ընկերությունը (Fuego's Men)։ 21 տարեկանում Դարվիլը երիտասարդական թատրոն չորս ընկերների հետ տեղափոխվեց Լոնդոն և յուրաքանչյուրը տեղ ապահովեց իր համար դրամատիկական դպրոցում։ Նրանք միասին Ուայթ Սիթիում նոր տուն տեղափոխվեցին։ Դարվիլը հմտացավ դերասանության մեջ Դրամատիկական արվեստի արքայական ակադեմիայում[5][7]։
2008 թվականին Դարվիլը կատարել է իր հեռուստատեսային դեբյուտը նկարահանվելով ITV հեռուստաալիքի «Նա սպանել է Քուփերներին» քրեական դրամայում։ Նույն թվականին նա մարմնավորել է Էդվարդ «Թիփ» Դորիթին BBC հեռուստասերիալի «Փոքրիկ Դորիթը» հեռուստասերիալում։
Նա սկսել է խաղալ Ռորի Ուիլյամսի դերը BBC հեռուստաալիքի գիտագեղարվեստական «Դոկտոր Ով» հեռուստասերիալի հինգերորդ եթերաշրջանում։ Նա երկրորդական դերակատար էր վեցերորդ եթերաշրջանում և համաձայնվեց նկարահանվել յոթերորդ եթերաշրջանում[8], մինչև նա և Քերեն Գիլանը կլքեին հեռուստասերիալը[9]։
Դարվիլը ունեցել է փոքրիկ դեր Ռիդլի Սքոթի «Ռոբին Հուդ» ֆիլմում և մարմնավորել է Միք Գալահերին «Սեքս, թմրանյութեր և ռոքնռոլ» ֆիլմում։ 2011 թվականի ամռանը նա Շեքսպիրի «Գլոբուս» թատրոնում խաղացել է «Բժիշկ Ֆասթուս» ներկայացման մեջ։
2015 թվականի մարտին հայտարարվեց, որ Դարվիլը միացել է The CW հեռուստաալիքի «Վաղվա լեգենդները» հեռուստասերիալի անձնակազմին՝ խաղալու ժամանակի ճանապարհորդ Ռիպ Հանթերին, որը հանդիսանում էր «Նետ» և «Ֆլեշ» հեռուստասերիալների սփին–օֆֆը[10]։
Դարվիլը նաև երաժիշտ և կոմպոզիտոր է, նա գրել է երգեր և երաժշտություններ Բուշ թատրոնի համար։
Դարվիլը նվագում է կիթառ և ստեղնաշարային գործիքներ, դեռահասության տարիքում եղել «Էդմունդ» ինդի խմբի անդամ։ Խմբի անվանումը կապված է «Առյուծը, կախարդը և պահարանը» գրքի հերոս Էդմունդ Պևենիսի հետ, որը նրա ամենասիրելի հերոսն էր։ Արթուրը սիրում է խոհարարությամբ զբաղվել, այցելել թատրոն և երաժշտական համերգների։ Նա և «Դոկտոր ով» հեռուստասերիալի աստղեր Քերեն Գիլանն ու Մեթ Սմիթը մոտիկ ընկերներ են[11]։
Տարի | Անվանում | Դեր | Նշումներ |
---|---|---|---|
2001 | Սութի | Թոմ | |
2008 | Նա սպանել է Քուփերներին | Ոստիկանական կոնստեբլ | |
2008 | Փոքրիկ Դորիթը | Եդվարդ «Թիփ» Դորիթ | 7 սերիա |
2010–2012 | Դոկտոր Ով | Ռորի Ուիլյամս | Երկրորդական դեր 5-րդ եթերաշրջան, հիմնական դեր 6-7Ա եթերաշրջան (27 սերիա) |
2012 | Դրախտ | Բրեդլի Բուրոուս | 1 սերիա |
2013–ից | Սպանություն ծովափում | Փոլ Քոթս | 1-ին եթերաշրջան (2013) և 2-րդ եթերաշրջան (2015) |
2013 | Սպիտակ թագուհին | Հենրի Սթաֆորդ | 2 սերիա |
2016-ից | Վաղվա լեգենդները | Ռիպ Հանթեր | Հիմնական դեր |
Տարի | Անվանում | Դեր | Նշումներ |
---|---|---|---|
2011 | Doctor Who: The Gunpowder Plot | Ռորի Ուիլյամ | Ձայն և պատկեր |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.