From Wikipedia, the free encyclopedia
Այվազովսկու պատկերասրահ, կառուցել է Հովհաննես Այվազովսկին՝ Թեոդոսիայում, 1845 թվականին, որպես տուն և արվեստանոց։ 1846 թվականին բացել է իր նկարների առաջին ցուցահանդեսը։ Դա Ռուսաստանում ժողովրդին մատչելի առաջին թանգարանն էր։ 1880 թվականին ծովանկարիչն իր տունը վերածել է հանրային պատկերասրահի։
Այվազովսկու պատկերասրահ | |
---|---|
![]() | |
Տեսակ | թանգարան, պատկերասրահ, հուշային թանգարան և ազգային թանգարան |
Երկիր | ![]() |
Տեղագրություն | Թեոդոսիա[2][3] |
Վայր | Թեոդոսիա |
Հասցե | вулиця Галерейна, 2, Феодосія, АР Крим, Україна[4] |
Հիմնադրվել է | 1845[3] |
Կայք | feogallery.org(ռուս.) |
![]() | |
![]() |
Այվազովսկու պատկերասրահում կազմակերպվել են Այվազովսկու գործերի ցուցահանդեսներ, ինչպես և երեկույթներ, ուր ելույթներ են ունեցել նաև դերասան Ադամյանը, կոմպոզիտոր Ալեքսանդր Սպենդիարյանը, ջութակահար Հ. Նալբանդյանը։ Ղրիմի արվեստի այդ կենտրոնում մեծ ծովանկարչին աշակերտել են Ա. Կուինջին, Լ. Լագորիոն, Ա. Ֆեսլերը, Կ. Բոգաևսկին, Մ. Մահտեսյանը, Ս. Լատրին, Մ. Վոլոշինը։ 1921 թվականին Այվազովսկու պատկերասրահը ազգայնացվել է։ 1925 թվականից այնտեղ ցուցադրվել են նաև Այվազովսկու հետևորդների գործերը։ 1941 թվականին Այվազովսկու պատկերասրահի ֆոնդերն ու արխիվը պատերազմից փրկվել և տեղափոխվել են Երևան։
1942 թվականին, Այվազովսկու ծննդյան 125–ամյակի առթիվ, Երևանում ցուցադրվել է Այվազովսկու պատկերասրահի հավաքածուն, որը 1944 թվականին վերադարձվել է Թեոդոսիա։
1946 թվականին ավարտվել է շենքի վերականգնումը, և Այվազովսկու պատկերասրահ կրկին սկսել է գործել։ Այն ծովանկարչության միակ թանգարանն է, որտեղ պահվում է Հովհաննես Այվազովսկու ստեղծագործությունների ամենամեծ հավաքածուն։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.