Ալեքսանդր Խանժոնկովի հուշարձան (Դոնի Ռոստով)
From Wikipedia, the free encyclopedia
Ալեքսանդր Խանժոնկովի հուշարձան (ռուս.՝ Памятник Александру Ханжонкову), ռուս կինեմատոգրաֆիստ Ալեքսանդր Ալեքսեևիչ Խանժոնկովի հուշարձանը, որը բացվել է 2016 թվականի օգոստոսի 24-ին[1] Դոնի Ռոստովի Բուդյոննու պողոտայում։ Հեղինակը ռոստովցի քանդակագործ Սերգեյ Օլեշնյան է[2]։ Բացման արարողությանը ներկա են եղել անվանի դերասաններ և հեռուստահաղորդավարներ[3]։
Անվան այլ կիրառումների համար տե՛ս՝ Ալեքսանդր Խանժոնկովի հուշարձան (այլ կիրառումներ)
 | |
|---|---|
 | |
 | |
 | |
| Տեսակ | հուշարձան |
| Բարձրություն | 2,5 մետր |
| Երկիր |  Ռուսաստան |
| Բնակավայր | Դոնի Ռոստով |
| Նյութ | բրոնզ |
| Ներկա վիճակ | կանգուն |
 Արտաքին պատկերներ | |
|---|---|
 |
Ալեքսանդր Խանժոնկովի հուշարձանի բացման արարողության լուսանկարներ |
Կինեմատոգրաֆիստ Ալեքսանդր Խանժոնկովի հուշարձանը ստեղծելու գաղափարը պատկանում է լրագրող Լյուբով Սուրկովային[4]։ Նա այդպիսի առաջարկով դիմեց քաղաքային վարչակազմին, և այնտեղ գաղափարը արժանացավ աջակցության։ Սկսվեց աշխատանքը էսքիզների վրա։ Ստեղծվեց երկու վերջնական էսքիզ, որոնցից մեկը կյանքի կոչվեց։ Քանդակագործ ընտրվեց Սերգեյ Օլեշնյան[3], պատվանդանը պատրաստել է Յուրի Դվոռնիկովը[4], սակայն նրանցից բացի ներգրավված են եղել այլ ճարտարապետներ և քանդակագործներ ևս[3].։
Քանդակը տեղադրելու վայրը պատահականորեն չի ընտրված. այն գտնվում է Ալեքսեևյան վարժարանի շենքի դիմաց, որտեղ սովորել է ռեժիսոր և սցենարիստ Խանժոնկովը, իսկ այդ վայրից ոչ հեռու գտնվում է կինոստուդիան[1]։ Նախատեսվում է տեղադրել նաև երկու հուշատախտակ. մեկն այն շենքի պատին, որտեղ սովորել է ռեժիսորը, և մյուսն այնտեղ, որտեղ նա առաջին անգամ դիտել է կինո։
Հինավուրց կինոխցիկով Խանժոնկովի քանդակը ձուլված է բրոնզից։ Պատվանդանի բարձրությունը 2 մետր է, քանդակինը` 2,5 մետր։ Հուշարձանի բացումը տեղի է ունեցել մոտիվացիոն կինոյի Bridge of Arts միջազգային փառատոնի առաջին օրը[2]։ Քանդակի բացմանը ներկա են եղել դերասանուհիներ Իրինա Բեզրուկովան և Իրինա Բաբենկոն, հեռուստահաղորդավար Դմիտրի Դիբրովը, պրոդյուսեր Ալան Դեպարդյեն[1]։
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
