From Wikipedia, the free encyclopedia
Սերգեյ Բուրլեյ (ռուս.՝ Сергей Иванович Бурлей, հունվարի 15, 1861 - 1920, Սևաստոպոլ, Տավրիկյան նահանգ, Խորհրդային Ռուսաստան), ռուսական, հետագայում ուկրաինական նավատորմի կոնտր ադմիրալ (1913 թվականի դեկտեմբերի 6) 1917-1918 թվականներին Ուկրաինական ժողովրդական հանրապետության և Ուկրաինական պետության ռազմական գործիչ, 1918 թվականի հունիսի 18-ից Ղրիմ-Ուկրաինական նավատորմի հրամանատար։
Սերգեյ Բուրլեյ | |
---|---|
հունվարի 15, 1861 - 1920 | |
Մահվան վայր | Սևաստոպոլ, Տավրիկյան նահանգ, Խորհրդային Ռուսաստան |
Քաղաքացիություն | ![]() |
Ծառայության տարիներ | 1878-1920 |
Կոչում | կոնտր-ադմիրալ |
Մարտեր/ պատերազմներ | Ռուսաստանի քաղաքացիական պատերազմ |
Կրթություն | Ֆ․ Ձերժինսկու անվան բարձրագույն ռազմածովային ինժեներական ուսումնարան |
Սևծովյան նավատորմում է եղել 1878 թվականից։ 1881 թվականին ավարտել է Կրոնշտադի ծովային գերատեսչության տեխնիկական ուսումնարանը։ Կոնդուկտոր (1881), պրապորչիկ (1882), ենթապորուչիկ (1885), պորուչիկ (1889), շտաբս-կապիտան (1893)։ 1894 թվականին ավարտել է Նիկոլաևի Ծովային ակադեմիայի ջրագրության բաժինը։ Փոխադրվել է նավատորմ։ 1896 թվականից եղել է նավատորմի լեյտենանտ, Երկրորդ կարգի կապիտան (1903), առաջին կարգի կապիտան (1908)։ 1908-1910 թվականներին եղել է «Ասկոլդ» հածանավի հրամանատար։ 1912-1913 թվականներին կատարել է Կերչի նավահանգստի հրամանատարի պարտականությունները։ Կոնտր ադմիրալ (1913 թվականի դեկտեմբերի 6)։ 1913 թվականի դեկտեմբերի 6-ից մինչև փետրվարյան հեղափոխությունն ընկած ժամանակահատվածում եղել է Սևաստոպոլի քաղաքապետը։ 1915 թվականի հունվարի 1-ից ՍՆ հրամանատարի հատուկ հանձնարարությունների գծով ադմիրալ։ Եղել է ուղղափառ եկեղեցու ներկայացուցիչ, ամուսնացած է եղել, ունեցել է մեկ որդի (1916 թվականին)։ Փետրվարյան հեղափոխությունից հետո կանգնեց ուկրաինական ծովային շարժման դիրքերում` աջակցելով նավատորմի ուկրաինացմանը։
1917 թվականի նոյեմբերի վերջերից ՈւԺՀ ծովային գործերի գլխավոր քարտուղարության կազմում է։ Ապրիլին Ղրիմից բոլշևիկների նահանջից հետո 1918 թվականին հանդես է եկել նավատորմը Կենտրոնական Ռադայի ենթակայությանը հանձնելու օգտին։ Նավատորմը վերջնականապես ուկրաինական կողմին փոխանցելուց հետո պաշտոնի է նշանակվում Ուկրաինական Սևծովյան նավատորմի շտաբում։
Հակահետմանական հեղաշրջումից հետո նավատորմի անձնակազմի մեծ մասը անցավ ՌՀԶՈՒ-ի կողմը, այդ թվում նաև ադմիրալ Բուրլեյը։ 1920 թվականին ադմիրալը ռազմագիտություն էր դասավանդում ծովայինների տնօրինությունում։ 1920 թվականի նոյեմբերին ադմիրալը կալանավորվում է բոլշևիկների կողմից։ Մահացել է սրտի կաթվածից կալանավայրում[1]։