Ջրահովիտ
գյուղ Հայաստանի Արարատի մարզում From Wikipedia, the free encyclopedia
Ջրահովիտ, գյուղ Հայաստանի Հանրապետության Արարատի մարզի Մասիսի տարածաշրջանում, մարզկենտրոն Արտաշատից 18 կմ հյուսիս-արևելք։
| Գյուղ | ||
|---|---|---|
| Ջրահովիտ | ||
 | ||
| Երկիր |  Հայաստան | |
| Մարզ | Արարատի | |
| Համայնք | Արարատի մարզ, Հայկական մարզ և Մասիսի շրջան | |
| Համայնքի ղեկավար | Համլետ Ղազարյան | |
| Հիմնադրված է | 1831 թ. | |
| Մակերես | 3,75 կմ² | |
| ԲԾՄ | 830 մ | |
| Պաշտոնական լեզու | Հայերեն | |
| Բնակչություն | 1072[1] մարդ (2011) | |
| Ազգային կազմ | Հայեր | |
| Ժամային գոտի | UTC+4 | |
| ||
Պատմություն
Գյուղը հիմնադրվել է 1831 թվականին։ Բնակիչների նախնիները Հայաստան են ներգաղթել Պարսկաստանի Մակու քաղաքից և նրա շրջակա գյուղերից։ Նախկինում ունեցել է Ճապաչալու, Ճեպեչելի, Ջաբաշալու, Ջաբաշիլի անվանումը։ Ջրահովիտ է վերանվանվել 1960 թվականին։
Գյուղը վերաբնակեցվել է 1950 թվականին Կոտայքի շրջանի Սոց գյուղից տեղափոխված բնակիչների կողմից։
Գյուղի մոտ է գտնվում Ջրահովիտի հնավայրը, որը վերաբերվում է մ.թ.ա 5-3 հազարամյակներին, ապա երկաթի հելենիզմի և ուշ միջնադարի ժամանակաշրջաններին։ Գյուղը տեղադրված է Արարատյան դաշտում, ծովի մակարդակից ունի 830 մ բարձրություն։
Կլիմա
Կլիման չոր, խիստ ցամաքային է։ Ձմեռները սկսվում են դեկտեմբերի կեսերին։ Ամառը տևական է՝ մայիսից մինչև հոկտեմբեր, օդի միջին ամսական ջերմությունը հասնում է 24-ից 26 աստիճան, իսկ առավելագույնը՝ 42 աստիճան։ Մթնոլորտային տարեկան տեղումների քանակը 250-300 մմ է։ Բնական լանդշաֆտները կիսաանապատներ են, որոնք ոռոգման ընթացքում վերածվել են կուլտուր-ոռոգելի լանդշաֆտի։ Ագրոկլիմայական տեսակետից համայնքն ընկած է բացարձակ ոռոգման գոտում։
Բնակչություն
Տնտեսություն
Գյուղն ունի դպրոց, գրադարան, բուժկետ, կապի հանգույց, որոնք գտնվում են անմխիթար վիճակում և մանկապարտեզ՝ վերանորոգված ու կահավորված։
Բնակչությունը զբաղվում է բանջարաբուծությամբ և անասնապահությամբ։
Տես նաև
Ծանոթագրություններ
Արտաքին հղումներ
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
