Զանգվածային սպանություն Վիրջինիայում
From Wikipedia, the free encyclopedia
Զանգվածային սպանություն Վիրջինիայում, տեղի է ունեցել 2019 թվականի մայիսի 31-ին Վիրջինիա Բիչ քաղաքի մունիցիպալ հաստատություններից մեկում։ Հանցագործը, մուտք գործելով շենք, կրակ է բացել մարդկանց վրա։ Զոհվել է 12 մարդ, ևս մի քանիսը վիրավորվել են։ Հարձակվողն սպանվել է ոստիկանության աշխատակիցների հետ փոխհրաձգության ժամանակ։ Նախնական տվյալներով՝ հարձակվողը ճանաչվել է. նա եղել է 40-ամյա Դեուեյն Քրեդոքը, որը նախկինում աշխատել է նույն մունիցիպալ հիմնարկում։ Սպանության ճշգրիտ շարժառիթներն այս պահին հայտնի չեն։
| Զանգվածային սպանություն Վիրջինիայում | |
|---|---|
 | |
| Տեսակ | զանգվածային կրակոցներ |
| Երկիր |  ԱՄՆ |
| Գրոհի վայր | Վիրջինիա |
| Տեղադրանք | Վիրջինիա Բիչ |
| Տարեթիվ | մայիսի 31, 2019 |
| Զենք | Ատրճանակ |
| Զոհվածներ | 13 մարդ |
| Վիրավորներ | 5 |
| Ահաբեկիչների քանակ | 1 |
Մայիսի 31-ի երեկոյան զինված հանցագործը մտել է Վիրջինիա Բիչի քաղաքապետարանի շենք և կրակ բացել։ Հրաձգությունը տեղի է ունեցել շենքի բոլոր երեք հարկերում։ Բոլոր զոհվածները (բացի մեկից՝ ավտոմեքենայի կայանտեղում) գտնվել են հենց քաղաքապետարանի շենքում[1]։ Դեպքի վայր ժամանած ոստիկանության աշխատակիցները փորձել են ձերբակալել մարդասպանին, սակայն նա կրակ է բացել նրանց վրա։ Փոխհրաձգության ընթացքում հարձակվողը մի քանի վնասվածք է ստացել և մահացել դեպքի վայրում։ Հանցագործը զինված է եղել .45 ACP տրամաչափի ատրճանակով՝ հագեցած խլացուցիչով և զինամթերքի մեծացված փամփուշտատուփով[2]։
Ըստ նախնական տվյալների՝ հանցագործը տեղի 40-ամյա բնակիչ Դեուեյն Քրեդոքն է եղել (ծնված 1978 թվականի հոկտեմբերի 15-ին)։ Նա տեղական կոմունալ ծառայության աշխատակից է եղել՝ սերտիֆիկացված ինժեների պաշտոնում։ Ավելի վաղ քրեական պատասխանատվության չի ենթարկվել[3]։ 1990-ական թվականների կեսերին ծառայել է ԱՄՆ-ի Ազգային գվարդիայում, որտեղ ստացել է զենքի հետ վարվելու փորձ[2]։
ԱՄՆ նախագահ Դոնալդ Թրամփը ցավակցություն է հայտնել և խոստացել, որ ԱՄՆ դաշնային իշխանությունները անհրաժեշտ օգնություն կցուցաբերեն տուժածներին[4]։ Թրամփը նաև կարգադրել է խոնարհել ԱՄՆ դրոշները մինչև հունիսի 4-ը[5]։
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
