Երեք կույր մկնիկներ

«Երեք կույր մկնիկներ» (անգլ.՝ Three Blind Mice), անգլիական մանկական ոտանավոր և երգ^[1]։ Ներառվել է Ռոուդի ժողովրդական երգերի ինդեքսում 3753 համարի ներքո։

(աուդիո)
	«Երեք կույր մկնիկներ» երգի մեղեդի

«Երեք կույր մկնիկներ»
ի երգը
Թողարկված	1805 թվականի հոկտեմբեր
Լեզու	անգլերեն
Հեղինակ	ժողովրդական

Բանաստեղծություններ

Ժամանակակից տեսքստը հետևյալն է՝

Three blind mice. Three blind mice.

See how they run. See how they run.

They all ran after the farmer’s wife,

Who cut off their tails with a carving knife,

Did you ever see such a sight in your life,

As three blind mice?^[2]

Բառացի հայերեն թարգմանություն․

Երեք կույր մկնիկներ, երեք կույր մկնիկներ․

Տեսե՜ք՝ նրանք ինչպես են վազում, ինչպես են վազում,

Նրանք բոլորը վազում են ֆերմերի կնոջ հետևից,

Որը կտրել է նրանց պոչիկները սուր դանակով։

Երբևէ կյանքում տեսե՞լ եք նման տեսարան,

Ինչպիսին այս երեք կույր միկնիկներն են։

«Three Blinde Mice» (1609), եռաձայն դասավորվածություն (բնօրինակ մեղեդին վերևի ձայնագրությունում է)^[3] Play

Ծագում

Այս երգի տարբերակը (երաժշտության հետ մեկտեղ) ներառվել է Deuteromelia կամ Musicks melodie-ի երկրորդ մասում (1609)^[3]։ Գիրքը հրատարակվել է Թոմաս Ռավենսկրոֆտի խմբագրությամբ, որն էլ եղել է երգի հեղինակը^[4]։

Հնարավոր է, որ երգի մեղեդին (բայց ոչ տեքստը) ավելի վաղ ծագում ունի։ Երգի սկիզբը (հատկապես «three blind mice») համընկնում է 15-րդ դարի հայտնի ֆրանսիական «L’ami Baudichon» երգի հետ․ այն այժմ հայտնի է Ժոսկեն Դեպրեի համանուն մեսայում իր վերամշակման շնորհիվ^[5]։

Three Blinde Mice,

Three Blinde Mice,

Dame Iulian,

Dame Iulian,

the Miller and his merry olde Wife,

she scrapte her tripe licke thou the knife.^[1]

Բանաստեղծությունը մանկական գրականություն է մտել միայն 1842 թվականին, երբ այն տպագրվել է Ջեյմս Օրչարդ Հալիվել-Ֆիլիպսի կողմից կազմված բանաստեղծությունների ժողովածուում։

Ժամանակակից ժողովրդական մշակույթում

• Անգլիալեզու երկրներում սպորտի մի քանի տեսակներում՝ բասկետբոլում և հոկեյում, խաղը դատում են երեք հոգի, որոնց կատակով անվանում են «երեք կույր մկնիկներ» (անգլ.՝ Three Blind Mice)։ Բացի այդ նվագախումբը կարող է երգել այս երգի մեղեդին որպես մրցավարների որոշումների հետ անհամաձայնության նշան։ Երկու տեսակի սպորտերում էլ այս դեպքերը համարվում են ոչ սպորտային և ոչ պրոֆեսիոնալ պահվածք^[6][7][8]։ Նախկինում ամերիկյան Բեյսբոլի գլխավոր լիգայում նույնպես եղել է ընդամենը երեք դատավոր, սակայն ավելի ուշ, ըստ կանոնակարգի, նրանք դարձել են չորսը։
• Այս երգը հնչում է Ջեյմս Բոնդի մասին նկարահանված «Բժիշկ Նոու» ֆիլմում։
• Խորհրդային «Բոցմանը և թութակը» մուլտֆիլմի չորրորդ էպիզոդում ագռավը բարձրաձայն կրկռալով երեգել է այս երգը։
• «Բեյբ․ Խոզուկը քաղաքում» ֆիլմում կատվիկների նվագախումբը հյուրասենյակում կատարել է այս երգը՝ երեք մկնիկների կերպարանք ընդունած, որոնք օգնում էին խոզուկին։
• Երեք կույր մկնիկները հանդիպում են «Շրեկ» բոլոր մուլտֆիլմերում։
• Չինական մշակույթում այս երգի նմանօրինակն է «Երկու վագր» երգը՝ 两只老虎 (չինական հիերոգլիֆներ), «Liang Zhi Lao Hu» (փինյին)։
• Դենիել Քիզի «Ծաղիկներ Էլջերնոնի համար» վեպում գլխավոր հերոսը պարբերաբար երգում է այս երգը։
• Երգը անվանել է Ագաթա Քրիստիի «Երեք կույր մկնիկներ» ռադիոպիեսը (1947) և դրա վրա հիմնված համանուն պատմությունը (1948)։ Նա նաև ակտիվ դեր է խաղում Քրիստիի ամենահայտնի՝ «Թակարդ» պիեսի սյուժեում, որը վերաբերում է այս ստեղծագործություններին:
• Երգը հիշատակվում է Էլվին Բրուքս Ուայթի «Ստյուարտ Լիթլ» պատմվածքի գլուխներից մեկում։
• Երգը կատարում է մանկական երգչախումբը «Going My Way» սև-սպիտակ երաժշտական ​​դրամայում Բինգ Քրոսբիի մասնակցությամբ։

Ծանոթագրություններ

1. I. Opie and P. Opie, The Oxford Dictionary of Nursery Rhymes (Oxford: Oxford University Press, 1951, 2nd edn., 1997), p. 306.
2. W. S. Baring-Gould and C. Baring-Gould, The Annotated Mother Goose: Nursery Rhymes Old and New (Bramhall House, 1962), p. 156.
3. Thomas Ravenscroft., Deuteromelia or The Seconde part of Musicks melodie, or melodius Musicke. Of Pleasant Roundalaies; Printed for Thomas Adams (1609). «Rounds or Catches of 3 Voices, #13» (Online version Արխիվացված է Մարտ 29, 2016 Wayback Machine-ի միջոցով:)
4. Christopher Baker, Absolutism and the scientific revolution, 1600—1720: a biographical dictionary, «Ravenscroft, Thomas (C.1590-C.1623)», Greenwood Publishing Group, 2002, ISBN 0-313-30827-6, ISBN 978-0-313-30827-7, 450 pages (page 319)
5. The Josquin Companion. Oxford, 2001, p. 69 Արխիվացված 2018-08-11 Wayback Machine.
6. Ethier, Bryan (Dec, 2001). Play Us a Song, You’re the Organ Man, Hockey Digest.
7. ESPN — Frank not fined; Kidd docked $20K for postgame rant – NBA Արխիվացված 2015-07-21 Wayback Machine, Sports.ESPN.Go.com.
8. Harvard University Band

Արտաքին հղումներ

• Երգի վերլուծություն © School of Communication, Information and Library Studies, Rutgers University