Դարհեմի համալսարան

Դարհեմի համալսարան, անգլ.՝ University of Durham, հայտնի է նաև Դարհեմական համալսարան, անգլ.՝ Durham University^[9], համալսարան Անգլիայի Դարհեմ քաղաքում։ Հիմնադրվել է խորհրդարանի ակտով 1832 թվականին և ստացել թագավորական խարտիան 1837 թվականին։ Համարվում է Անգլիայի ամենահեղինակավոր և երեք գլխավոր համալսարաններից մեկը, քանի որ դրանից առաջ Անգլիայի տարածքում գոյություն են ունեցել միայն Օքսֆորդի և Քեմբրիջի համալսարանները (ինչպես նաև ընդամենը 4 տարի գոյություն ունեցող Նորթհեմփթոնի համալսարանը)։ Երրորդ կոչվելու իրավունքը վիճարկում է Լոնդոնի համալսարանը, հիմնվելով համալսարանի կարգավիճակ չունեցող իր առանձին հնագույն ստորաբաժանումների վրա։

Դարհեմի համալսարան
Տեսակ	կոլեգիալ համալսարան, հանրային հետազոտությունների համալսարան, բարձրագույն ուսումնական հաստատություն և կրթական կազմակերպություն
Կարգախոս	Fundamenta eius super montibus sanctis
Հիմնադրված է	1832
Հիմնադրիր	William Van Mildert? և Charles Thorp?
Անվանված է	միգուցե Դարհեմի տաճար
Ռեկտոր	Karen O'Brien?[1]
Ընդհանուր անձնակազմ	4270 մարդ (2019)[2]
Անդամակցություն	N8 հետազոտական ընկերություն, Faith and Globalisation Network of Universities?, Universities UK?, Համալսարանների մատարիկի ցանց, EFMD Quality Improvement System?, Եվրոպայի համալսարանների միություն[3], Association to Advance Collegiate Schools of Business?, Համալսարանների համագործակցային կազմակերպություն, «Ռասսել» խումբ, Association of MBAs?, ORCID[4][5], Jisc[6], Digital Preservation Coalition[7] և ArXiv[8]
Երկիր	Միացյալ Թագավորություն
Տեղագրություն	Դարհեմ, Թիզի Սթոքտոն և Դարեմ քաունթի
Հասցե	University House, Old Evet, Durham, DH1 3HP
Կայք	durham.ac.uk​(անգլ.)
Դարհեմի համալսարան (Միացյալ Թագավորություն) Դարհեմի համալսարան, Միացյալ Թագավորություն
Durham University Վիքիպահեստում

Պատմություն և նկարագրություն

Դարհեմի համալսարանը բաղկացած է կենտրոնական դեպարտամենտից (ֆակուլտետներից) և 16 քոլեջներից։ Ընդհանուր առմամբ, դեպարտամենտները (ֆակուլտետները) զբաղվում են հետազոտական աշխատանքով և ուսանողների համար դասախոսությունների կենտրոնացված կազմակերպմամբ, մինչդեռ քոլեջները պատասխանատու են ավագ կուրսերի, ասպիրանտների և համալսարանի անձնակազմի մի մասի տեղաբաշխման և ապահովման համար։

Համալսարանի ուսանողները հիմնականում միջին և բարձր դասի ներկայացուցիչներ են^[10]։ Ըստ University Guide-ի վերջին հետազոտության, Դարհեմի համալսարանը Մեծ Բրիտանիայում զբաղեցնում է 3-րդ տեղը՝ Քեմբրիջի և Օքսֆորդի համալսարաններից հետո^[11]։

Դարհեմը երկար ժամանակ վայելել է զարգացած ավանդույթներով աստվածաբանական կրթություն ունեցող քաղաքի համբավը, ինչի կապակցությամբ խոշոր ուսումնական հաստատություն հիմնելու առաջին փորձերը նախաձեռվել են Հենրի VIII-ի և Կրոմվելի օրոք, որոնք ստացել են համապատասխան արտոնագրեր^[12]։ Սակայն Օքսֆորդի և Քեմբրիջի համալսարանների կողմից հակազդեցության պատճառով, Դարհեմի քոլեջն այդպես էլ չի կարողացել դառնալ համալսարան մինչև 19-րդ դարը^[13]։ Միայն 1832 թվականին, ավագ սարկավագ Չարլզ Տորպի պնդմամբ և Դարհեմ եպիսկոպոս Ուիլյամ վան Միլդերթի աջակցությամբ, համալսարանի հիմնադրման մասին որոշումն ընդունել է բրիտանական խորհրդարանը։ Հանրակացարանը 1833-1837 թվականներին եղել է ավագ սարկավագի փոքրիկ տավերնում։ Ավելի ուշ համալսարանին է փոխանցվել Դարհեմի ամրոցը (նախկինում՝ Եպիսկոպոսի պալատը)։ Վիլհելմ 4-րդը 1837 թվականի հունիսի 1-ին համալսարանին շնորհել է թագավորական խարտիան, իսկ մեկ շաբաթ անց կայացել է առաջին ավարտական թողարկումը։

2009 թվականի հուլիսին Միացյալ Թագավորության վարչապետ Թոնի Բլեերը, Եյլի համալսարանի և Սինգապուրի ազգային համալսարանի հետ համագործակցության կնքումից հետո հայտարարել է, Դարհեմի համալսարանի հետ ռազմավարական համագործակցության մասին, որպեսզի ստեղծվի տասներկու առաջատար հետազոտական համալսարանների գլոբալ ցանց, հավատքի և գլոբալիզացիայի (Faith and Globalization Initiative) իր նախաձեռնության առաջխաղացման համար Թոնի Բլեերի հավատքի հիմնադրամի (Tony Blair Faith Foundation) հետ համագործակցությամբ^[14]։

Տես նաև

• Դարհեմի ամրոց

Ծանոթագրություններ

1. https://www.dur.ac.uk/about/governance/kobrien/
2. https://www.hesa.ac.uk/data-and-analysis/students/where-study
3. https://eua.eu/about/member-directory.html
4. https://orcid.org/members/001G000001sQkOtIAK-durham-university
5. https://web.archive.org/web/20231020113811/https://orcid.org/members
6. https://www.jisc.ac.uk/membership
7. https://dpconline.org/about/members
8. Our Members / Tier 2
9. «The University : Trading Name — Durham University». Արխիվացված է օրիգինալից 2011 թ․ նոյեմբերի 15-ին. Վերցված է 2019 թ․ օգոստոսի 4-ին.
10. «Profile: Durham University». The Times. London. Արխիվացված է օրիգինալից 2011-07-16-ին. Վերցված է 2019-08-04-ին.
11. «The Sunday Times University Guide 2012». Արխիվացված է օրիգինալից 2012 թ․ ապրիլի 23-ին.
12. «The Penny Cyclopædia of the Society for the Diffusion of Useful Knowledge». C. Knight, 1838. Վերցված է 2009 թ․ մայիսի 31-ին.
13. «Архивированная копия» (PDF). Արխիվացված է օրիգինալից (PDF) 2007 թ․ օգոստոսի 8-ին. Վերցված է 2007 թ․ օգոստոսի 7-ին.
14. «アーカイブされたコピー». Արխիվացված է օրիգինալից 2009 թ․ հուլիսի 24-ին. Վերցված է 2010 թ․ մարտի 11-ին.

Արտաքին հղումներ

• Դարհեմի համալսարան
• Դուրհամի ուսանողական միություն Արխիվացված 2021-03-10 Wayback Machine

Վիքիպահեստն ունի նյութեր, որոնք վերաբերում են «Դարհեմի համալսարան» հոդվածին։