Արևմտյան Բենգալիա

Արևմտյան Բենգալիա (բենգալերեն՝ পশ্চিম বঙ্গ, Pościm Bôngo, անգլ.՝ West Bengal), նահանգ Հնդկաստանում, Գանգես գետի ավազանի ստորին մասում։ Տարածությունը՝ 88 հզ․ կմ², բնակչությունը՝ 44,5 մլն․ (1971), հիմնականում բենգալացիներ։ Վարչական կենտրոնը՝ Կալկաթա։ Մակերևույթը հարթավայրային է՝ կազմված Գանգես գետի և նրա վտակների ալյուվիալ նստվածքներից։ Կլիման խոնավ արևադարձային է (դեկտեմբերին՝ 19 °C, մայիսին՝ 30 °C), տարեկան տեղումները՝ 1400-1800 մմ։ Արևմտյան Բենգալիան աշխարհի ամենախիտ բնակեցված վայրերից է (մոտ 500 մարդ 1 կմ² վրա)։ Ըստ կրոնի, 79%-ր հինդուիստներ են, 20%-ը՝ մուսուլմաններ։ Ցանքատարածությունները զբաղեցնում են տերիտորիայի 60%-ը (բրինձ, ջութ, թեյ, ծխախոտ և այլն)։ Հնդկաստանի ինչպես թեթև ու սննդի, այնպես էլ ծանր արդյունաբերության զարգացած նահանգներից է։ Արդյունաբերությունը կենտրոնացված է գլխավորապես Կալկաթայում ու նրա շրջակայքում, ինչպես նաև Ռանիգանջի ավազանում։

Արևմտյան Բենգալիա բենգալերեն՝ পশ্চিম বঙ্গ, Pościm Bôngo անգլ.՝ West Bengal
Երկիր	Հնդկաստան
Կարգավիճակ	Հնդկաստանի նահանգ
Մտնում է	Հնդկաստան
Վարչկենտրոն	Կալկաթա
Ամենաբարձր կետ	Sandakpu?
Օրենսդրական մարմին	Արևմտյան Բենգալիայի օրենսդիր ժողով
Հիմնական լեզու	Բենգալի
Պաշտոնական լեզուներ	բենգալերեն[1] և անգլերեն[1]
Բնակչություն (2010)	91 347 736 (4-րդ տեղ)
Խտություն	1029,25 ( 7-րդ տեղ)
Տարածք	88 752  (13-րդ տեղ)
Հիմնադրված է	հունվարի 26, 1950 թ.
Սահմանակցում է	Ասսամ, Սիկկիմ, Բիհար, Օդիշա (նահանգ), Ջարկխանդ, Rajshahi Division?, Rangpur Division? և Khulna Division?
Փոխարինեց	Բենգալյան նախագահություն
ISO 3166-2 կոդ	IN-WB
Ավտոմոբիլային կոդ	WB
Անվանված է	արևմուտք և Բենգալիա
wb.gov.in
Արևմտյան Բենգալիա Վիքիպահեստում

Ծանոթագրություններ

1. https://wb.gov.in/portal/web/guest/facts-and-figures

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 2, էջ 40)։

Վիքիպահեստն ունի նյութեր, որոնք վերաբերում են «Արևմտյան Բենգալիա» հոդվածին։