ազատ ոճի հայ ըմբիշ From Wikipedia, the free encyclopedia
Արման Հարությունի Անդրեասյան (դեկտեմբերի 27, 1999), ազատ ոճի հայ ըմբիշ, ըմբշամարտի Եվրոպայի 2024 թվականի չեմպիոն։
| Արման Անդրեասյան | |||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | |||||||||||||||||||||||||||||||||||||||||||
| Անձնական տեղեկություն | |||||||||||||||||||||||||||||||||||||||||||
| Սեռ՝ | արական | ||||||||||||||||||||||||||||||||||||||||||
| Մասնագիտացում՝ | ըմբիշ | ||||||||||||||||||||||||||||||||||||||||||
| Ծննդյան ամսաթիվ՝ | դեկտեմբերի 27, 1999 (24 տարեկան) | ||||||||||||||||||||||||||||||||||||||||||
| Հասակ՝ | 167 սանտիմետր | ||||||||||||||||||||||||||||||||||||||||||
Պարգևներ
| |||||||||||||||||||||||||||||||||||||||||||
Արման Անդրեասյանը Սերբիայի Բելգրադ քաղաքում կայացած անհատական ըմբշամարտի աշխարհի 2020 թվականի առաջնությունում նվաճել է տղամարդկանց մինչև 70 կգ քաշային կարգի բրոնզե մեդալներից մեկը[1][2]։
2021 թվականին Լեհաստանի Վարշավա քաղաքում կայացած ըմբշամարտի Եվրոպայի առաջնությունում Անդրեասյանը նվաճել է տղամարդկանց մինչև 70 կգ քաշային կարգի բրոնզե մեդալներից մեկը[3]։ Երկու շաբաթ անց Բուլղարիայի Սոֆիա քաղաքում կայացած Համաշխարհային օլիմպիական որակավորման մրցաշարում Անդրեասյանը չի կարողացել որակավորվել 2020 թվականի Ամառային օլիմպիական խաղերին (Տոկիո, Ճապոնիա) մասնակցելու համար[4]։ 2021 թվականի հոկտեմբերին Նորվեգիայի Օսլո քաղաքում կայացած ըմբշամարտի աշխարհի առաջնությունում պարտվել է բրոնզե մեդալի համար տղամարդկանց 70 կգ քաշային կարգում անցկացված մրցապայքարում[5][6]։ 2021 թվականի նոյեմբերին մինչև 70 կգ քաշային կարգում Թեհրանում կայացած աշխարհի զինվորական առաջնությանը նվաճել է ոսկե մեդալ[7]։
Սերբիայի Բելգրադ քաղաքում կայացած ըմբշամարտի աշխարհի 2022 թվականի առաջնությունում հանդես է եկել տղամարդկանց մինչև 70 կգ քաշային կարգում[8]։ 2022 թվականին Բուդապեշտում մինչև 70 կգ քաշային կարգում Եվրոպայի առաջնությանը դարձել է արծաթե մեդալակիր[9]։
2023 թվականին Երևանում Ստեփան Սարգսյանի Գավաթի շրջանակներում 70 կգ քաշային կարգում դարձել է հաղթող[10]։ 2023 թվականին Բելգրադում աշխարհի առաջնությանը մինչև 70 կգ քաշային կարգում նվաճել է բրոնզե մեդալ[11]։
2024 թվականի փետրվարի 17-ին Բուխարեստում կայացած Եվրոպայի առաջնության եզրափակիչ գոտեմարտում Արմանը, 7:3 հաշվով հաղթելով վրացի Ակակի Կեմերտելիձեին, դարձել է աշխարհամասի չեմպիոն[12]։ Այդ հաղթանակը նա նվիրել է 44-օրյա պատերազմում հերոսացած եղբորը՝ Տարոնին[13]։
| Տարի | Մրցաշար | Վայր | Արդյունք | Մրցույթ |
|---|---|---|---|---|
| 2021 | Եվրոպայի առաջնություն | Վարշավա, Լեհաստան | 3-րդ | Ազատ ոճի ըմբ., մինչև 70 կգ |
| 2022 | Եվրոպայի առաջնություն | Բուդապեշտ, Հունգարիա | 2-րդ | Ազատ ոճի ըմբ., մինչև 70 կգ |
| 2023 | Աշխարհի առաջնություն | Բելգրադ, Սերբիա | 3-րդ | Ազատ ոճի ըմբ., մինչև 70 կգ |
| 2024 | Եվրոպայի առաջնություն | Բուխարեստ, Ռումինիա | 1-ին | Ազատ ոճի ըմբ., մինչև 70 կգ |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
