Եվրոսպորտ

Եվրոսպորտ, ֆրանսիական միջազգային մարզական հեռուստաընկերություն, եթեր է հեռարձակվում 1989 թվականի փետրվարի 5-ից։ Պատկանում է ֆրանսիական TF1 Group հոլդինգին (80%) և ամերիկյան Discovery Communications մեդիաընկերությանը (20%)^[1]։ Հեռուստաալիքը հասանելի է 59 երկրներում, հեռարձակվում է 20 լեզուներով։

«Eurosport»

🌐	www.eurosport.com
Երկիր	Ֆրանսիա Իսի-լե-Մուլինո
Հեռարձակման գոտի
Հեռարձակման սկսման թվական	1989
Սեփականատեր	Groupe TF1 (80%) Discovery Communications (20%)

Շատ երկրներում հեռարձակվում է ալիքի համաեվրոպական տարբերակը, սակայն Գերմանիայում, Ֆրանսիայում և Անգլիայում հեռարձակվում են հեռուստաալիքի սեփական տարբերակները՝ թարգմանված տիտրերով և սեփական գովազգային հոլովակներով^[2]։

2013 թվականին «Eurosport»-ը համացանցում թողարկեց 11 թեմատիկ ալիքներ^[3]։

Լրացուցիչ հեռուստաալիքներ

Eurosport HD

2008 թ. մայիսի 25-ից սկսել է հեռարձակվել հեռուստաալիքի բարձր պարզության (HD) տարբերակը։ Պոտենցիալ դիտորդների թիվը կազմում է շուրջ 240 միլիոն մարդ։ Հեռարձակվում է 15 լեզուներով։

Eurosport 2

Հեռուստաալիքը հիմնվել է 2005 թ. հունվարի 10-ին, և տարբերվում է հիմնական հեռուստաալիքից մեծ մասամբ երիտասարդական մարզատեսակների ցուցադրությամբ։ Հասանելի է 35 երկրներում 13 լեզվով՝ անգլերեն, ֆրանսերեն, իտալերեն, գերմաներեն, պորտուգալերեն, հունարեն, հունգարերեն, ռուսերեն, լեհերեն, ռումիներեն, բուլղարերեն, սերբերեն և թուրքերեն։

Գործում է նաև հեռուստաալիքի HD տարբերակը։

Eurosport News

Մարզական լուրերի հեռուստաալիքը եթեր է հեռարձակվում 2000 թ. սեպտեմբերի 1-ից^[4]։

British Eurosport

Հեռուստաալիքի Մեծ Բրիտանիայի տարբերակն է, հիմնվել է 1999 թվականին^[5]։ 2012 թ. հուլիսի 25-ից մեկնարկեց ալիքի HD տարբերակը^[6]։ 2012 թ. կայանալիք Ամառային Օլիմպիադայի հանդիպումները թողարկվում էին նաև 3D տարբերակով^[7]։

Eurosport 3D

2010 թ. ապրիլից հեռարձակվում է «Eurosport 3D» ալիքը^[8][9]։

Եվրոսպորտը Հայաստանում

1998-2002 թվականներին հեռուստաալիքը վերահեռարձակվում էր Դար 21 հեռուստաընկերության կողմից։

Արտաքին հղումներ

• Պաշտոնական կայք (անգլ.)
• Պաշտոնական կայք (ռուս.)
• Պաշտոնական կայք (ֆր.)

Ծանոթագրություններ

1. TF1 & Discovery finalize agreement and move forward to build three-tier strategic alliance across Eurosport Արխիվացված 2013-10-22 Wayback Machine(անգլ.)
2. Не единым Губерниевым… — Кривой эфир(ռուս.)
3. telehobosti.blogoman.ru - Блог Телехобости : "Eurosport" запускает Интернет-телеканалы Արխիվացված 2016-03-07 Wayback Machine(ռուս.)
4. EUROSPORTNEWS - канал для ленивых болельщиков Արխիվացված 2012-08-06 Wayback Machine(ռուս.)
5. More than a road digger?(անգլ.)
6. British Eurosport launches HD channels(անգլ.)
7. Sky to broadcast Eurosport's 3D Olympics coverage Արխիվացված 2015-09-24 Wayback Machine(անգլ.)
8. Eurosport to serve 3D tennis across the continent(անգլ.)
9. Eurosport goes 3D on Astra(անգլ.)

Վիքիպահեստն ունի նյութեր, որոնք վերաբերում են «Եվրոսպորտ» հոդվածին։